جاڭا حابارلار

9 جاستاعى بالانىڭ ەكى اياعى اۋىر دارەجەدە كۇيىپ قالعاندا شيپاگەر ەمدەۋ قاراجاتىن جيناپ، ءبىر جولدا تەرى كوشىرۋ وپەراتسياسىن ءساتتى جاسادى

    كەلۋ قاينارى: شينجياڭ گازەتى    2018-04-23 17:07:37  
 9 جاستاعى تۇرعۇنجان (اتى وزگەرتىلگەن) اپەكە - باۋىرلارىمەن بىرگە ويناپ ءجۇرىپ، ابايسىزدا قايناپ تۇرعان سۋعا ءتۇسىپ كەتىپ، ەكى اياعىن اۋىر دارەجەدە كۇيدىرىپ الادى. دەر كەزىندە ەمدەتكەنىمەن، ءبىراق اسقىندىرىپ الادى دا، كوپ رەت وپەراتسيا جاساۋعا تۋرا كەلەدى ءارى ەمدەلۋگە مول قارجى قاجەت بولادى. باقىتقا جاراي، شينجياڭ اسكەري رايونى باس شيپاحاناسىنىڭ كۇيىك - ءپىشىن تۇزەۋ ءبولىمى بەيجيڭ مەيىربان انالار قور قوعامىمەن بايلانىس جاساپ، تۇرعۇنجاننىڭ ەمدەلۋ اقىسى ماسەلەسىن شەشۋىنە كومەكتەسەدى ءارى 3 رەت جاسالۋعا ءتيىستى كولەمدى تەرى كوشىرۋ وپەراتسياسىن ءبىر جولدا ءساتتى جاسايدى.
  4 - ايدىڭ 5 - كۇنى ەندى عانا اۋىر ناۋقاستار بولىمىنەن جوتكەلىپ شىققان تۇرعۇنجان شيپاگەرگە قۋناقىلانىپ، تابىسقا جەتتىك دەگەندەي قول يشاراتىن جاسادى. ونىڭ ەرەكشە قۋاناتىنى، بۇل اۋىر كۇيىك جاراقاتى وسى جولعى وپەراتسيادا ادا - كۇدە جازىلىپ، ەندى ءبىراز ۋاقىت وتكەننەن كەيىن مەكتەبىنە بارىپ وقۋىن جالعاستىراتىندىعى ەدى.
  تۇرعۇنجاننىڭ وتباسى اقسۋ قالاسى ايكول قالاشىعى تاشتا قىستاعىندا تۇرادى، وتباسىندا 3 بالا، ول بالانىڭ ەكىنشىسى بولاتىن. 3 - ايدىڭ 26 - كۇنى تۇرعۇنجاننىڭ شەشەسى تۇنيسا تىسقا شىعار الدىندا، تاماق ىستەيتىن ۇلكەن قازانعا سۋ تولتىرىپ پەشتىڭ ۇستىنە قويادى دا: «سۋ قايناپ تۇرسا، قايتىپ كەلگەن سوڭ تاماق ىستەۋگە وڭاي بولادى عوي»، - دەپ ويلايدى.
  ءبىر ساعاتتان كەيىن، تۇنيسا مەن جۇبايى سىرتتان قايتىپ كەلەدى، ۇيگە كىرمەستەن ءۇي ىشىندە شىرقىراپ جىلاعان داۋىستى ەستيدى، ول جۇگىرىپ كەلىپ قاراعاندا، تۇرعۇنجاننىڭ شىرقىراپ جىلاپ، جەردە دوڭبەكشىپ جاتقانىن، ەكى اياعى شىلقا سۋ بولىپ، پەشتىڭ ۇستىندەگى قازان توڭكەرىلىپ جەردە جاتقانىن، قالعان ەكى بالاسىءبىر جاقتا جىلاپ وتىرعانىن كورەدى.
  نە ىستەرىن بىلمەگەن ۇلكەنى اكە - شەشەسى كەلگەنىن كورە سالا الدارىنا جۇگىرىپ بارىپ: باۋىرىم قايناعان سۋعا ءتۇسىپ كەتتى، - دەدى.
