جاڭا حابارلار

سەرىكتەسكەن تۋىسىم ۋ شۋتىڭعا العىسىم شەكسىز

    كەلۋ قاينارى: شينجياڭ حالىق راديو ىستانسياسى    2018-04-11 16:33:21  
قۇتىبي راديو ستانسياسىنىڭ ءتىلشىسى شۇي چىڭشيۋدىڭ حابارىن تىڭداڭىزدار: بيىل كوكتەمدە، قۇتىبي اۋدانى ارشىليديان قالاشىعى ارشىليديان قىستاعىنىڭ ديحانى سامەت جۇماق ەرەكشە قۋاندى، ول 12 جىل وتىرعان ورىندىق ارباعا حوش ايتىپ، اياعىن تىك باسىپ ورنىنان تۇردى. سامەت جۇماق: «سەرىكتەسكەن تۋىسىم ۋ شۋتىڭعا العىسىم شەكسىز»،-دەدى.
«الدىمەن ورنىڭنان تۇرەگەل، اياعىڭدى نىق باس، باسىڭدى كوتەر، ونان سوڭ اسا تاياعىڭدى تاستا».
3-ايدىڭ 31-كۇنى ۋ شۋتىڭ سانجى وبلىستىق جۇڭ-ي شيپاحاناسىندا قىزمەت ىستەيتىن فۋجيان ولكەسىنەن شينجياڭعا كومەككە كەلگەن ەكى شيپاگەردى سامەت جۇماقتىڭ ۇيىنە تاعى ەرتىپ بارىپ، ونىڭ دەنساۋلىعىن قالپىنا كەلتىرۋىنە جەتەكشىلىك ەتتى، ءارى وسىدان بىلايعى دەنساۋلىعىن قالپىنا كەلتىرۋدىڭ جوسپارىن جاسادى.
12 جىلدىڭ الدىندا، سامەت جۇماق ءوت جولىءىنجۋ وسپەسى اۋىرۋىنا شالدىعىپ، وپەراتسيادان كەيىن ميشىعى سولىپ، ارەكەتتەنۋ قۋاتىنان ايىرىلىپ، تۇرمىستا جۇبايىنىڭ كۇتىمدەۋىنە عانا قاراپ قالادى، ەكى بالاسى وقيتىندىقتان، وتباسى تۇرمىسى دا قينشىلىق قىسپاعىندا قالىپ، دالمە-ءدال سۇيەمەلدەۋ وبيەكتىسىنە اينالادى. وتكەن جىلى 4-ايدا سانجى وبلىستىق قوعام حاۋىپسىزدىگى مەكەمەسىنە ءمانساپقا ءىلىپ جىبەرىلگەن فۋجيان ولكەسىنەن شينجياڭعا كومەككە كەلگەن كادر ۋ شۋتىڭ سامەت جۇماقپەن سەرىكتەسىپ تۋسقاندىق قاتىناس ورناتادى. ۋ شۋتىڭ ەكى دە ءۇش اي ۋاقىت جۇمساپ، سامەت جۇماققا وپەراتسيا جاساعان شيپاحانامەن بارىس-كەلىس جاساپ، ونىڭ اۋىرۋ تاريحىن الىپ، سۇيەك ءبولىمنىڭ، نەرۆ اۋىرۋلارى ءبولىمنىڭ ماماندارىن ىزدەپ بارىپ، ولارعا مۇنى كورسەتەدى، ءارى فۋجيان ولكەسىنەن شينجياڭعا كومەككە كەلگەن شيپاگەر ۋاڭ حۇيدى مامەت جۇماقتىڭ دەنساۋلىعىن قالپىنا كەلتىرۋىنە جەتەكشىلىك ەتۋگە ۇسىنىس ەتەدى. ۋاڭ حۇي بىلاي دەدى: «ول الدىمەن ءوزى ابدەن يگەرگەننەن كەيىن، سامەت اعايعا تۇسىندىرەدى، ارالىقتا ۇنەمى ونىمەن بىرگە جاتتىعۋ جاسايدى. بۇل بارىستا ول كوپتەگەن تۇيىنگە اسا مۇحيات بولدى، مىسالى: سامەت اعايدىڭ تابالدىرىقتان اتتاۋى، ورگە شىعۋى سياقتى بارىستاردا قانداي قاتەرلى ماسەلەلەردىڭ بارلىعىن الدىن-الا ويلاپ، ەرەكشە كوڭىل ءبولىپ، نەنى وزگەرتۋ كەرەكتىگىن مۇقيات جوسپارلادى».
سامەت اعايدىڭ ەرتەرەك ساۋىعۋىنا كومەكتەسۋ ءۇشىن، ۋ شۋتىڭ تاعى ءوز قالتاسىنان اقشا شىعارىپ، ونىڭ ۇيىنە يكەمدى وزگەرىستەر ەنگىزدى، جاتىن بولمەسىنەن تازالىق بولمەسىنە، ونان قوناق بولمەسىنە دەيىنگى ارالىققا، ەسىككە، تامنىڭ جاعالاۋىنا دەيىن سۇيەنىش ورناتتى، تاعى دارەت شەلەگى، اسا تاياق سياقتىلار ساتىپ الدى. ءبىر جىلدان بەرى، ۋ شۋتىڭنىڭ دەن قويا قارايلاسۋى مەن سەرىك بولىپ جاتتىعۋ جاساتۋىنىڭ ارقاسىندا، سامەت جۇماق اقىرى ورىندىق ارباعا حوش ايتىپ، دالاعا شىقتى، ميشىق نەرۆنىڭ سولۋ ءجايتىنىڭ بىرتىندەپ قالپىنا كەلۋىنە بايلانىستى، ونىڭ ءسوزى دە تۇزەلە باستادى. ول: «وسى ءىنىم بولماسا، مەن توسەك تارتىپ جاتقان بولار ەدىم. سىرتقا شىعا الماس تا ەدىم. مامانداردى ۇسىنىس ەتىپ، مەنى ەمدەتىپ، جاتتىعۋ جاساتتى، ونىڭ ارقاسىندا ءوزىم سىرتقا شىعا الاتىن بولدىم، ەرەكشە قۋانىشتامىن، تۋىسىما العىسىم شەكسىز»،-دەدى.
شۋتىڭ الدا تاعى سامەت اعايعا سەرىك بولىپ، وعان دەنساۋلىعىن قالپىنا كەلتىرۋ جاتتىعۋىن جاساتاتىنىن ايتا كەلىپ، بىلاي دەدى: «قازىر سامەت اعاي ءوزىن-ءوزى مەڭگەرە الاتىن بولدى، جەڭگەم سىرتقا شىعىپ جۇمىس ىستەپ كىرىس كىرگىزسە، وتباسىنىڭ تۇرمىسى بىرتىندەپ جاقسارىپ، سوڭىندا كەدەيلىكتەن قۇتىلادى.
مەن دە وعان قولىمنان كەلگەنىنشە قالتقىسىز كومەك كورسەتىپ، وسى جۇمىستى ويداعىداي جالعاستىرامىن».

بەرىپ كەت ورامالىڭدى

دوستار

الىستاعى اق ەركە