جاڭا حابارلار

اۆتونوميالى رايوندىق 9-كەزەكتى از ۇلتتاردىڭ ءداستۇرلى دەنە-تاربيە جارىسى دايىندىق قىزمەتىنىڭ 1-ءماجىلىسى اشىلدى

    كەلۋ قاينارى: شينجياڭ حالىق راديو ىستانسياسى    2018-04-20 17:21:50  
ستانسيامىزدىڭ حابارى: اۆتونوميالى رايوندىق 9-كەزەكتى از ۇلتتاردىڭ ءداستۇرلى دەنە-تاربيە جارىسى دايىندىق قىزمەتىنىڭ 1-ءماجىلىسى 4-ايدىڭ 19-كۇنى ۇرىمجىدە اشىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى،ءارىءسوز سويلەدى.
اۆتونوميالى رايوندىق 9-كەزەكتى از ۇلتتاردىڭ ءداستۇرلى دەنە-تاربيە جارىسى 2018-جىلى 9-ايدا ىلە قازاق اۆتونوميالى وبلىسىندا وتكىزىلەدى، قازىر ءتۇرلى دايىندىق قىزمەتتەر ورنىقتى ىلگەرىلەتىلۋدە. شوكىرات زاكىر بىلاي دەپ اتاپ كورسەتتى: ءبىز از ۇلتتاردىڭ 9-كەزەكتى ءداستۇرلى دەنە-تاربيە جارىسىن ويداعىداي وتكىزۋدىڭ ماڭىزدى ءمانىن جەتە تانىپ، وسكەلەڭ ساياسي بورىشتىلىقپەن جانە جاۋاپكەرلىكپەن، وسى كەزەكتى دەنە-تاربيە جارىسىن «دابىرالى، تاماشا، ىنتىماقتى، جاراسىمدى، حاۋىپسىز، ۇنەمشىلدىكپەن» سالتاناتتى جينالىس ەتىپ وتكىزۋگە كۇش سالۋىمىز كەرەك. حالىقتى وزەك ەتۋ سىندى دامۋ يدەياسىنا تاباندى بولىپ، وسى كەزەكتى دەنە-تاربيە جارىسىن ويداعىداي وتكىزۋ ارقىلى ءار ۇلتتىڭ ارالاسۋىن، ىشتەسۋىن، توعىسۋىن، جۇڭحۋا ۇلتى ورتاق تۇلعا تانىمىنىڭ بەكەمدەلۋىن اناعۇرلىم جەبەپ، «4 تانىمدى» اناعۇرلىم بەكەمدەپ، ءار ۇلت بۇقاراسىنىڭ ۇلى وتانعا، جۇڭحۋا ۇلتىنا، جۇڭحۋا مادەنيەتىنە، جۇڭگو كوممۋنيستىك پارتياسىنا، جۇڭگوشا سوتسياليزمگە دەگەن مۇراتتاستىعىن كۇشەيتۋ قاجەت.شوكىرات زاكىر مىنالاردى تالاپ ەتتى: جەر-جەر، قاتىستى تاراۋلار نازاردى قوعام ورنىقتىلىعى مەن باياندى تىنىشتىق باس نىساناسىنا بۇلجىتپاي شوعىرلاندىرىپ، دەنە-تاربيە جارىسىنىڭ حاۋىپسىزدىگىن ساقتاۋ قىزمەتىن قاتاڭ ورنالاستىرىپ، ەش اعاتتىق شىعارماۋعا كەپىلدىك ەتۋ؛ دايىندىق كوميسسياسى كەڭسەسىنىڭ جانە ءار قايسى مۇشە ورىنداردىڭ رولىن جان-جاقتىلى ساۋلەلەلەندىرىپ، تىعىز سەلبەسىپ، دەنە-تاربيە جارىسىنىڭ ءتۇرلى دايىندىق قىزمەتىن تىڭعىلىقتى ويداعىداي ىستەۋ؛ ورتالىقتىڭ 8 ءتۇرلى بەلگىلەمەسى مەن اۆتونوميالى رايوندىق پارتكومنىڭ « 10 دى جاقسارتۋ، 10 عا رۇحسات ەتپەۋدەگى» ءتۇرلى تالابى بويىنشا بۇلجىتپاي قاتاڭ اتقارىپ، دەنە-تاربيە جارىسىن ۇنەمشىلدىكپەن وتكىزۋ؛ جاۋاپكەرلىكتى شىنايى تياناقتاندىرىپ، كۇشتى بورىشتىلىقتى ارقالاپ، وسى كەزەكتى دەنە-تاربيە جارىسىن جوعارى ولشەم، جوعارى ءونىم، جوعارى ساپامەن ويداعىداي وتكىزۋ كەرەك.
اۆتونوميالى رايوننىڭ جانە بيڭتۋاننىڭ باسشىلارىنان لي پىڭشين، جاروللا يسامدين، ماڭلىك سەيىت، ءمۇتالىپ ءماتتوحتىلار ماجىلىسكە قاتىناستى.

بەرىپ كەت ورامالىڭدى

دوستار

الىستاعى اق ەركە