جاڭا حابارلار

شي جينپيڭ  موڭعۇليانىڭ زۇڭليىمەن كەزدەستى

    كەلۋ قاينارى: شينجياڭ گازەتى    2018-04-12 18:41:51  
 شينحۋا اگەنتتىگىنىڭ 4 - ايدىڭ 10 - كۇنى حايناننىڭ بو - اۋىنان بەرگەن حابارى (تىلشىلەر حوۋ ليجۇن، ۋ كۇنپىڭ). مەملەكەت ءتوراعاسى شي جينپيڭ 4 - ايدىڭ 10 - كۇنى حاينان ولكەسىنىڭ بو - اۋ مەملەكەتتىك قوناق ۇيىندە موڭعۇليانىڭ زۇڭليى حۋريەلسۋحپەن كەزدەستى.
  شي جينپيڭ مىنالاردى اتاپ كورسەتتى: جۇڭگو جاق باستان - اياق جۇڭگو - موڭعۇليا قاتىناسىن توڭىرەكتەگى ديپلوماتيادا ماڭىزدى ورىنعا قويىپ كەلەدى. ءبىز ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتىپ، ۇزدىكسىز دوستىق، شىنايىلىق، تيىمدىلىك جەتكىزۋ، قامتىمدىلىق ۇستانىمى مەن كورشىگە ىزگى بولۋ، كورشىنى سەرىك ەتۋ سىندى توڭىرەك ديپلوماتياسىنىڭ باعىتى بويىنشا، موڭعۇليا ەلىمەن بولعان قاتىناستى تەرەڭدەتەمىز. قازىر جۇڭگو - موڭعۇليا قاتىناسى جاڭا تاريحي كەزەڭدە تۇر. ەكى جاق ءوزارا سەنىمدى بولۋ، ىنتىماقتاسۋ، تەڭ يگىلىككە كەنەلۋ پرينسيبى بويىنشا ورايدى مىقتاپ يگەرىپ، جۇڭگو مەن موڭعۇليانىڭ جان - جاقتى ستراتەگيالىق سەرىكتەستىك قاتىناسىنىڭ العا قاراي دامۋىن جەبەۋ كەرەك.
  شي جينپيڭ مىنالاردى باسا دارىپتەدى: ەكى جاق ءبىر - ءبىرىنىڭ وزەكتى مۇددەسىنە شىن مانىندە قۇرمەت ەتۋى جانە كوڭىل ءبولۋى كەرەك. جۇڭگو جاق ەجەلدەن موڭعۇليانىڭ تاۋەلسىزدىگىنە، يەلىك ۇقىعىنا، تەرريتوريا تۇتاستىعىنا قۇرمەت ەتەدى، موڭعۇليا حالقىنىڭ ءوز ەركىمەن تاڭداعان دامۋ جولىنا قۇرمەت ەتەدى. جۇڭگو جاق موڭعۇليامەن جوعارى جىكتەگىلەردىڭ قارىم - قاتىناسى مەن ءار جىكتەردىڭ بارىس - كەلىسىن قويۋلاتىپ، «ءبىر بەلدەۋ، ءبىر جول» دارىپتەمەسىن موڭعۇليا جاقتىڭ «دامۋ جولى» دارىپتەمەسىمەن ۇشتاستىرۋ جاراتاتىن ماڭىزدى ورايلاردى مىقتاپ يگەرىپ، ءار سالاداعى ىنتىماقتاستىق پەن گۋمانيتارلىق اۋىس - كۇيىستى كەڭەيتۋدى قالايدى. جۇڭگو جاق موڭعۇليا جاقتىڭ شاڭحاي ىنتىماقتاستىق ۇيىمىنىڭ قيمىلدارى مەن دامۋىنا بەلسەندىلىكپەن ات سالىسۋىن قارسى الادى.
  حۋريەلسۋح بىلاي دەدى: شي جينپيڭ ءتوراعانىڭ بۇگىن تۇستەن بۇرىن سويلەگەن ماڭىزدى ءسوزى تەرەڭ اسەر قالدىردى، ءسىز دارىپتەگەن اشىق، قامتىمدى دامۋ موڭعۇليانى قامتىعان ءار ەلگە اناعۇرلىم ءورىستى وراي جەتكىزەدى. جۇڭگومەن ىنتىماقتاستىقتى كۇشەيتۋ موڭعۇليانىڭ سىرتقا قاراتقان ساياساتىنىڭ الدىمەن ويلاستىرىلاتىن بەتالىسى. موڭعۇليا جاق ءوزارا قۇرمەت ەتۋ − ەكى ەل قاتىناسىنىڭ ساياسي نەگىزى ەكەنىن قۇپتايدى، ءبىر جۇڭگو ساياساتىن بەرىك ۇستانىپ، تايۋان، شيزاڭ جۇڭگونىڭ ايرىلماس ءبىر بولەگى، تايۋان ماسەلەسى، شيزاڭ ىستەرى جۇڭگونىڭ ىشكى ءىسى دەپ باتىل ەسەپتەيدى. موڭعۇليا «ءبىر بەلدەۋ، ءبىر جول» دارىپتەمەسىن قولدايدى، موڭعۇليا مەن جۇڭگونىڭ دامۋ ستراتەگياسىن ءتۇيىستىرۋىن جانە ءار سالاداعى ىنتىماقتاستىقتى كۇشەيتۋىن قالايدى. موڭعۇليا جۇڭگونىڭ چاۋشيان تۇبەگىنىڭ جانە شىعىس سولتۇستىك ازيا ءوڭىرىنىڭ بەيبىتشىلىگىنە، ورنىقتىلىعىنا قوسقان ماڭىزدى ۇلەستەرىن بارىنشا القايدى.
  ديڭ شۋەشياڭ، ليۋ حى، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.

بەرىپ كەت ورامالىڭدى

دوستار

الىستاعى اق ەركە