جاڭا حابارلار

قىزمەت اترەتىندەگىلەردىڭ جاراستىرۋىندا بەس جىل بويى جالعاسىپ كەلگەن ماسەلە اقىرى شەشىمىن تاپتى

    كەلۋ قاينارى: شينجياڭ حالىق راديو ىستانسياسى    2018-04-18 17:23:38  

گۇلميرا ءمانتاي قىزى حابارلايدى: شاۋەشەك قالالىق 6-باستاۋىش مەكتەپتەن "حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ" قىزمەتى بويىنشا جاڭا جامبىل الەۋمەتتىك اۋماعىنا تۇسكەن قىزمەت اترەتىندەگىلەردىڭ جاراستىرۋىندا، بەس جىل بويى جالعاسىپ كەلگەن ماسەلە اقىرى شەشىمىن تاپتى.

وسى الەۋمەتتىك اۋماقتاعى 63 جاستاعى تۇرداحۇن قۇرباننىڭ ءۇيى شاۋەشەك قالاسىنداعى ايماقتىق قازىنا-ساۋدا مەكتەبىنىڭ لاشىقتىلار رايونىندا بولاتىن.
ءۇيىنىڭ ماڭىندا تابيعي بۇلاق كوزى بار بولاتىن، توڭىرەكتەگى 20 نەشە وتباسى كوپ جىلداردان بەرى وسى باستاۋدان سۋ ىشەتىن. بىراق، جاقىنعى جىلداردان بەرى بۇل باستاۋدىڭ بويىندا ماشينا جۋاتىن، كىر جۋاتىن، ەدەن سۇرتكىش جۋاتىنداردىڭ قاتارى بارعان سايىن مولايدى، كەيبىرەۋلەر ءتىپتى قوقىر-قوقسىق پەن لاس سۋدى دا توگەتىندىكتەن، بۇلاق سۋى لاستانىپ، ماڭايداعى تۇرعىنداردىڭ بۇلاق سۋىن ىشۋىنە قولايسىزدىق اكەلدى. سۋدىڭ لاستانۋى سەبەپتى كورشىلەر ارا داۋ-شار كوبەيىپ، بەس جىلدان بەرى شەشىمىن تابا الماي كەلگەن ەدى. جاقىندا، تۇرداحۇن وسى ماسەلە جايلى قىزمەت اترەتىنەن كومەك سۇرايدى.
قىزمەت اترەتىنىڭ باستىعى ۋاڭ ىنجى جاعدايدان حابار تاپقاننان كەيىن الەۋمەتتىك اۋماق كادرلارىمەن بىرگە بۇلاق باسىنا بارىپ، جاعدايدىڭ ءمان-جايىن ۇعىسىپ، ماڭايداعى كورشىلەردى شاقىرىپ بىرگە كەڭەسەدى، سوڭىندا باستاۋدىڭ ماڭايىن كىرپىشپەن قورشاپ، سۋ شىعاتىن اۋىز عانا قالدىرۋ كەلىسىمىنە كەلەدى. وسى ماڭدا تۇراتىن جۋ اعاي ءۇي قۇرىلىس سالاسىنىڭ قىزمەتكەرى بولعاندىقتان، قورعان تامىن اقىسىز تۇرعىزىپ بەرەتىندىگىن ايتادى، سول ماڭداعى 20 نەشە وتباسى بۇعان ءبىر اۋىزدان قوسىلعاندىقتان، جۋ اعاي دەرەۋ جۇمىسىن باستاپ كەتەدى.
ماسەلە اقىرى شەشىمىن تاپتى. تۇرداحۇن قۇربان تىلشىگە: «بەس جىلدان بەرى ءبىزدى مازالاپ كەلگەن ماسەلە اقىرى شەشىلدى، قىزمەت اترەتىنىڭ كومەگىنە العىس ايتامىز»، ـ دەدى.


بەرىپ كەت ورامالىڭدى

دوستار

الىستاعى اق ەركە