جاڭا حابارلار

شي جينپيڭ بو - اۋ ازيا تالقى مىنبەرىنىڭ 2018 - جىلعى جىلدىق ماجىلىسىنە قاتىناسىپ جاتقان جۇڭگو مەن شەتەل كاسىپورىنشىلارىنىڭ ۋاكىلدەرىمەن اڭگىمە وتكىزدى

    كەلۋ قاينارى: شينجياڭ گازەتى    2018-04-13 20:53:20  
 شينحۋا اگەنتتىگىنىڭ 4 - ايدىڭ 11 - كۇنى حايناننىڭ بو - اۋىنان بەرگەن حابارى (تىلشىلەر پان جيە، ليۋ دىڭ). مەملەكەت ءتوراعاسى شي جينپيڭ 4 - ايدىڭ 11 - كۇنى حاينان ولكەسىنىڭ بو - اۋىندا بو - اۋ ازيا تالقى مىنبەرىنىڭ 2018 - جىلعى جىلدىق ماجىلىسىنە قاتىناسىپ جاتقان جۇڭگو مەن شەتەل كاسىپورىنشىلارىنىڭ ۋاكىلدەرىمەن اڭگىمە وتكىزدى.
  شي جينپيڭ مىنانى باسا دارىپتەدى: ءبىز جۇڭگو ەكونوميكاسىنىڭ بولاشاعىنا ۇمىتپەن قارايمىز. بەتالىس جولدى بەلگىلەيدى، جول تاعدىردى بەلگىلەيدى. جۇڭگونىڭ قازىرگى ۇلكەن بەتالىسى − «قوس 100 جىلدىق» كۇرەس نىساناسىن جۇزەگە اسىرۋ. ءبىز جۇرگەن جول − جۇڭگوشا سوتسياليزم جولى، رەفورما جاساپ، ەسىك اشۋعا تاباندى بولۋ جولى. بولاشاققا زور سەنىممەن قارايمىز. ءبىز قۇلشىنا ءتۇسىپ، رولدى مىقتى يگەرىپ، كۇش - قايرات جيىپ، ەلدەن ەرەك قۇلشىنىس جاساپ، جاڭا داۋىردەگى جۇڭگو ەكونوميكاسىنىڭ جوعارى قارقىنمەن ارتۋدان جوعارى ساپالى دامۋعا بۇرىلىس جاساۋىن ىلگەرىلەتىپ، ساننىڭ كوبەيۋىنەن ساپانى وسىرۋگە، «بار ما» دەگەننەن «جاقسى ما» دەگەنگە قاراي بۇرىلىس جاسايمىز. جۇڭگودا رەفورما ماڭگى جالعاسادى، توقتامايدى. سىرتقا ەسىك اشۋدى كەڭەيتەمىز، استە توقتاتپايمىز، رەفورما جاساۋ اياق الىسىمىز استە تىنىستامايدى، ايقارا اشىلعان قاقپامىز جابىلمايدى. ءتۇزىمدى ءتىپتى دە كەمەلدەندىرىپ، دامۋدى ءتىپتى دە ساپالىلاندىرىپ، جونگە سالۋ ورەسىن ءتىپتى دە جوعارىلاتىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن ءتىپتى دە كۇشەيتەمىز. ءبىز اشىق الەمدىك ەكونوميكانى تاباندىلىقپەن دامىتىپ، ازيا مەن دۇنيە ءجۇزىنىڭ دامۋى ءۇشىن جۇڭگو ۇلەسىن قوسامىز، جۇڭگو ەكونوميكالىق جۇردەك پويەزىنە وتىرىپ، جۇڭگونىڭ رەفورما، ەسىك اشۋ، دامۋ جەتىستىكتەرىنەن تەڭ يگىلىكتەنۋلەرىڭىزدى قارسى الامىز. جۇڭگو ەل ءىشى - سىرتىنداعى كاسىپورىنشىلاردىڭ قارجى قوسۋىنا اناعۇرلىم تىنىستى دا ءتارتىپتى ورتا ازىرلەيدى. ءار ەل كاسىپورىنشىلارىنىڭ جۇڭگونىڭ رەفورما جاساپ، ەسىك اشۋ تىڭ ساپارىندا ءتىپتى دە زور جۇمىس تىندىرىپ، ءتىپتى دە زور دامۋعا قول جەتكىزۋىن ءۇمىت ەتەمىز.
