جاڭا حابارلار

كاسىپتىك تەحنيكا تۇرىندەگى مەكتەپتەر مەن كاسىپورىنداردىڭ سەلبەسۋىن بەلسەنە جەبەپ جانە شابىتتاندىرىپ، باعىتتامالى دارىندى باۋلىپ، جاستاردىڭ كاسىپتەنۋىن دەمەدى

    كەلۋ قاينارى: شينجياڭ حالىق راديو ىستانسياسى    2018-04-16 20:38:50  
ستانسيامىزدىڭ ءتىلشىسى دۇڭ جىيۇڭ، ەرىكتى تىلشىلەر چاڭ ي -ي، شى جىحۇيدىڭ حابارى:
پارتيا 19-قۇرىلتاي بايانداماسىندا بىلاي دەپ اتاپ كورسەتىلدى: كاسىپتىك وقۋ-اعارتۋ مەن تاربيەلەۋ جۇيەسىن كەمەلدەندىرىپ، ءوندىرىس پەن وقىتۋدىڭ توعىسۋىن، مەكتەپ مەن كاسىپورىننىڭ سەلبەسۋىن تەرەڭدەتۋ كەرەك.كەزەكتە رايونىمىز كاسىپتىك تەحنيكا تۇرىندەگى مەكتەپتەر مەن كاسىپورىنداردىڭ سەلبەسۋىن بەلسەنە جەبەپ جانە شابىتتاندىرىپ، باعىتتامالى دارىندى باۋلىپ، جاستاردىڭ كاسىپتەنۋىن دەمەدى.
ەرەكشە ترانسفورماتور شينجياڭ گەناراتور زاۆوتىنداعى 330 كيلوۆولتتىق ءوندىرىس سەحىندە، ونداعان جۇمىسكەر ەلەكتر سىمىن وراۋمەن، ەلەكتر جابدىقتارىن قۇراستىرۋمەن قاربالاس.22 جاستاعى جۇمىسكەر ليۋ شۋە شينجياڭ سانجى كاسىپتىك تەحنيكالىق ينيسيتۋتىنان مەكتەپ ءبىتىرىپ سەحتەگى قىزمەتكە ورنالاستى، ول تىلشىگە، وسىدان بۇرىن ۇيرەنگەن كاسىپتى كاسىپورىن مەن مەكتەپ ورتاق بەلگىلەگەندىكتەن، ۇيرەنگەن ونەردى قىزمەتكە شىققاندا دەرەۋ كادەگە جاراتقانىن، سوندىقتان قىزمەتتى ءساتتى تابۋدان سىرت، ابدەن ىسىلعانىن، اي سايىن 4 مىڭ يۋانداي ەڭبەكاقى الاتىندىعىن ايتا كەلىپ:« مەكتەپتە مەحانيكا كاسىبىن وقىدىم، ماشينامەن مانەرلەۋ، CAD، كومپيۋتەرمەن كارتا سىزۋ سياقتىلاردى ۇيرەنىپ، قازىر كارتاعا قاراپ-اق قىزمەتتى جۇرگىزە الامىن»،-دەدى.
سانجى وبلىسىنداعى ەڭ ءىرى كاسىپتىك تەحنيكالىق تۇرىندەگى مەكتەپ رەتىندە، شينجياڭ سانجى كاسىپتىك تەحنيكالىق ينيسيتۋتى مەن ەرەكشە ترانسفورماتور توبى بىرلىكتە دارىندىلاردى جەتىلدىرۋ جوسپارىن جاساپ، مەكتەپ مەن كاسىپورننىڭ سەلبەسۋ ۇلگىسىنىڭ دەڭگەيىن جاپپاي جوعارىلاتىپ، بۇرىنعى سىڭار جاقتىلى تاپسىرىستىق وقۋشى قابىلداۋ، قىزمەتكەر قابىلداۋ ۇلگىسىن وزگەرتىپ، كاسىپورىن تەكشە ورناتىپ، ورىندى بەلگىلەۋگە، مەكتەپ ارنايى كاسىپ ورنالاستىرىپ، مۇقيات جان-جاقتىلى تاربيەلەۋگە ويىسقاندىقتان، سەلبەسۋ كلاسى ۇلگىسى ەكى جاقتىڭ ءوزارا تيىمدىلىك جەتكىزىپ يگىلىككە كەنەلدىرۋگە مۇمكىندىك جاسادى.ەرەكشە ترانسفورماتور تاربيەلەۋ ينيسيتۋتى ءۇرتىس جاڭالاۋ ورتالىعىنىڭ مەڭگەرۋشىسى دۋ شينمەي:« قىزمەت ورنىنا قاراي ساباق ورنالاستىرىلىپ وقۋشىلار مەكتەپتە ۇيرەنگەن بىلىمىمەن وسى ارادا جۇمىس ىستەپ، قىزمەتتى دەر كەزىندە دەربەس ىستەپ كەتەدى، بۇل ەلىمىز جانە اۆتونوميالى رايون دارىپتەگەن مەكتەپ بىتىرە سالا كاسىپتەنۋدى ىسكە اسىرادى»،-دەدى.
