جاڭا حابارلار

جاڭا ەنەرگيالى ونىمدەر بۇقارانىڭ كۇندەلىكتى تۇرمىسىنا تەز ارادا قولدانىلا باستادى

    كەلۋ قاينارى: شينجياڭ حالىق راديو ىستانسياسى    2018-04-11 16:52:32  
ستانسيامىزدىڭ تىلشىلەرى حى بيڭ، لان تيان جانە قۇمىل راديو ستانسياسىنىڭ تىلشىلەرى جاۋ يە، شى سايحىلاردىڭ حابارىن تىڭداڭىزدار: قۇمىل قالاسىندا وزگەشە جەل ەنەرگياسى، كۇن ەنەرگياسى بايلىعى بار، سوڭعى جىلدارى، جاڭا ەنەرگيا كاسىبىن كۇش سالا دامىتقاندىقتان، بۇرىنعىدان دا كوپ جاڭا ەنەرگيا ونىمدەرى بۇقارانىڭ كۇندەلىكتى تۇرمىسىنا پايدالانىلدى.
قۇمىل قالاسى ەۋىرعول رايونىنىڭ كوشەسىندەگى كوك جانە اق سىرمەن سىرلانعان ەلەكترلى كىرە اۆتوكولىكتەرى، ەلەكترلى كوشە اۆتوبوستارى كوزگە وتتاي باسىلادى. ەلەكترلى كىرە اۆتوكولىگىنىڭ شوفەرى يىن ماۋچۇن جاڭا ەنەرگيانى اۋىز جاپپاي ماقتادى، تاعى ءتىلشىنى كىرە اۆتوكولىگىنە وتىرىپ، ونىڭ راحاتىن سەزىنۋگە ۇسىنىس ەتتى، ول: «كىرە اۆتوكولىگىنىڭ وتالعانى وسى، نەگىزىنەن داۋىس شىقپايدى»، ــ دەدى. ماتوردىڭ شۋىل قاينارى ازايعاندىقتان، كىرە اۆتوكولىگىنىڭ ءىشى تىپ-تىنىش سەزىلدى. يىن ماۋچۇن: «قانداي ەكەن، قارقىنى تەز جوعارلايتىن شىعار، مەن قوزعالىس ۇلگىسىن پايدالانىپ وتىرمىن، ەندى ەنەرگيا ۇنەمدەۋ ۇلگىسىنە اۋىستىرايىن »، ــ دەدى، ول ەلەكترلى كىرە اۆتوكولىگىنىڭ اۋىرلىعى 2 توننادان اسقانمەن، قوزعاۋشى كۇشنىڭ وتە مىعىم ەكەنىن، جانارزاتپەن جۇرەتىن اۆتوكولىكتەرمەن سالىستىرعاندا، ەنەرگيانى سارىپ ەتۋ مولشەرىنىڭ 3تەن بىرىندەي ەكەندىگىن ايتا كەلىپ بىلاي دەدى: «بۇل اۆتوكولىكتى ساعاتىنا 140 كيلومەتر جىلدامدىقپەن جۇرگىزۋگە بولادى، قارقىنى جانارمايمەن جۇرەتىن اۆتوكولىكتەن تەز، تاۋ جولىندا، قايقايىسقا شىققاندا گازبەن جۇرەتىن كولىكتەرگە قاراعاندا الدە قايدا تەز جۇرەدى.400 كيلومەترگە دەيىن توقتاماي جۇرۋگە بولادى، جۇرىسى دە وتە ءجايلى، ەلەكترلى اۆتوكولىك جاراقسىز گاز شىعارمايدى، جولاۋشىلار دا راحاتتانىپ وتىرادى».
