جاڭا حابارلار

رايونىمىز ەرەكشە كەدەي رايوندارداعى قىستاقتاردىڭ بەيقۇت ءۇي ينجەنەرياسى قۇرىلىسىن بار كۇشپەن ىلگەرلەتتى

    كەلۋ قاينارى: شينجياڭ حالىق راديو ىستانسياسى    2018-04-23 17:31:22  

ستانسيامىزدىڭ جيناق حابارىن تىڭداڭىزدار: پارتيا 19-قۇرىلتاي بايانداماسىندا، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋگە تاباندى بولىپ، ەرەكشە كەدەي ءوڭىردى كەدەيلىكتەن قۇتىلدىرۋ مىندەتىن ءتۇيىندى ورىنداۋ كەرەكتىگى ورتاعا قويىلدى. بيىل رايونىمىز اۋىل-قىستاقتاعى بەيقۇتءۇي ينجەنەرياسىن 22 ەرەكشە كەدەي اۋدان، قالانى نەگىز ەتىپ، اۋىل-قىستاقتاعى ارحيۆ تۇرعىزىلىپ، كارتىشكا تاراتىلعان كەدەي وتباسىلارىنا، ەڭ تومەنگى تۇرمىسى قامتاماسىزداندىرلاتىندارعا، اۋىل-قىستاقتاعى بىتىراندى قونىستانعان كۇتىمدەلەتىن ەرەكشە قيىنشىلىعى بارلارعا، كەدەي مۇگەدەك وتباسىلارىنا بەيىمدەپ، قۇرۋ اياق الىسىن جەدەل ىلگەرىلەتتى، قازىرگە دەيىن، رايونىمىزداعى بەيقۇت ءۇي ينجەنەرياسىنىڭ جۇمىس باستاۋ مولشەرى %27.43 كە جەتتى، مۇنىڭ ىشىندە ەرەكشە كەدەي 22 اۋداننىڭ جۇمىس باستاۋ مولشەرى %35 بولدى.

«قۇرىلىس بارىسىندا، چەرتوج بويىنشا قۇرىلىس جۇرگىزۋ، وتە-موتە، تۇرعىن ءۇيدى سالۋ بارىسىندا، ءار ءتورت قابات كىرپىشتىڭ ارالىعىنا ءبىر قابات بولات شىبىقتان توقىلعان بەكەمدەگىش قوسىپ بەرىكتەپ، جەر سىلكىنىسىنە ءتوزىمدى بەيقۇت ءۇي قۇرىلىسى ساپا ولشەمى بويىنشا قۇرىلىس جۇرگىزۋ قاتاڭ تالاپ ەتىلدى».