  تۇنيسانىڭ جۇبايى دەرەۋ سىرتتان ماشينا تاۋىپ اكەلەدى دە، بالانى سول جەردەگى شيپاحاناعا اپارادى، شيپاگەرلەر بالانىڭ اۋىر دارەجەدە كۇيىپ قالعانىن انىقتايدى. سول جەردەگى شيپاحانادا ەمدەلىپ 6 كۇننەن كەيىن، تۇرعۇنجاننىڭ كۇيىك جاراقاتى اسقىنىپ، قىزۋى ورلەپ ەسىنەن تانىپ، ومىرىنە حاۋىپ تونەدى، شيپاگەر ولارعا دەرەۋ ۇرىمجىدەگى ۇلكەن شيپاحاناعا اپارىپ ەمدەتۋگە كەڭەس بەرەدى.
  ۇرىمجىدەگى ءبىرقانشا شيپاحانانىڭ بارلىعى كۇيۋ دارەجەسىنىڭ وتە اۋىر، ونىڭ ۇستىنە ۋاقىتى ۇزارىپ كەتكەنىن، تۇرعۇنجانعا 3 رەت وپەراتسيا جاساۋ قاجەتتىگىن، ەمدەۋ قاراجاتى از دەگەندە 100 مىڭ يۋاننان اساتىندىعىن بىلدىرەدى. ۇلى ءولىم اۋزىندا جاتىر، قولىندا تەك 10 مىڭ يۋان عانا اقشاسى بار، ەندى قايتۋ كەرەك؟
  4 - ايدىڭ 1 - كۇنى ولار شينجياڭ اسكەري رايونى باس شيپاحاناسىنىڭ كۇيىك - ءپىشىن تۇزەۋ بولىمىنە جوتكەلەدى. ءبىر وتباسىنىڭ قيىنشىلىق قىسپاعىندا قالعانىن
بىلگەننەن كەيىن، بۇل شيپاحانانىڭ ءپىشىن تۇزەۋ ءبولىمىنىڭ مەڭگەرۋشىسى چىن يۇنبياۋ ەشتەڭە دەمەستەن، بالانى توتە شيپاحاناعا جاتقىزادى. تەكسەرۋ ارقىلى بالا دەنەسىنىڭ %18جەرى كۇيىپ قالعانىن، ونىڭ ۇستىنە اسقىنىپ، قىزۋى 41 سەلتسي گرادۋسقا شىقانىن، كۇيىپ قالعان ەكى اياعىنىڭ كۇپ بولىپ ءىسىپ كەتكەنىن انىقتايدى.
  چىن يۇنبياۋ: دەرەۋ اسقىنۋدى باسىپ، قىزۋىن ءتۇسىرىپ، الدىمەن بالانىڭ جانىن الىپ قالايىق! - دەيدى. العاشقى ەمدەۋ جوسپارىن تۇراقتاندىرۋمەن بىرگە، چىن يۇنبياۋ بەيجيڭ مەيىربان انالار قور قوعامىمەن بايلانىس جاساپ، تۇرعۇنجاندى ەمدەۋگە قاجەتتى قارجىعا قول جەتكىزەدى.
  چىن يۇنبياۋ: ءبىز 30 مىڭ يۋانعا قول جەتكىزدىك، بۇعان بالانىڭ اكە - شەشەسىنىڭ قولىنداعى 10 مىڭ يۋاندى قوسساق، ەمدەۋ قاراجاتىنىڭ جالپى 40 مىڭ يۋانى جينالدى دەگەن ءسوز. ادەتتەگى وپەراتسيا جاساۋعا از دەگەندە 100 مىڭ يۋاننان استام ەمدەلۋ قاراجاتى قاجەت، سوندىقتان ءبىز ەمدەۋ جوباسىنا قايتا - قايتا زەرتتەۋ جۇرگىزدىك. ەمدەۋ قاراجاتى تاپشى، ونىڭ ۇستىنە بالانى، ءسوز جوق، ادا - كۇدە ساقايتۋ كەرەك، قايتا - قايتا وپەراتسيا جاساي بەرۋگە بولمايدى، ءسوز جوق، ءبىر جولدا ءبىتىرۋ كەرەك، - دەيدى.