وتكەن جىلى، قۇمىل قالاسى ەۋىرعول رايوندىق كوشە اۆتوبوسى باس سەرىكتەسىتگى «ەلەكترلەنگەن قۇمىل» قۇرۋ ۇندەۋىنە ءۇن قوسىپ، 60 ميلليون يۋاننان ارتىق قارجى شىعارىپ، 42 ەلەكترلى كوشە اۆتوبوسىن جانە 60 ەلەكترلى كىرە اۆتوكولىگىن ساتىپ الدى، وسى جاڭا ەنەرگيالى اۆتوكولىكتەر جىلىنا ءبىر مىڭ 40 توننا جانارماي، ءبىر مىڭ 530 توننا ولشەمدى كومىر ۇنەمدەي الادى ەكەن.
قۇمىل قالاسى تاعى كومىر جاعاتىن پار قازانداردى جاڭالاۋدى بەلسەنە ىلگەرىلەتىپ، ەلەكترمەن جىلىتۋ سىناق ءتۇيىنىن كۇش سالا ورىستەتتى. قۇمىل قالاسى ەۋىرعول رايونى باقىت قستاعى الەۋمەتتىك اۋماعىنىڭ تۇرعىنى سىرىم قۇمار ۇلى وتباسى وتكەن جىلى دەبەلدىرىك اۋىلىنىڭ چاچاي قىستاعىنان وسى جەرگە كوشىپ كەلىپ، ەلەكترمەن جىلىناتىن جاڭا ۇيگە كىرگەن بولاتىن. ول بىلاي دەدى: «بۇرىن قىستا ءبىر مىڭ 500 يۋانعا 4 توننا كومىر تۇسىرەتىنمىن، ونىڭ ۇستىنە ونىمەن ءبىر ءۇيدى عانا جىلىتۋعا بولاتىن، جىلىنۋ ءۇشىن بارلىعىمىز ءبىر ۇيگە ۇيلىعىپ وتىراتىنبىز. قازىر بارلىق ءۇي جىلى، تازا، رەتتى، ءارى راحات، كۇندە كومىر كىرگىزىپ، وت جاعىپ جۇرمەيتىن بولدىم». ەۋىرعول رايونى شىعىس قالا ماڭى اشۋ رايونىن باسقارۋ كوميتەتى پارتكومىنىڭ ورىنباسار شۋجيى، مەڭگەرۋشىسى ياڭ يانجۋان، قازىر باقىت قىستاعى الەۋمەتتىك اۋماعىنداعى تۇرعىنداردىڭ ءار جىلعى جىلۋمەن قامداۋ ماۋسىمىندا ءبىر مىڭ 440 يۋان عانا تاپسىراتىنىن، قالعان قاراجاتتى جىلۋمەن قامداۋ كاسىپورىندارى قوسىمشا قاراجات رەتىندە بەرەتىندىگىن ايتا كەلىپ بىلاي دەدى: «1-ايدان كەيىن توك باعاسىنىڭ تومەندەۋىنە بايلانىستى، 2018-جىلدان 2019-جىلعا دەيىن 2مىڭ يۋاننىڭ اينالاسىندا جىلۋمەن قامداۋ اقىسىن تاپسىرۋى مۇمكىن، كاسىپورىن ءار وتباسىنا سول جىلعى جىلۋمەن قامداۋ ماۋسىمىندا 700 يۋان قوسىمشا قاراجات بەرەدى».
پارتيا 19-قۇرىلتايىنىڭ بايانداماسىندا، ەنەرگيا ءوندىرىسى مەن تۇتىنۋ توڭكەرىسىن ىلگەرىلەتىپ، تازا، تومەن كومىرتەكتى، حاۋىپسىز، جوعارى ءونىمدى ەنەرگيا جۇيەسىن قۇرۋ كەرەكتىگى العا قويىلدى. قازىرگە دەيىن قۇمىل قالاسىنىڭ ەلەكترمەن جىلتاتىن اۋماعى 557 مىڭ شارشى مەترگە جەتىپ، «ەلەكترلەنگەن قۇمىل» مەن «تازا قۇمىل » قۇرىلىسى بارىنشا توعىستىرىلدى.