  شي جينپيڭ مىنانى اتاپ كورسەتتى: جۇڭگونىڭ «ءبىر بەلدەۋ، ءبىر جول» دارىپتەمەسى جۇڭگونىڭ رەفورما جاساۋىنىڭ، دامۋىنىڭ ادامزاتقا يگىلىك جاراتىپ، دامۋدان تەڭ يگىلىكتەنۋدى، بىرگە كەنەلۋدى جۇزەگە اسىرۋدى ىلگەرىلەتۋ ماقساتىندا العا قويىلعان. «ءبىر بەلدەۋ، ءبىر جول» دارىپتەمەسىنىڭ بارلىق جۇمىستارى جاريا ىستەلەدى. شاعىن توپ قۇرمايمىز، باسقالارعا زورلاپ ساتپايمىز، باسقالاردان زورلاپ ساتىپ المايمىز. ءبىز شىعىس ازيا ەكونوميكاسى ورتاق تۇلعاسى جوباسىن جاساۋدى ىلگەرىلەتىپ، ازيا - تىنىق مۇحيت ەركىن ساۋدا رايونى قۇرىلىسىن بىرگە ىلگەرىلەتۋدەمىز.
  كاسىپورىنشىلاردان تايلاند جىڭدا توبىنىڭ القا باستىعى، قوسىمشا باس اتقارۋشىسى شيە گومين، جۇڭگو شالعاي مۇحيت تەڭىز تاسىمال توبى شەكتى سەرىكتەستىگىنىڭ القا باستىعى شۇي ليرۇڭ، ا ق ش ساۋدا قوعامىنىڭ جوعارى دارەجەلى ورىنباسار باستىعى مايرون بريلليانت، جاپونيا تويوتا اۆتوكولىك سەرىكتەستىگىنىڭ قوعام باستىعى تاكەشي ۋچييامادا، ا ق ش دەلويتە سەرىكتەستىگىنىڭ الەمدىك ءتوراعاسى كرۇيسكشانك، تايۋان ءوڭىرى گۋانجيە عىلىم - تەحنيكا شەكتى سەرىكتەستىگى ديرەكتورلار مەكەمەسىنىڭ ءتوراعاسى، قوسىمشا اتقارۋشى باسالقاسى شۋان جيانشىڭ، كورەيا SK توبىنىڭ باس جوراسى چي تاي - ون، ۇلى بريتانيا پرۋدەنتيال توبىنىڭ اتقارۋشى باسالقاسى ۆەرس، ا ق ش بلاكستون توبىنىڭ ءتوراعاسى، قوسىمشا باس اتقارۋشىسى شۆارتسمان سياقتى 9 ۋاكىل اڭگىمەدە ارت - ارتىنان ءسوز سويلەدى، ولار جۇڭگونىڭ رەفورما جاساپ، ەسىك اشۋى قول جەتكىزگەن ۇلى تابىستارعا ايرىقشا جوعارى باعا بەردى، جۇڭگونىڭ الەم ەكونوميكاسىنىڭ ارتۋىن ىلگەرىلەتۋگە قوسقان كورنەكتى ۇلەسىن القادى. ولار بىلاي دەدى: ءتوراعا شي جينپيڭنىڭ تالقى مىنبەرىنىڭ جىلدىق ءماجىلىسىنىڭ اشىلۋ سالتىندا جاريالاعان جۇڭگونىڭ ەسىك اشۋدى كەڭەيتۋىنە قاتىستى ءبىر قىدىرۋ جاڭا كەلەلى شارالارى جۇرتتى جەلپىندىردى، دۇنيە جۇزىنە جاھاندانۋ اياق الىسىن ىلگەرىلەتۋگە ءتيىمدى بەلسەندى ينفورماتسيا جەتكىزدى. جۇڭگونىڭ رەفورما جاساپ، ەسىك اشۋ سەرپىنى بۇرىن - سوڭدى بولماعان دارەجەدە، جۇڭگونىڭ دامۋى شەتەل قارجىسى ءۇشىن تاۋسىلمايتىن تاماشا دامۋ بولاشاعىن ازىرلەدى. ءبىز ورايدى مىقتاپ يگەرىپ، جۇڭگونىڭ رەفورما جاساپ، ەسىك اشۋ اياق الىسىنا بەلسەنە قاتىناسىپ، «ءبىر بەلدەۋ، ءبىر جولدى» بىرگە قۇرىپ، كاسىپورىننىڭ اناعۇرلىم دامۋىن جۇزەگە اسىرىپ، ازيا مەن دۇنيە ءجۇزى ەكونوميكاسىنىڭ گۇلدەنۋىن بىرگە ىلگەرىلەتۋگە پەيىلمىز.
  جۇڭگو مەن شەتەل كاسىپورىنشىلارىنىڭ ۋاكىلدەرىنەن 70 نەشە ادام اڭگىمەگە قاتىناستى.
  ديڭ شۋەشياڭ، ليۋ حى، ياڭ جيەچى، ۋاڭ ي، حى ليفىڭ اڭگىمەگە قاتىناستى.

بەرىپ كەت ورامالىڭدى

دوستار

الىستاعى اق ەركە