جاڭا حابارلار

شي جينپيڭ حالىقارالىق اقشا قورى ۇيىمىنىڭ باسالقاسىمەن كەزدەستى

    كەلۋ قاينارى: شينجياڭ گازەتى    2018-04-12 18:43:01  
 شينحۋا اگەنتتىگىنىڭ 4 - ايدىڭ 10 - كۇنى حايناننىڭ بو - اۋىنان بەرگەن حابارى (تىلشىلەر حوۋ ليجۇن، تۋ چاۋحۋا). مەملەكەت ءتوراعاسى شي جينپيڭ 4 - ايدىڭ 10 - كۇنى حاينان ولكەسىنىڭ بو - اۋ مەملەكەتتىك قوناق ۇيىندە حالىقارالىق اقشا قورى ۇيىمىنىڭ باسالقاسى لاگادپەن كەزدەستى.
  شي جينپيڭ حالىقارالىق اقشا قورى ۇيىمىنىڭ تۇتاس جەر شارى ەكونوميكاسىنىڭ قايتا تەبىندەۋى مەن ارتۋىن جەبەپ، فينانس ورنىقتىلىعىن قورعاۋعا ماڭىزدى ۇلەس قوسقانىن جوعارى باعالادى، حالىقارالىق اقشا قورى ۇيىمى اتقارعان ۇلەس جانە جونگە سالۋ رەفورماسىن تۇراقتاندىردى، دامۋ ۇستىندەگى ەلدەردىڭ جانە بازارى جاڭادان گۇلدەنگەن ەلدەردىڭ ۋاكىلدىك سيپاتى مەن ءسوز سويلەۋ ۇقىعىن نىعايتىپ، حالىقارالىق اقشا قورى ۇيىمىنىڭ جۇڭگونىڭ جانە ازيانىڭ دامۋىنا كوڭىل ءبولىپ، «ءبىر بەلدەۋ، ءبىر جول» دارىپتەمەسىن قولداعاندىعىن القادى.
  شي جينپيڭ جۇڭگونىڭ ەكونوميكالىق اينالىمى جانە قۇرىلىمدىق سيپاتتى رەفورما جاعدايىن تانىستىرا كەلىپ، جۇڭگونىڭ جاۋاپكەرشىلىگى كۇشتى ءىرى ەل، قازىرگى حالىقارالىق جۇيەنى قۇرۋشى جانە وعان ۇلەس قوسۋشى ەكەنىن، ءبىزدىڭ حالىقارالىق ءتارتىپتى جانە حالىقارالىق ەرەجەنى قورعاۋعا تىنباي كۇش شىعارىپ، ەركىن ساۋدا، ساۋدا مەن قارجى قوسۋدى ەركىندەستىرۋگە جانە قولايلىلاستىرۋعا ۇزدىكسىز قولداۋ كورسەتەتىنىمىزدى اتاپ كورسەتتى. حالىقارالىق قوعام قىرعي قاباقتىق ويلاۋدان بەزىپ، ادامزاتتىڭ تاعدىرلاس ورتاق تۇلعاسىن بىرگە ورناتۋلارى ءتيىس، ءبىز حالىقارالىق اقشا قورى ۇيىمىمەن ىنتىماقتاستىقتى تىنباي كۇشەيتۋدى قالايمىز.
  لاگاد شي جينپيڭ ءتوراعانىڭ جۇڭگونىڭ مەملەكەت ءتوراعاسى بولىپ تاعى دا سايلانعاندىعىن قىزۋ قۇتتىقتادى، ول بىلاي دەدى: مەن ءتوراعا شي جينپيڭنىڭ بۇگىن ءتۇستىڭ الدىندا سويلەگەن ارقاۋ ءسوزىن، اسىرەسە، جۇڭگونىڭ رەفورما جاساپ، ەسىك اشۋدى تاباندىلىقپەن ىلگەرىلەتۋدەي بەلسەندى ينفورماتسياسىن جوعارى باعالايمىن. ءسىزدىڭ ءسوزىڭىز بۇگىنگى دۇنيە جۇزىنە دايەكتىلىك پەن ءۇمىت ۇستەدى، دۇنيە ءجۇزى جۇڭگو سياقتى باسشى كۇشكە مۇقتاج. حالىقارالىق اقشا قورى ۇيىمىنىڭ جاۋاپكەرشىلىگى ەركىن ساۋدانى جانە كوپ جاقتى جۇيەنى قورعاۋ، قالىپپازدىق جانە سىڭار جاقتىلىق دۇنيە ءجۇزى ەكونوميكاسى مەن فينانس ورنىقتىلىعىنا ءتيىمسىز. حالىقارالىق اقشا قورى ۇيىمى تىلدەسۋ مەن ىنتىماقتاستىق ورناتۋدى قولدايدى، جۇڭگومەن تىعىز ىنتىماقتاستىق ورناتۋعا كۇش سالىپ، «ءبىر بەلدەۋ، ءبىر جول» دارىپتەمەسىن بەلسەنە قولدايدى جانە وعان بەلسەنە ات سالىسادى.
  ديڭ شۋەشياڭ، ليۋ حى، ياڭ جيەچى، ۋاڭ ي قاتارلىلار كەزدەسۋدە بىرگە بولدى.

بەرىپ كەت ورامالىڭدى

دوستار

الىستاعى اق ەركە