  الايدا، بالانىڭ ەكى اياعىنىڭ بۋىندارىنا دەيىن كۇيگەن ءارى كۇيۋ دارەجەسى دە ۇقسامايتىندىقتان، تەرى كوشىرۋدىڭ تالابى دا ۇقساس ەمەس - تى، ونىڭ ۇستىنە بولاشاقتا بۋىننىڭ تارتىلىپ قالۋىنان ساقتانۋ دا قاجەت، بۇل وپەراتسيانىڭ قيىندىق دارەجەسىن نەشە ەسە ارتتىرىپ جىبەرەدى.
  چىن يۇنبياۋ ءوزىنىڭ ەمدەۋ اترەتىندەگىلەرگە: قايتسەك تە ءساتتى جاساۋىمىز كەرەك، - دەگەن «قاتاڭ بۇيرىق» تۇسىرەدى. چىن يۇنبياۋ: ءبىز بالانىڭ كۇيگەن جەرىن ءپىشىن تۇزەۋ ءادىسى بويىنشا ەمدەدىك، وسىلاي بولعاندا، كەيىن تۋىلۋ مۇمكىندىگى بار كومەسكى قاتەردەن زور دارەجەدە ساقتانۋعا بولادى، - دەدى.
  باس پەن اياقتىڭ تەرىسىن ەپپەن قىرىپ الىپ، قايشىمەن ۇساقتاپ، تەرى كوشىرىلەتىن جەرگە جاپسىرىلادى، ودان كەيىن ءبىر ءتۇرلى ءتىرى مۇشە كلەتكالار توبىن «قان جاساۋعا» پايدالانىپ، قىسپا ماي سياقتى ۇساق تەرى مەن بۇلشىق ەت كلەتكاسىن وراپ، كۇيگەن جەر تەرىسىنىڭ قايتادان جەتىلۋىن قورەكتىكپەن قامداۋعا كومەكتەسەدى.
  چىن يۇنبياۋ: بۇل كوشىرۋگە قاجەتتى تەرى از الىناتىن، بالاعا زيانى ەڭ تومەن ءارى كوپ جەرگە تەرى كوشىرۋگە بولاتىن ءادىس، ءبىز بۇرىن وسىنداي ادىسپەن 3 ايلىق بالاعا تەرىنى ءساتتى كوشىرگەمىز، - دەدى.
  دايىندىق تولىق بولعاندىقتان، وپەراتسيا وتە ءساتتى بولدى. چىن يۇنبياۋ تۇرعۇنجاننىڭ اكە - شەشەسىنە: بالادا كەيىن بولىپ قالۋعا ءتيىستى ماسەلەلەردى ءبىز تولىق ويلاستىرىپ، وسى جولعى وپەراتسيادا مۇمكىندىكتىڭ بارىنشا ءبىر جولدا شەشتىك، - دەدى. وپەراتسيادان شىعىپ، باس كيىمىن العان چىن يۇنبياۋ تەرگە ابدەن مالشىنعان - دى.  اۋىر ناۋقاستاردى كۇزەتۋ ءبولىمىنىڭ ەسىك الدىن ءبىر كۇن، ءبىر ءتۇن كۇزەتكەن تۇنيسا، اقىرى ەسىن جيعان ۇلىن كورىپ، جۇزىنە كۇلكى ۇيىرىلىپ: «راقىمەت، ۇلىمدى اجال اۋزىنان الىپ قالعان ىزگى نيەتتى شيپاگەرلەر مەن مەيىربان جاندارعا راقىمەت» دەگەندى قايتا - قايتا ايتا بەردى.
  چىن يۇنبياۋدىڭ تانىستىرۋىنا قاراعاندا، بەيجيڭ مەيىربان انالار قوعامىنىڭ قولداۋىمەن، 4 جىلدان بەرى بۇل ءبولىم كۇيگەن، اۋىر دارەجەدە ءپىشىنى وزگەرگەن 30عا جۋىق تۇرعۇنجان سياقتى بالانى قۇتقارعان، ەمدەۋ قاراجاتى 2 ميلليون 500 مىڭ يۋانعا جەتكەن.

بەرىپ كەت ورامالىڭدى

دوستار

الىستاعى اق ەركە