جۋىردا، ءۇشتۇرپان اۋدانى اقتوعاي اۋىلى جالعىزتەرەك قىستاعىنداعى بەيقۇت ءۇي سالىپ، حالىقتى اۋقاتتاندىرۋ قۇرىلىسى ورنىندا، بەيقۇت ءۇي كەڭسەسىنىڭ كادرى قۇرىلىس جۇرگىزۋشى ورىنعا ينجەنەريا ساپاسى جونىندەگى تالاپتارىن ەسكەرتتى. بيىل ءۇشتۇرپان اۋدانى بەيقۇت ءۇي سالىپ، حالىقتى اۋقاتتاندىرۋ ينجەنەريا قۇرىلىسىن كەدەيلىكتەن قۇتىلدىرۋدان قامال الۋمەن تىعىز ۇشتاستىرىپ، 190 ميلليون يۋان قارجى قوسىپ، 3 مىڭ 857 بەيقۇت ءۇي سالۋدى جوسپارلادى. كەدەي بۇقارانىڭ الاڭسىز ۇيگە كوشىپ كىرۋىنە شىنايى كەپىلدىك ەتۋ ءۇشىن، ءۇشتۇرپان اۋدانى ارناۋلى بەيقۇت ءۇي ينجەنەرياسىن باقىلاۋ گرۋپپاسىن قۇردى. ءۇشتۇرپان اۋداندىق بەيقۇت ءۇي كەڭسەسىنىڭ كادرى تۇرسىنجان مامەت بىلاي دەدى: «ءۇشتۇرپان اۋدانى ساپانى ولشەمگە جەتكىزۋ قيمىلىن بەيقۇت ءۇي سالىپ، حالىقتى اۋقاتتاندىرۋ ينجەنەرياسىنىڭ ماڭىزدى مازمۇنىنا ەنگىزدى، ءارى ساتى بويىنشا جاۋاپكەرلىك حاتىنا قول قويىپ، باقىلاۋ جاۋاپكەرلىگىن تياناقتاندىرىپ، اۋدان، اۋىل، قىستاق، ديحانداردىڭ بەيقۇت ءۇي سالۋ سەلبەستىك كوپەراتۆى سىندى 4 دارەجەلى ساپانى باسقارۋ جۇيەسىن جۇزەگە اسىرادى، قۇرىلىس جۇرگىزۋ بارىسىندا، چەروج بويىنشا قۇرىلىس جۇرگىزۋگە تاباندى بولادى».
2018-جىلى رايونىمىز 300 مىڭ وتباسىنىڭ اۋىل-قىستاق بەيقۇت ءۇي ينجەنەرياسىن ورىنداۋدى جوسپارلادى، مۇندا وڭتۇستىك شينجياڭنىڭ ءۇش ايماق، ءبىر وبلىسىنداعى ەرەكشە كەدەي 22 اۋدان جوسپارداعى جالپى ساننىڭ %64.1 ءىن ۇستايدى. اۋىل-قىستاقتىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسىنىڭ اياق الىسىن تىڭعىلىقتى ىلگەرىلەتۋ ءۇشىن، رايونىمىزداعى ەرەكشە كەدەي 22 اۋدان، قالا ەگىنشى-مالشىلاردىڭ تۇرعىن ءۇي ماسەلەسىن، وتە-موتە، اۋىل-قستاقتاعى ءتورت ءتۇرلى ءتۇيىندى وبيەكتىنىڭ تۇرعىن ءۇي ماسەلەسىن كەدەيلىكتەن قۇتىلدىرۋدان قامال الۋ شايقاسىنىڭ ءتۇيىنى ەتتى. مارالباسى اۋدانى الاعىر اۋىلى ونبەسجول قىستاعىنىڭ ديحانى قاسىم ياسىنىڭ بەيقۇت ءۇي قۇرىلىسى ورنىندا، ءۇي يەسى قاسىم ياسىن، قۇرىلىس جۇمىسشىلارىمەن بىرگە، سەمەنت ارالاسىتىرۋ، كىرپىش تاسۋ، كىرپىش قالاۋ جۇمىستارىن بىرگە ىستەدى، جاڭا ءۇيىنىڭ نەگىزگى تۇلعاسىنىڭ سالىنىپ بولعانىن كورگەن ول تەبىرەنىستى كوڭىل-كۇيمەن بىلاي دەدى: «بۇرىن ءۇيىمىز توپىراقتان تۇيىلگەن جاتاعان ءۇي بولاتىن، جاڭبىر جاۋعاندا توبەسىنەن سۋ ءوتىپ كەتەتىن، قاي كۇنى توبەسى ءتۇسىپ كەتەدى دەپ وزىمىزدە الاڭسىز بولا المادىق، كەڭ دە جارىق بەيقۇت ۇيدە تۇرامىز دەپ ويلاماعان ەدىك. پارتيا مەن ۇكىمەتكە شىن جۇرەكتەن العىس ايتامىن».
