جاڭا حابارلار

ىلە وبلىسى ەرەكشە قاجەتتى جوعارى دارەجەلى دارىندىلاردى قابىلداۋ قيمىلىن ورىستەتتى

    كەلۋ قاينارى: شينجياڭ حالىق راديو ىستانسياسى    2018-04-12 19:22:29  

ستانسيامىزدىڭ حابارى:تاياۋدا، ىلە وبلىسى 2018-جىلعى وبلىسقا توتە قاراستى ورىنداردىڭ ەرەكشە قاجەتتى جوعارى دارەجەلى دارىندىلاردى قابىلداۋ حابارلاندىرۋىن شىعارىپ، شينجياڭنىڭ ءىشى-سىرتىنا باعىتتاپ جوعارى مەكتەپتەر مەن قوعامنىڭ ءار سالاسىنان ەرەكشە قاجەتتى جوعارى دارەجەلى دارىندىلاردى قابىلداۋ قيمىلىن ورىستەتتى.
مۇندا ەلىمىز ءىشى-سىرتىنا ىقپالى بار مەملەكەت دارەجەلى جانە ولكە، مينيستر دارەجەلى كورنەكتى ۇلەس قوسقانءار سالانىڭ ماماندارى، وقىمىستىلارى؛ ينجەنەريا سالاسىندا، عىلىم سالاسىندا، تەحنيكا سالاسىندا نەمەسە ەكونوميكالىق قوعامدىق دامۋ سالاسىندا نەداۋىر ىقپالى بار ادامدار؛ تۇتاس كۇندىك ماگيسترلىق اسپيرانتتىقتى نەمەسە ودان جوعارعى ماعلۇماتپەن وقۋ تاۋىسقان وقۋشىلار، ىلە وبلىسى ەكونوميكاسىنىڭ، قوعامىنىڭ دامۋىنا ەرەكشە قاجەتتى «ءبىرىنشى دارەجەلى جوعارى مەكتەپ قۇرعان جوعارى مەكتەپتەردىڭ» تولىق كۋرسىنەن وقۋ تاۋىساتىن وقۋشىلار؛ تەتە اعا دارەجەلى جوعارى اتاق نەمەسە ودان جوعارى كاسىپتىك اتاعى بار كاسىپتىك تەحنيكالىق قىزمەتكەر سياقتىلار بولىپ جالپى 300 دىڭ اينالاسىندا دارىندى قابىلدانادى.
ىلە وبلىسى ىلەگە كەلۋ ويى بار ەرەكشە قاجەتتى جوعارى دارەجەلى دارىندى مەن توپتارعا تۇراقتاندىرۋدان وتكەننەن كەيىن، 50 مىڭ يۋاننان 200 مىڭ يۋانعا دەيىن كاسىپ اشۋ قاراجاتىن بەرىپ قارجىلاي قولداۋ كورسەتەدى؛ ىلەگە كەلىپ ينجەنەريا تەحنيكالىق زەرتتەۋ ورتالىعىن، ءتۇيىندى تاجىريبەحانا نەمەسە كاسىپورىننىڭ تەحنيكالىق ورتالىعىن، عىلمي زەرتتەۋ پونكتىن قۇرۋشىلار بولسا، تۇراقتاندىرۋدان وتكەننەن كەيىن، 300 دە 500 مىڭ يۋان اينالاسىندا قارجىلاي كومەك بەرەدى؛ ىلەگە كەلىپ قىزمەت ىستەپ، 5 جىلدان ارتىق ۋاقىت قىزمەت وتەۋ كەلىسىمىنە قول قويعان دوكتورلارعا نەمەسە جوعارى كاسىپتىك اتاعى بار دارىندىلارعا، ماگيستر نەمەسە تەتە اعا دارەجەلى اتاققا يە دارىندىلارعا، دارىندى كەمشىل كاسىپتەردەن وقۋ تاۋىسۋ الدىنداعى وقۋشىلارعا جەكە-جەكە 200 مىڭ يۋان، 100 مىڭ يۋان، 50 مىڭ يۋاننان كوشى-قون قاراجاتىن بەرەدى، ولار 100 شارشى مەترلىك، 80 شارشى مەترلىك ۇيدەن يگىلىكتەنەدى. اۋدان-قالالار ىسجۇزىندىك جاعدايمەن ۇشتاستىرىپ، وبلىسقا توتە قاراستى ورىندار بەلگىلەگەن تيىمدىلىك ساياساتقا نەگىزدەلىپ جەرگىلىكتى ورىننىڭ ەرەكشەلىگىنە قاراي دارىندى ەنگىزۋدىڭ تيىمدىلىك ساياساتىن شىعارىپ، دارىندىلاردىڭ جاڭالىق اشىپ، كاسىپ جاراتۋىنا تاماشا ورتا جاراتادى.
4-ايدىڭ ورتا شەنىندە، ىلە وبلىسى قابىلداۋ ۇيىرمەسىن قۇرىپ جينان، ۋ-حان، نانجيڭ، چىڭدۋ، شي-ان، لانجوۋ، ءۇرىمجى، شىحىزى سياقتى جەرلەردىڭ جوعارى مەكتەپتەرىنە بارىپ دارىندى ەنگىزۋدىڭ ارناۋلى قابىلداۋ جينالىسىن اشىپ، جوعارى مەكتەپتەردىڭ وقۋشىلارىنا بەتپە-بەت ۇگىتتەپ تانىستىرۋ، ساياساتتى ءتۇسىندىرۋ، تىزىمگە الۋ، تولىمدىلىعىن تەكسەرۋ، باعىتتامالى كەڭەسۋ سياقتى قىزمەتتەردى ىستەيدى، جوعارى مەكتەپ تاۋىسۋ الدىنداعى وقۋشىلاردىڭ، ىلەگە كەلىپ كاسىپ اشۋ ويى بار دارىندىلاردىڭ جاقىن جەردەن قابىلداۋ جينالىسىنا قاتىناسۋىنا مۇمكىندىك جاسايدى.


بەرىپ كەت ورامالىڭدى

دوستار

الىستاعى اق ەركە