جاڭا حابارلار

قىستاق تۇرعىندارىن بايىتۋدىڭ «بەسىگى»

    كەلۋ قاينارى: شينجياڭ گازەتى    2018-04-20 17:29:45  

ءتىلشىمىز حان لياڭ

 3 - ايدىڭ 15 - كۇنى ساعات 10دا بۇراتالا قالاسى ۇتىبۇلاق قالاشىعى چىندەلىنجو قىستاعىنداعى ءبيبينۇر ءدال ۋاقىتىندا وسى قىستاقتاعى جۇمىستانۋعا، شارۋاشىلىق قۇرۋعا باۋلۋ بازاسىندا ءبىر كۇندىك جۇمىسىن باستادى. ماتەريال الۋ، جاعاسىن سالۋ، جەڭىن جالعاۋ... ەلەكترلى تىگىن ماشيناسىنىڭ زىرىلداپ اينالۋىندا تىگىلگەن قىزمەت كيىمى ونىڭ قولىنان شىعىپ جاتىر.
  ول: ءبىزدىڭ قازىر تىگىپ جاتقانىمىز جاپونياعا ەكسپورت ەتىلەتىن قىزمەت كيىمدەرى، مەن ءبىر كۇندە 7 دە 10 كيىم تىگەمىن، وسى ارادا قىزمەت ىستەگەندە ايىنا ورتاشا 2600 يۋاننان ارتىق كىرىس تابامىن، - دەدى.
  بۇراتالا موڭعۇل اۆتونوميالى وبلىستىق باس جۇمىسشى ۇيىمىنىڭ بۇراتالا قالاسى ۇتىبۇلاق قالاشىعى چىندەلىنجو قىستاعىنداعى «ۇعىسۋ، تيىمدىلىك جاساۋ، توعىستىرۋ» بويىنشا تۇراتىن قىزمەت اترەتى ۇيلەردى ارالاۋ بارىسىندا قىستاقتاعى كوپتەگەن ايەلدىڭ ۇيلەرىندە بوس وتىرعانىن بايقايدى. قىزمەت اترەتى قايتا - قايتا تەكسەرۋ ارقىلى 2015 - جىلى قىستاقتان جۇمىستانۋعا، شارۋاشىلىق قۇرۋعا تاربيەلەۋ بازاسىن قۇردى. 
  بۇراتالا موڭعۇل اۆتونوميالى وبلىستىق باس جۇمىسشى ۇيىمىنىڭ قىزمەتكەرى، عىلىم - تەحنيكا قوعامى كەڭسەسىنىڭ مەڭگەرۋشىسى لۇڭ مەي 2015 - جىلى قىستاقتا تۇرعان كەزىندە بازانى قۇرۋ جاعدايىن بىلاي دەپ اڭگىمە ەتتى: ءبىز شينجياڭعا باعىتتامالى كومەكتەسۋ قارجىسىنا سۇيەنىپ، تىگىن ماشيناسى سەلبەستىك كووپەراتيۆىن قۇردىق، سول كەزدە كوپتەگەن ادامنىڭ كەلگىسى كەلمەيتىن، كەيىرەۋى بىرنەشە كۇن ىستەپ كەتىپ قالدى، ءبيبينۇر 2015 - جىلدان باستاپ قازىرگە دەيىن ءالى تاپجىلماي ىستەپ كەلەدى.
  «بۇرىن مەن ۇيدە بالا قاراپ، تاماق ىستەيتىنمىن، كوكونىس السام دا كۇيەۋىمنەن اقشا سۇرايتىن ەدىم، قازىر قالتامدا اقشا بار، ءوزىم ۇناتاتىن ۇپا - دالاپ، ساندىك بۇيىمداردى، كيىم - كەشەكتەردى كورىپ قالسام، ونى ساتىپ الاتىن قۋاتىم بار، كۇيەۋىم دە سەلبەستىك كووپەراتيۆىندە ىستەۋىمدى ايرىقشا قولدايدى»، - دەدى ءبيبينۇر.
  بىرنەشە جىلدان بەرى تىگىنشىلىك سەلبەستىك كووپەراتيۆى ۇزدىكسىز كەڭەيىپ، قازىر تىزىمگە الدىرعان قارجىسى 5 ميلليون يۋانعا جەتتى، كومپيۋتەرمەن كەستە تىگۋ سەحى، قولونەر كەستەسى سەحى بار ءارى قىستاقتاعى 121 ايەلدى جۇمىستاندىردى. جۇمىستانۋعا، شارۋاشىلىق قۇرۋعا تاربيەلەۋ بازاسى تاعى قىستاقتاعى جاستاردىڭ شارۋاشىلىق قۇرۋىن بەلسەنە قولداپ، 80 -، 90 - جىلدىڭ تۇلەكتەرىنىڭ ءۇي اشەكەيلەۋ سەلبەستىك كووپەراتيۆىن قۇردى، مۇنىڭ مۇشەلەرى 100 ادامنان استى.
  سەلبەستىك كووپەراتيۆىنىڭ مۇشەسى روزى عەني سىرشىلىق ونەرىن حانزۋ ۇستازدارىنان ۇيرەنگەنىن ايتتى، ول: بۇرىن ءوزىم جەكە جۇمىس ىستەپ جۇرگەن كەزىمدە اي سايىن جۇمىس تابۋ قيىن ەدى، قازىر سەلبەستىك كووپەراتيۆى بولعاندىقتان، اي سايىن كىرىسىم بار، ءوز قولونەرىنە سۇيەنىپ، بيىل جىل باسىندا ول بۇراتالا قالاسىنان 90 شارشى مەتر كەلەتىن تاۋار ءۇي ساتىپ الدى.
  جۇمىستانۋعا، شارۋاشىلىق قۇرۋعا تاربيەلەۋ بازاسىنا سۇيەنىپ ءتىپتى كوپ ادام ءۇي ماڭايىنان، جاقىن جەردەن جۇمىستاندى، قىستاق تۇرعىندارىنىڭ رۋحاني بەت - بەينەسىندە دە تىڭ وزگەرىستەر تۋدى، 11 ادام پارتياعا مۇشە بولۋعا ءوتىنىش تاپسىردى، 5 ادام پارتياعا مۇشە بولۋ بەلسەندىلەرى قاتارىنا كىردى. قىستاقتا تۇراتىن قىزمەت اترەتىنىڭ باستىعى، قىستاق پارتيا ياچەيكاسىنىڭ شۋجيى فىڭ شياۋ - اي: ءبىز جۇمىستانۋعا، شارۋاشىلىق قۇرۋعا تاربيەلەۋ بازاسىنىڭ رولىن تولىق ساۋلەلەندىرىپ، اناعۇرلىم كوپ قىستاق تۇرعىندارىن كىرىستەرىن ارتتىرىپ، بايۋعا باستايمىز، - دەدى.


بەرىپ كەت ورامالىڭدى

دوستار

الىستاعى اق ەركە