تاياۋدا، اۆتونوميالى رايونىڭ بايلىق رەفورماسى سىناق ءتۇيىنى، 10 ميلليون كيلوۆات دارەجەلى جەل ەلەكتر بازاسى، 10 ميلليون كيلوۆات دارەجەلى فوتو ۆولتتىق جارىق جىلۋىمەن توك تاراتۋ بازاسى بولعان سولتۇستىك قۇمىل جاڭاشا امبەباپ ەنەرگيا بازاسى قۇرىلىسىن جاپپاي باستادى، بۇل قۇمىل قالاسىنىڭ «قازىرگى ەنەرگيانى ەلەكتر ەنەرگياسىنا اۋستىرۋ» ينجەنەرياسىن جالعاستى ىلگەرىلەتۋىنە ەنەرگيا جاعىندا كەپىل بولدى. ال مەملەكەتتىك قايتا تۋىندايتىن ەنەرگيا ينفورماتسياسىن باسقارۋ ورتالىعىنىڭ قۇمىل بولىمشە ورتالىعى قۇمىل قالاسىنىڭ جاڭا ەنەرگيا كاسىبىنىڭ دامۋىنا ساندى مالىمەت جاعىندا تىرەك بولدى. وسى ورتالىقتىڭ جاۋاپتىسى جاڭ شين بىلاي دەدى: «باس شۋجي شي جينپيڭ، قورشاعان ورتانىڭ باۋراۋ قۋاتى مەن باسەكەلىك قۋاتىن كۇشەيتىپ جانە دامىتىپ، جاسىل دامۋدىڭ دەڭگەيىن جوعارىلاتۋ كەرەك،-دەپ اتاپ كورسەتتى. وسى تالاپتى ارقاۋ ەتە وتىرىپ، وسى تەكشەنىڭ جيناعان ساندى مالىمەتتەرى ارقىلى قۇمىلدىڭ، ءتىپتى تۇتاس شينجياڭنىڭ جاڭا ەنەرگيا كاسىبىن جوبالاۋدى ساندى مالىمەت جاعىندا قولدايمىز. تەكشەنىڭ ساندى مالىمەتتەرى جاڭا ەنەرگيا كاسىبىن اناعۇرلىم كەڭ كولەمدە جوبالاپ ورنالاستىرۋ ءۇشىن جينالادى».
قۇمىل قالاسى شينجياڭنىڭ توگىن سىرتقا جەتكىزۋ، ەلەكترلەنگەن قۇمىل قۇرۋ سياقتى نىسانداردى اتقارۋ ارقىلى جاڭا ەنەرگيا ونىمدەرىن جالپىلاستىرۋمەن بىرگە، جەرگىلىكتى ورىننىڭ جەل ەلەكتر بايلعىنىڭ پايدالانۋ مولشەرىن دە بارىنشا جوعارىلاتتى. قازىرىگە دەيىن، قۇمىل قالاسىنىڭ كۇن جانە جەل ەنەرگياسىن پايدالانباۋ مولشەرى جەكە-جەكە %4.8 جانە %17.3 تومەندەدى. قۇمىل قالاسى ەۋىرعول رايوندىق دامۋ جانە رەفورما كوميتەتىنىڭ مەڭگەرۋشىسى ۋ جيانشين بىلاي دەدى: «جاسىل ەنەرگيا كاسىپ قۇرىلىمداعى زور وزگەرىس، 2018-جىلى، ەلەكترلى اۆتوكولىككە وزگەرىس ەنگىزەمىز، وتە-موتە، زارياتتاۋ جابدىعى قۇرىلىسىن جالعاستى اتقارىپ، تازا ەلەكتردى ەنەرگياعا اينالدىرىپ، شاعىن پار قازانداردى بىرتىندەپ قاتاردان قالدىرىپ، جارىقتان، جىلۋدان پايدالانۋ جوباسن بەلسەنە جەبەپ، ەلەكتر تورابى قۇرىلىسىن، سايكەستى جابدىقتاردى جاساۋدى كەمەلدەندىرەمىز».

بەرىپ كەت ورامالىڭدى

دوستار

الىستاعى اق ەركە