جاڭا حابارلار

شي جينپيڭ سينگاپۋردىڭ زۇڭليىمەن كەزدەستى

    كەلۋ قاينارى: شينجياڭ گازەتى    2018-04-12 18:40:52  
شينحۋا اگەنتتىگىنىڭ 4 - ايدىڭ 10 - كۇنى حايناننىڭ بو - اۋىنان بەرگەن حابارى (تىلشىلەر ۋاڭ جولۇن، لو جياڭ). مەملەكەت ءتوراعاسى شي جينپيڭ 4 - ايدىڭ 10 - كۇنى حاينان ولكەسىنىڭ بو - اۋ مەملەكەتتىك قوناق ۇيىندە سينگاپۋردىڭ زۇڭليى لي شيانلۇڭمەن كەزدەستى.
  شي جينپيڭ مىنالاردى اتاپ كورسەتتى: جۇڭگو - سينگاپۋر قاتىناسىنىڭ دامۋى جۇڭگونىڭ رەفورما جاساپ، ەسىك اشۋىمەن تىعىز بايلانىستى. كەزەكتە جۇڭگوشا سوتسياليزم جاڭا داۋىرگە اياق باستى، سينگاپۋر «بولاشاق ەكونوميكانىڭ دامۋ ستراتەگياسىن» اتقارۋدا. ەكى جاق جاڭا جاعدايعا، جاڭا ەرەكشەلىككە بىرلەستىرىپ، ەكى جاق قاتىناسىنا جانە سىندارلى ىنتىماقتاستىققا قاراتا جاڭا ستراتەگيالىق جوبا جانە جوعارى دەڭگەيلى جوسپار جاساۋ كەرەك. ەكى جاق ۇكىمەتتەر اراسىنداعى ءىرى نىساندار ىنتىماقتاستىعىن ىلگەرىلەتۋ كەرەك. «ءبىر بەلدەۋ، ءبىر جول» اياسىنداعى ىنتىماقتاستىقتى كۇشەيتىپ، ەكى ەل بىرگە قۇرعان «وڭتۇستىك ارنانى» ۇزبەي ويداعىداي جالعاستىرىپ، «ءبىر بەلدەۋ» مەن «ءبىر جولدى» اناعۇرلىم ويداعىداي بايلانىستىرۋ كەرەك. جۇڭگو سينگاپۋردى قامتىعان شىعىس وڭتۇستىك ازيا وداعى ەلدەرىمەن بايلانىستى، سايكەستىكتى كۇشەيتىپ، «ءبىر بەلدەۋ، ءبىر جول» دارىپتەمەسىن شىعىس وڭتۇستىك ازيا وداعىنىڭ دامۋ جوباسىمەن ويداعىداي ءتۇيىستىرىپ، جۇڭگو - شىعىس وڭتۇستىك ازيا وداعىنىڭ اناعۇرلىم بەرىك تاعدىرلاس ورتاق تۇلعاسىن ورناتۋدى قالايدى، مۇندا سينگاپۋردىڭ بەلسەندى، سىندارلى رول ساۋلەلەندىرۋىن ءۇمىت ەتەدى.
  لي شيانلۇڭ بىلاي دەدى: سينگاپۋر حالىقارالىق قاعيدانى نەگىز ەتكەن حالىقارالىق جۇيەنى قولدايدى، حالىقارالىق ىنتىماقتاستىقتىڭ جاھاندىق ماسەلەلەرگە جانە سايىستارعا توتەپ بەرۋىن قۋاتتايدى. مەملەكەتتەر بەيبىت، سىندارلى تاسىلدەر ارقىلى ءوزارا قاتىناسىن ءبىر جاقتى ەتۋ كەرەك. جۇڭگو كوممۋنيستىك پارتياسىنىڭ 19 - قۇرىلتايىندا جانە ەندى عانا اياقتالعان جۇڭگونىڭ مەملەكەتتىك ەكى ماجىلىسىندە جاريالانعان ساياساتتار جۇڭگونىڭ ءوز دامۋىنا بولعان كورەگەن جوباسى مەن حالىقارالىق جۇيەگە بولعان قولداۋىن ايگىلەدى. كەزەكتە سينگاپۋر − جۇڭگونىڭ ەكى جاقتى ىنتىماقتاستىعى داۋىرمەن تەڭ العا باسىپ، كۇن سايىن تەرەڭدەۋدە. سينگاپۋر سينگاپۋر − جۇڭگو قاتىناسىن تەرەڭدەتۋگە، ەكى ەلدىڭ ءىرى نىساندار جانە «ءبىر بەلدەۋ، ءبىر جول» اياسىنداعى ىنتىماقتاستىعىن ىلگەرىلەتۋگە كۇش سالادى. سينگاپۋر جۇڭگو - شىعىس وڭتۇستىك ازيا وداعى قاتىناسىن قولدايدى.
  ديڭ شۋەشياڭ، ليۋ حى، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.

بەرىپ كەت ورامالىڭدى

دوستار

الىستاعى اق ەركە