بيىل مارالباسى اۋدانى كەڭ اۋماقتى شوعىرلى قۇرىلىستاندىرۋ، ءوزارا كومەكتەسىپ بەيقۇت ءۇي سالۋ سياقتى شارالاردى قولدانىپ، كەدەيلەردى سۇيەمەلدەۋ قارجىسىن ءونىمدى پايدالانىپ، بەيقۇت ءۇي سالىپ، حالىقتى اۋقاتتاندىرۋ ينجەنەريا قۇرىلىسىن كۇش سالا اتقاردى. مارالباسى اۋداندىق بەيقۇت ءۇي سالىپ، حالىقتى اۋقاتتاندىرۋ كەڭسەسىنىڭ ورىنباسار مەڭگەرۋشىسى جاڭ گاڭپيڭ بىلاي دەدى: «كەدەيلىكتەن قۇتىلدىرۋدان قامال الۋدى كۇش سالا اتقارىپ، «ىشەر اس، كيەر كيىم، تۇرار جايدان تارىقپاۋ، مىندەتتى وقۋ-اعارتۋ، نەگىزدىك ەمدەۋ، تۇرعىن ءۇي حاۋىپسىزدىگى» تولىق جۇزەگە استى، قازىرگە شەيىن، مارالباسى اۋدانى 2018-جىلعى 23 مىڭ 470 وتباسىنا بەيقۇت ءۇي سالۋ مىندەتىنىڭ 16 مىڭ 923 ءىن باستاپ سالا باستادى، بۇل مىندەتتى سانى مەن ساپاسىنا كەپىلدىك ەتە وتىرىپ ورىنداۋ ءۇشىن، اۋدانىمىز 7-ايدىڭ 30-كۇنى بارلىق ينجەنەريا مىندەتىن جاپپاي ورىندايدى».
قاراقاش اۋدانى زاۋا قالاشىعى جاڭا ۇستەڭ قىستاعىندا، قاتار-قاتار تىزىلگەن جاڭادان سالىنعان بەيقۇت ءۇي كوزگە ەرەكشە تۇسەدى. بيىل عانا جاڭا ۇيگە كوشىرىپ كىرگەن كەدەي ديحان ءيمىنتۇرسىن ۇلام تىلشىگە بىلاي دەدى: «پارتيا مەن ۇكىمەتتىڭ قامقورلىعىندا، كەڭ دە جارىق بەيقۇت ۇيگە كوشىپ كىردىك. قىزمەت اترەتى كەلگەننەن كەيىن، اۋلاعا كىرپىش جاتقىزىپ، سەمەنت قۇيۋ، قوي قورانى وزگەرتىپ سالۋ، ەگىمشىلىك، باعىمشىلىق رايونىن جوبالاپ رەتتەۋ سياقتى جۇمىستارىما كومەكتەسىپ، ەگىمشىلىك شارت-جاعدايىن ازىرلەپ بەردى، پارتيا مەن ۇكىمەتكە، باس شۋجي شي جينپيڭگە شەكسىز العىس ايتامىز».
بيىل قاراقاش اۋدانى كەدەيلىكتەن قۇتىلدىرۋدان قامال الۋدى ارقاۋ ەتىپ، ارحيۆ تۇرعىزىلىپ، كارتشىكا تارتىلعان كەدەي وتباسىلارىنىڭ تۇرعىن ءۇي قۇرىلىسى جوباسىن جاساۋدى الدىمەن ورنالاستىردى. قاراقاش اۋداندىق بەيقۇت ءۇي سالىپ، حالىقتى اۋقاتتاندىرۋ كەڭسەسىنىڭ ورىنباسار مەڭگەرۋشىسى لين حۇڭبين بىلاي دەدى: «2018-جىلى نەگىزىنەن كەدەيلىكتەن قۇتىلدىرۋدان قامال الۋ باس نىساناسىن ارقاۋ ەتىپ، ارحيۆ تۇرعىزىلىپ، كارتىشكا تاراتىلعان كەدەي وتباسىلارىنا ءۇي سالىپ بەرۋدى الدىمەن ورنالاستىرىپ، 16 مىڭ 301 بەيقۇت ءۇي سالۋدى جوسپارلادىق، قازىر، اۋىل-قالاشىقتار تۇگەل جۇمىس باستادى. اۋدان بويىنشا 11-ايدىڭ سوڭىنان بۇرىن، قۇرىلىس جۇمىسىن تۇگەل اياقتاتىپ، كەدەي بۇحارانىڭ جاڭا ۇيگە كوشىپ كىرۋىنە مۇمكىندىك جاساپ، ەگىنشى-مالشىلاردىڭ باقىت كورسەتكىشىن اناعۇرلىم جوعارلاتامىز».


بەرىپ كەت ورامالىڭدى

دوستار

الىستاعى اق ەركە