جاڭا حابارلار

قىستاقتا تۇرعان قىزمەت اترەتىندەگىلەر اۋلا شارۋاشىلىعىن دامىتۋعا كومەكتەسۋ ارقىلى قىستاق تۇرعىندارىنىڭ القاۋىنا بولەندى

    كەلۋ قاينارى: شينجياڭ حالىق راديو ىستانسياسى    2018-04-12 19:35:51  

ستانسيامىزدىڭ ءتىلشىسى سۇن ۋيدىڭ حابارىن تىڭداڭىزدار: بيىل جىل باسىنان بەرى، شينجياڭ قازىنا-ەكونوميكا ۋنيۆەرسيتەتىنەن مەكىت اۋدانى بازار ءجامي اۋىلى جۋانباس ءدوڭ قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى وسى قىستاقتىڭ ءىس جۇزىندىگىن تياناق ەتىپ، ءار ۇلت قىستاق تۇرعىندارىنىڭ اۋلاسىن جاڭالاۋىنا بەلسەنە كومەكتەسىپ، اۋلا شارۋاشىلىعىن دامىتۋ جانە وركەنيەتتى تۇرمىس ءتاسىلىن دارىپتەۋ ارقىلى كەدەيلەردى دالمە-ءدال كەدەيلىكتەن قۇتىلدىرۋدى جەبەدى.
قىستاق تۇرعىنى اينيسا اۋىت قىستاقتاعى كەدەي وتباسى، ونىڭ وتباسىنا بارعاندا، نەشە تاشتەك گۇلى گۇل اشايىن دەپتى، اۋلاسى تاپ-تازا، رەتتى، ءۇيىنىڭ ءىشى كەڭ دە جارىق. ول تىلشىگە بىلاي دەدى: قىزمەت اترەتى مەن قىستاق كادرلارىنىڭ شابىتتاندىرۋىندا، اۋلا شارۋاشىلىعىن دامىتتىم، بۇل ءارى اۋلانى كورىكتەندىردى ءارى تۇرمىسىمدى جاقسارتتى. قىزمەت اترەتى مەن قىستاق كادرلارى ءبىزدى قوي، تاۋىق جانە كەپتەر باعۋعا شابىتتاندىردى، تاعى جىلى شاتىر سالدىق، جىلىنا 7 مىڭ دا 8 مىڭ يۋان تابىس تابامىز دەپ مەجەلەپ وتىرمىز، قىستاقتىڭ بەت-بەينەسى جاقسارىپ، اۋلا كورىكتەندى ءارى كىرىسىمىز جوعارىلادى، بۇدان كەيىن اناعۇرلىم قۇلشىنامىز، پارتيانىڭ ساياساتىنا العىس ايتامىن.
قىستاق تۇرعىنى امانگۇل تۇرىق وتباسىندا، قىزمەت اترەتىنىڭ مۇشەلەرى مەن قىستاق كادرلارى امانگۇل تۇرىقتىڭ ءۇيىنىڭ الدىنداعى بوس جەردى جاڭالاۋىنا قولعابىس ەتتى. الدا، امانگۇل تۇرىق جەرىنە كوكونىس ەگۋدى جانە جاڭادان بىرنەشە شاعىن جىلىجاي سالىپ، كىرىسىن ەرتەرەك ارتتىرۋدى جوسپارلادى. ول: «قىزمەت اترەتى پارتيانىڭ ءتيىمدى ساياساتتارى جونىندە ۇنەمى ۇگىت-لەكسيا جاسايدى ءارى بىزگە ءادىس-امال قاراستىرىپ، اۋلامىزدى جاڭالاپ بەردى، الدا، ءوندىرىستى ويداعىداي دامىتىپ، قوس قولىم ارقىلى تۇرمىسىمدى جاقسارتامىن»،-دەدى.
قازىر، پارتيانىڭ اۋىل شارۋاشىلىعىنا ءتيىمدى ءبىر قىدىرۋ ساياساتتارى مەن قارجىسىنىڭ كومەگىندە، قىزمەت اترەتى مەن قىستاق كادرلارىنىڭ كۇش سالۋىندا، جۋانباس ءدوڭ قىستاعىنىڭ بەت-بەينەسى، قىستاق تۇرعىندارىنىڭ وتىرىقتانعان ورتاسى كورنەكتى جاقسارىپ، قىستاق تۇرعىندارىنىڭ تۇرمىس ءتاسىلى دە اناعۇرلىم اقاۋسىزدانىپ، وركەنيەتتەندى. شينجياڭ قازىنا-ەكونوميكا ۋنيۆەرسيتەتىنەن مەكىت اۋدانىنىڭ بازار ءجامي اۋىلىندا تۇرعان قىزمەت اترەتىنىڭ جەتەكشىسى ۋاڭ يۇيگاڭ بىلاي دەدى: «اناعۇرلىم تىڭعىلىقتى شارالاردى قولدانىپ، اۋىل-قىستاقتاردى كوركەيتۋ ستراتەگياسىن ويداعىداي اتقارامىز، اۋىل-قىستاقتاردىڭ ورتاسىن رەتتەۋ وڭاۋ ارەكەتىن ورىستەتىپ، تاماشا قىستاق سالت-ساناسى مەن ۇلتتىق سالت-سانانى قالىپتاستىرامىز، اۋىل-قىستاقتاردى كوركەيتىپ، اۋىل شارۋاشىلىعىن نىعايتىپ، ديحانداردى اۋقاتتاندىرىپ، ديحانداردىڭ يگىلىككە كەنەلەۋ سەزىمى مەن باقىتقا بولەنۋ سەزىمىن جوعارىلاتامىز».


بەرىپ كەت ورامالىڭدى

دوستار

الىستاعى اق ەركە