جاڭا حابارلار

ماقتا اتىزىندا بىرگە تەر توكتى

    كەلۋ قاينارى: شينجياڭ گازەتى    2018-04-20 17:40:24  

ەرىكتى ءتىلشى شى جىننان

  ماقتا − قاشقار جاڭاءشار اۋدانى جاڭااۋات اۋىلى ءدوڭقىستاق قىستاعىنىڭ نەگىزگى شارۋاشىلىق ەگس داقىلى، سونداي - اق وسى قىستاقتاعى كەدەي ءاشىم سوپۇرعى وتباسىنىڭ باستى اۋىل شارۋاشىلىق كىرىسىنىڭ قاينارى. ءاشىمنىڭ تۋىسى يۋان لۋجۇن اۆتونوميالى رايوندىق حالىق ۇكىمەتى كەڭسەسىنىڭ كادرى، ول ماقتانىڭ ءاشىم وتباسى جونىنەن قانشاما ماڭىزدى ەكەنىن ابدەن بىلەدى.
  يۋان لۋجۇن ءاشىم وتباسىنىڭ ماقتا تۇقىمىن ءسىڭىرۋ جۇمىسىن ويلاپ ءجۇردى. قانداي ماقتا تۇقىمىن ساتىپ الۋ، حيميالىق تىڭايتقىشتىڭ ورگانيكالى بولۋى كەرەك پە، قاي كەزدە جەر جىرتىپ، تۇقىم سەبۋ كەرەك... ءاشىم وتباسىنىڭ كوكتەمگى ەگىس دايىندىعىنىڭ جاعدايىن يۋان لۋجۇن ينە - ساباق جىبىنە دەيىن ۇعىستى.
  ول تۋىسىنىڭ جەردى جىرتىپ بولىپ، وسى بىرنەشە كۇندە ماقتا تۇقىمىن سىڭىرەتىنىنەن حابار تاپتى. يۋان لۋجۇن 4 - ايدىڭ 10 - كۇنى اشىمگە ادەيى امانداسا بارىپ، ەگىس جۇمىستارىنىڭ قاربالاس كەزىندە وعان جاقسىراق كومەكتەسپەك بولدى.
  كولەمدى جەرلەردى ماشينامەن اۋدارىپ، ماشينامەن تۇقىم سىڭىرۋگە بولادى، ايتسە دە جەردىڭ بۇرىش - بۇرىشىن جانە كىشى - گىرىم جەرلەردى، ءسوزسىز، ادام كۇشىمەن اۋدارۋ، قىرلاۋ جانە ەگۋ كەرەك. جەردەن پايدالانىلۋ مولشەرىن جوعارىلاتۋ ءۇشىن، يۋان لۋجۇن جانە تۋىسشىلاي كەلگەن كادرلاردان ۇيىمداسقان ەرىكتىلەر قىزمەت كورسەتۋ اترەتى اشىمگە كومەكتەسىپ، بۇرىش جەرلەردى اۋدارىپ، ماقتانى قولمەن ەكپەك بولدى.
  «جەردى بىلاي قىرلايمىز». ءاشىم قولىنا كەتپەنىن الىپ، يۋان لۋجۇنگە جەردى قالاي قىرقالاۋدى ۇيرەتتى. يۋان لۋجۇن ەگىس جۇمىستارىنان قورىقپادى، ول جۇمىسقا بىلەك سىبانا كىرىسىپ، كەتپەنىمەن جەردى قىرلاي باستادى.
  يۋان لۋجۇن: ءبىز جەردى قىرلاپ جارىسايىق، كىم ءارى جاقسى، ءار تەز قىرلايدى ەكەن، - دەپ ۇسىنىس بەردى. ياۋ لي، لي تاۋ سياقتى تۋىسشىلاي كەلگەن بىرنەشە كادر دا جۇمىسقا بەلسەنە كىرىستى، ءاشىم دە ولاردان قالىسپادى، ولار ماقتا اتىزىندا قاتارلاسا تۇرىپ، كەتپەندەرىن سەرمەپ، جارىسا جونەلدى، ولاردىڭ ەڭبەك بەلسەندىلىگى كۇشەيىپ، ەرەكشە دۋماندى بولدى. كۇن ەڭكەيە باستاعاندا، 5 مۋ ماقتا اتىزىنىڭ بۇرىشتارىنىڭ ءبارى قىرلانىپ بولدى.
  يۋان لۋجۇن بەلىن جازىپ، ماڭدايىنداعى تەردى ءسۇرتىپ تۇرىپ: ەرتەڭ تۇقىم سىڭىرۋگە بولادى، - دەدى. تۋىسشىلاي كەلگەن كادرلار دا رەپ - رەتتى اتىز قىرلارىن كورىپ، ىشتەي قاتتى رازى بولدى.
  ەرتەڭىندە تاڭەرتەڭ ماشينالار تۇقىم سەپكەننەن كەيىن، يۋان لۋجۇن ءاشىمدى وزىنە ادام كۇشىمەن تۇقىم سەبۋدى ۇيرەتۋگە اسىقتىردى. كەتپەنمەن توپىراقتى اۋدارىپ، تۇقىمدى سەپكەننەن كەيىن، توپىراقتى قايتا جاۋىپ، تابانمەن تاپتادى. يۋان لۋجۇن وسى ارەكەتتەردى مۇقيات ورىندادى، ول سەپكەن تۇقىمداردىڭ ءبارىنىڭ كوكتەۋىنە كەپىلدىك ەتۋ كەرەك.
  ءاشىم يۋان لۋجۇننىڭ تەحنيكانى تەز يگەرگەنىن كورىپ، ەرىكسىزدەن باس بارماعىن كورسەتىپ: ماعان كوپ قولعابىس ەتتىڭىزدەر، - دەدى. يۋان لۋجۇن: ءبارىمىز تۋىسپىز، ءبىز دەنە شىنىقتىردىق ءارى سەنىڭ جۇمىستارىڭدى ىستەپ تاستادىق، ەكى جاققا دا پايدالى بولدى، - دەدى. تۋىسشىلاي كەلگەن كادرلار اشىمگە كومەكتەسىپ، جەر قىرلاپ، تۇقىم سەۋىپ، ونىڭ ءبىرتالاي اقشاسىن ۇنەمدەدى.
  يۋان لۋجۇن اتىز باسىندا ورىك گۇلىنىڭ ءيىسى ارالاسقان توپىراق ءيىسىن يىسكەپ تۇرىپ، بىلتىر كۇزدە اشىمگە كومەكتەسىپ، ماقتا تەرگەندەگى كۇندەردى ەسكە الدى. بىلتىر كۇزدە يۋان لۋجۇننىڭ كومەگىندە ءاشىم وتباسى ماقتادان مول ءونىم الدى. بيىل كوكتەمدە يۋان لۋجۇن اشىمگە ماقتا ەگۋ تەحنيكاسىنا قاتىستى كىتاپتاردى اكەلىپ بەرىپ، ءاشىم وتباسىنىڭ ماقتادان تاعى دا مول ءونىم الۋىن ءۇمىت ەتتى.


بەرىپ كەت ورامالىڭدى

دوستار

الىستاعى اق ەركە