شينجياڭ سانجى كاسىپتىك تەحنيكالىق ينيسيتۋتىنىڭ ورىنباسار باستىعى جاڭ لين، ەرەكشە ترانسفورماتوردان سىرت، ينيستيتۋتتىڭ تاعى دا ەلىمىزدەگى ونداعان تانىمالى كاسىپورنمەن سەلبەستىك ورناتىپ ءارى ناقتى جاتتىعۋ بازاسىن قۇرىپ، وقۋشىلاردىڭ كاسىپتەنۋدەگى قيىن ماسەلەسىن شەشكەنىن ايتىپ:« 2017-جىلى ينيسيتۋتتان 2 مىڭ 422 وقۋشى مەكتەپ ءبىتىرىپ، 2017-جىلى 12-ايدىڭ 31-كۇنىنە دەيىن، مەكتەپ بىتىرگەن وقۋشىلاردىڭ كاسىپتەنۋ مولشەرى %98.4 كە جەتىپ، كاسىپورىندا قىزمەت ىستەگەندەردىڭ مولشەرى %94.7 كە جەتتى.بۇدان بىلاي كاسىپورنمەن اناعۇرلىم ىشكەرلەي سەلبەسىپ، ءتىپتى دە كوپ جارامدى ناقتى جۇمىس ىستەيتىن تەحنيكا جۇمىسكەرلەرىن جەتىلدىرەمىز»،-دەدى.
پارتيا 19-قۇرىلتاي بايانداماسىندا بىلاي دەپ اتاپ كورسەتىلدى: بارلىق بالانى ءادىل دە ساپالى تاربيەدەن يگىلىكتەندىرۋگە ۇمتىلۋ كەرەك.بارلىق ادامنىڭ جاپالى ەڭبەگىنىڭ ارقاسىندا وزىندىك دامۋدى ىسكە اسىرۋىنا وراي جاراتۋ كەرەك.كەزەكتە، رايونىمىز اۆتونوميالى رايونىمىزداعى ءتۇيىندى تەحنيكوم مەكتەپتەردى وڭتۇستىك شينجياڭداعى تەحنيكوم مەكتەپتەرىنە كومەكتەسۋگە بەلسەنە ۇيىمداستىرىپ، تەحنيكالىق تاربيە وداعىن قۇرىپ، تەحنيكالىق تاربيەنىڭ توعىسىپ دامۋىن ىلگەرلەتتى.شينجياڭ اۋىل شارۋاشىلىق كاسىپتىك تەحنيكالىق ينيسيتۋتىنىڭ باعىتتامالى كومەك بەرۋىندە، ياركەن اۋداندىق كاسىپتىك تەحنيكالىق مەكتەپ وقىتۋشىلارىنىڭ دەڭگەيى، وقىتۋ ساپاسى بارىنشا جوعارىلادى.2017-جىلى مەكتەپتەگى وقۋشىلاردىڭ كاسىپتەنۋ مولشەى %90 تەن استى.ابدىراحىمان ءمامتىمىن اتتى وقۋشى :« مەكتەپكە كەلگەن ءتورت ايدان استام ۋاقىتتان بەرى، مەن كوپ ءبىلىم ۇيرەندىم، پارتيا مەن مەملەكەت بىزگە تەگىن تاماقتانۋ، تەگىن جاتاققا جاتۋ تيىمدىلىگىن جاسادى.جان-جاقتىلى ونەر ۇيرەنىپ، ەرجەتكەننەن كەيىن اۆتوموبيل جوندەۋ دۇكەنىن اشپاقشىمىن »،-دەدى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتىك قابىلەت قۇرىلىسى باسقارماسىنىڭ باستىعى گاۋ شياۋپيڭ، كەلەسى قادامدا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ساياساتتى ونان ارى كەمەلدەندىرىپ، ءوندىرىس پەن وقتىۋدىڭ توعىسۋىن، مەكتەپ پەن كاسىپورننىڭ سەلبەستىگىن ىلگەرلەتىپ، جاستاردىڭ كاسىپتەنۋىن دەمەۋ كەرەك دەگەندى ايتا كەلىپ :« وسىزامان شاكىرت ءتۇزىمىن زەرتتەپ ورناتىپ، مەكتەپ مەن كاسىپورننىڭ ىشكەرلەي توعىسۋىن ىلگەرلەتىپ، جوعارى ساپالى كاسىپتىك جۇمىسشىلاردى جەتىلدىرىپ، شينجياڭنىڭ ەكونوميكاسى مەن قوعامىنىڭ دامۋىن تەحنيكالىق دارىندىلارمەن دەمەۋ كەرەك »،-دەدى .

بەرىپ كەت ورامالىڭدى

دوستار

الىستاعى اق ەركە