جاڭا حابارلار

قىزمەت اترەتىندەگىلەر وپتيكالىق ۆولت ارقىلى كەدەيلەردى سۇيەمەلدەۋ كاسىبىن دامىتىپ، قىستاق تۇرعىندارىنىڭ اۋقاتتانۋىنا كومەكتەستى

    كەلۋ قاينارى: شينجياڭ حالىق راديو ىستانسياسى    2018-04-13 20:33:05  
ستانسيامىزدىڭ ءتىلشىسى ليۋ چياڭنىڭ حابارى: بىرنەشە كۇننەن بەرى، مەملەكەت تورابى شينجياڭ ەلەكتر ەنەرگيا شەكتى جارنا سەرىكتەستىگىنەن شەريا اۋدانى شەريا قالاشىعى جاربويى قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى نىسان قارجىسىن ءوتىنىش ەتىپ سالدىرعان 2 مىڭ 160 شارشى مەترلىك وپتيكالىق ۆولت كاسىبى ارقىلى كەدەيلەردى سۇيەمەلدەۋ الاڭى رەسمي پايدالانۋعا بەرىلىپ، قىستاقتاعى كەدەي وتباسىلارىنىڭ كەدەيلىكتەن قۇتىلىپ، اۋقاتتانۋ جولىن كەڭەيتتى.
اتقاراتىن قىزمەتىنە قاراي، وپتيكالىق ۆولت كاسىبى ارقىلى كەدەيلەردى سۇيەمەلدەۋ الاڭى مادەنيەت قيمىل ورتالىعى، بازار جانە جالپى گەنەراتور سيىمدىلىعى 166كيلوۋاتتىق وپتيكالىق ۆولت ەلەكتروندى تاقتاسى بولىپ ءبولىندى. قىزمەت اترەتىنىڭ مۇشەسى قايسار ابدوللا تانىستىرا كەلىپ بىلاي دەدى: مادەنيەت الاڭىندا ديحانداردىڭ ۇيرەنۋىنە بولادى؛ ورتاسىنداعى بازاردا كەدەي وتباسىلارى نەگىزگى ءتيجاراتشى بولادى؛ جوعارعى جاعى وپتيكالىق ۆولتتى نەگىز ەتەدى، ءبىر ايدا 10 مىڭ كيلوۋات-ساعات توك، ءبىر جىلدا 200 مىڭ كيلوۋات-ساعات توك تاراتادى.
قىستاق تۇرعىنى پاريدان تۇرسىن وپتيكالىق ۆولت كاسىبى ارقىلى كەدەيلەردى سۇيەمەلدەۋ الاڭىنىڭ تيىمدىلىگىنەن يگىلىكتەنگەن ءبىرىنشى توپتاعى وتباسى، ول شەشەسىمەن بىرگە ازىق-تۇلىك شاعىن جايماسىن اشادى، ساۋداسى جاقسى كەزدە ءبىر كۇندە 100 يۋاننان ارتىق تابىس تابادى. پاريدان تۇرسۇن بىلاي دەدى: وسى جايمانىڭ ارقاسىندا وتباسىمىزدىڭ تۇرمىسى قامتاماسىزداندى. قازىر اتىزدا جۇمىس ىستەۋدەن سىرت، شاعىن جايمامىزبەن قاربالاستايمىز، كۇندەلىكتى ساۋدامىز دا وتە جاقسى، الدا ءجايمانى كەڭەيتۋگە كۇش سالامىز.
بيىل جىل باسىنان بەرى، قىزمەت اترەتى كاسىپ ابىزالدىلىعىمەن بىرلەستىرىپ، قوعامدىق بايلىقتى بىرىكتىرىپ، وپتيكالىق ۆولت، كاسىپ، شەبەرلىك سياقتى سۇيەمەلدەۋ شارالارىن ءتۇيىن ەتىپ، اناعۇرلىم كوپ قىستاق تۇرعىندارىنىڭ كىرىسىن ارتتىرىپ اۋقاتتانۋىن جەبەدى.
مەملەكەت تورابى شينجياڭ ەلەكتر ەنەرگيا شەكتى جارنا سەرىكتەستىگىنەن جاربويى قىستاعىندا تۇرعان قىزمەت اترەتىنىڭ ءبىرىنشى شۋجيى جاڭ جيچىڭ بىلاي دەدى: باس شۋجي شي جينپيڭ: قاشاندا حالىقتىڭ مۇددەسى مەن باقىتى ءۇشىن قۇلشىنا قىزمەت ىستەۋ كەرەك،- دەگەندى باسا دارىپتەگەن ەدى. جاربويى قىستاعىنداعى وپتيكالىق ۆولت كاسىبى ارقىلى كەدەيلەردى سۇيەمەلدەۋ الاڭىندا 22 جايما ورنى بار، ءار ءبىر جايمادا 3 كەدەي وتباسى سەلبەسىپ ءتيجارات جۇرگىزىپ، كىرىسىن ارتتىرادى، مۇنان سىرت، 166 كيلوۋاتتىق نىسان ءار جىلى قىستاق كوللەكتيۆىنىڭ كىرىسىن 150 مىڭ يۋان ارتتىرادى. نازاردى باس نىساناعا شوعىرلاندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا بەلسەنە ۇلەس قوسامىز.

بەرىپ كەت ورامالىڭدى

دوستار

الىستاعى اق ەركە