جاڭا حابارلار

ىلەلىك جىگىت يۋان ۋىن-بين قۇلجا قالاسىنداعى اتى ايگىلى ەلەكتروندى ساۋدا شەبەرى

    كەلۋ قاينارى: شينجياڭ حالىق راديو ىستانسياسى    2018-04-23 17:22:14  

ىلە راديو ستانسياسىنىڭ ءتىلشىسى جاۋ شين-حۇڭنىڭ حابارى: ىلەلىك جىگىت يۋان ۋىن-بين قۇلجا قالاسىنداعى اتى ايگىلى ەلەكتروندى ساۋدا شەبەرى. جوعارى مەكتەپ تاۋىسقاننان كەيىن، قىسقا عانا 4 جىلدا، شاعىن توراپ دۇكەنىنەن بۇگىنگى كۇنگى نەداۋىر كولەمدى ساۋدا سەرىكتەستىگىنە دەيىن، يۋان ۋىن-بين مەن سەرىكتەرى قۇلشىنا كۇرەس جاساۋ ارقىلى وزدەرىنە ءتان كاسىپ جولىن تاپتى. 2013 - جىلى جوعارى مەكتەپتى تاۋىسقاننان كەيىن تۋعان جەرى قۇلجا قالاسىنا قايتىپ كەلگەن يۋان ۋىن-بين تاۋباۋ تورابىنان ءبىر توراپ دۇكەنىن اشادى. بارلىق ءىس باسىندا قيىن دەگەندەيىن، باستابىندا توراپ دۇكەنىنىڭ ساۋداسى جاقسى بولمايدى، ول بىلاي دەدى: «تاۋارلارىمنىڭ سۋرەتىن توراپقا شىعارعاننان كەيىن، كەيبىرەۋلەر باعاسىن سۇرايدى، ءبىراق ساتىپ المايدى، سول كەزدە ىشتەي قاتتى مازاسىزداندىم. ۇش كۇنگە دەيىن ەشقانداي ساۋدا ىستەمەگەن كەزدەرىم دە بولدى». يۋان ۋىن-بين ىشكەرىلەي وي جۇگىرتۋ ارقىلى  توراپ دۇكەنىندە جەرگىلىكتى ەرەكشە تاۋارلاردى نەگىز ەتىپ ساتۋ بەكىمىنە كەلەدى. ول بىلاي دەدى: «ادامداردىڭ كوبى كۇتىمدەلۋگە ءمان بەرە باستاعاندىقتان، تابيعي ونىمدەرگە كوپ نازار اۋداراتىن بولدى، سوندىقتان مەن ىلەنىڭ جەرگىلىكتى تابيعي ەرەكشە ونىمدەرىن ساتتىم. ساتىلعان ونىمدەرىم قارسى الۋعا يە بولدى. ساندى مالىمەتكە نەگىزدەلگەندە، دۇكەنىمنەن قايتالاي زات الاتىن الارماندار %36 كە جەتتى».
 2014 - جىلى، يۋان ۋىن-بين توراپ دۇكەنى تيجاراتىمەن مۇقيات اينالىسۋ بەكىمىنە كەلىپ، سەلبەسەتىن سەرىك تاۋىپ، جەكەلىك كاسىپ اشۋدى توپتىق كاسىپ اشۋعا قاراي دامىتتى. ول بىلاي دەدى: «كاسىپ اشقان العاشقى كەزدە، كۇنىنە 50 دە 100 يۋاننىڭ تاۋارىن ساتتىق، كەيىن كۇنىنە 500 يۋاننىڭ تاۋارىن ساتاتىن بولدىق، بەرتىن كەلە كۇنىنە 5 تە 6 مىڭ يۋاننىڭ تاۋارىن ساتتىق. 2014 - جىلى قۇلجا بويىنشا ءبىزدىڭ دۇكەنىمىزدىڭ ساتىلىمى ءبىرىنشى ورىندى يەلەدى، سول جىلى 11 - ايدىڭ 11 - كۇنى ساۋدا سومامىز 114 مىڭ 500 ءجۇز يۋانعا جەتتى».2015 - جىلى، يۋان ۋىن-بين قۇلجا قالاسىنىڭ جوعارى مەكتەپ تاۋىسقان وقۋشىلاردىڭ كاسىپ اشۋىنا تيىمدىلىك جەتكىزۋ ساياساتىنا سۇيەنىپ، كەڭسە بازاسى جانە العاشقى كاسىپ اشۋ قارجىسى جەتىسپەۋ ماسەلەسىن شەشىپ، سەرىكتەستىگىنىڭ كولەمىن اناعۇرلىم كەڭەيتتى. 2016 - جىلى، ول شينجياڭ مەيلي جىبەك جولى ساۋدا شەكتى سەرىكتەستىگىن تىزىمگە الدىرىپ، سەرىكتەستىك قۇردى. ول بىلاي دەدى: «قۇلجا قالالىق شەكارا سەلبەستىك رايونىنىڭ ستۋدەنتتەدى جەتىلدىرۋ بازاسىنان كەڭسەگە يە بولدىم، كەڭسەنىڭ جالاقىسى كەشىرىم ەتىلدى، ەڭ ماڭىزدىسى ءوسىمسىز قارىز الا الادىق، بۇل ءبىر كاسىپ اشۋشى ءۇشىن الىپ ايتقاندا، وارسان زور قولداۋ ەسەپتەلەدى».يۋان ۋىن-بيننىڭ سەرىكتەستىگىن اۋىزعا العاندا، بەيجيڭدىك حاريدار حۋاڭ جينجين ونىڭ ىسكەرلىگىن ماقتاي كەلىپ بىلاي دەدى: « مەن يۋان ۋىن-بين قوجايىىننىڭ بەيجيڭدەگى حاريدارىمىن، ول كاسىپ اشقان العاشقى كەزدەن باستاپ ەكەۋىمىز سەلبەستىك، يۋان ۋىن-بين تاباندى ءارى جاپاعا ءتوزىمدى، ونىڭ ۇستىنە ادال، تالاي جىلدان بەرى، ونىمەن الاڭسىز ساۋدا جاساپ كەلەمىز، ونىڭ ونىمدەرىنىڭ ساپاسىنا ەرەكشە سەنەمىن». 
 قازىر شينجياڭ مەيلي جىبەك جولى ساۋدا شەكتى سەرىكتەستىگىنىڭ توراپ دۇكەندەرىندە ىلەنىڭ ەرەكشە اۋىل شارۋاشىلىق ونىمدەرىنەن ءيستى قۇدىس، بال، گۇل ءشايى، ءنارلى حورەكتىك جەلىلەس ونىمدەرى سياقتىلار ساتىلادى. سونىمەن بىرگە، ولار توراپتا ساتۋدان سىرت، ناقتى دۇكەندە ساتۋ كاسىبىن دە دامىتىپ، قۇلجا قالاسىنىڭ جانە كۇنەس، قورعاس اۋداندارىنىڭ نەگىزگى كورىنىس رايوندارىنان كوپتەگەن دۇكەن اشتى.


بەرىپ كەت ورامالىڭدى

دوستار

الىستاعى اق ەركە