جاڭا حابارلار

ءوندىرىس لەنياسىنداعى اپەكە-ءسىڭىلى سۇيىسپەنشىلىگى

    كەلۋ قاينارى: شينجياڭ حالىق راديو ىستانسياسى    2018-04-23 18:00:49  

ستانسيامىزدىڭ ءتىلشىسى ليۋ چياڭ مەن ەرىكتى ءتىلشى ابىلەمەت تۇرعۇن جازعان حابارى: لوپ اۋدانى ونەركاسىپ باقشا رايونىنا ورنالاسقان شينجياڭ جىبەك جولى اياق كيىم كاسىبى شەكتى سەرىكتەستىگىنىڭ ءوندىرىس شەبىندە، گرۋپپا باستىعى شاراپات ءيمىنتوحتى تۇتاس گرۋپپاداعى 32 جۇمىسشىنىڭ ءتۇرلى جۇمىس ءتارتىبىن جۇيەلى ورىنداۋىنا جەتەكشىلىك ەتۋدە.
تەحنيكانى ۇيرەنۋشىدەن قازىرگى مىقتى تەحنيككە اينالعان شاراپات ءيمىنتوحتى، ءوزىنىڭ وسىنداي ىلگەرىلەۋشىلىككە قول جەتكىزۋىن، «اپەكەسى» حۋ حايياننىڭ قامقورلىعى مەن كومەگىنەن بولە قاراۋعا بولمايتىنىن ايتا كەلىپ: «حۋ حاييان ماعان كوپ تەحنيكا ۇيرەتتى، مەنىڭ وسى ورىنعا كوتەرىلۋىم ونىڭ كومەگىنىڭ ارقاسى، تۇرمىستا دا، قىزمەتتە دە كومەكتەسەدى، ول كومەكتەسسە، مەن ەشتەڭەدەن دە قورىقپايمىن، ءبارىن دە ىستەي الامىن»،-دەدى.
شاراپات ءيمىنتوحتى ــ لوپ اۋدانى سامپۇل اۋىلى كوشەارىق قىستاعىنىڭ ديحانى، ول مەملەكەتتە ءبىر تۇتاس قولدانىلاتىن ورتاق تىلدە جاتتىق سويلەي الادى، 3 ايدىڭ الدىندا، ول قىزمەتكە قابىلدانىپ، سەرىكتەستىكتىڭ ءوندىرىس جۇمىسشىسى بولىپ، سەرىكتەستىكتىڭ تەحنيكالىق جەتەكشىسى حۋ حايياننىڭ باسقارۋىنداعى گرۋپپاعا كەلىپ قىزمەت ىستەيدى، ءوندىرىس شەبىنە العاش كەلگەندە، شاراپات ءيمىنتوحتى قايتەرىن بىلمەي قاتتى قينالدى، حۋ حاييان وعان بارلىق تەحنيكانى ۇستىندە ۇيرەتتى. حۋ حاييان: «قىزمەت بارىسىندا ول دا ماعان اۋدارماشى بولىپ كومەكتەسەدى، مەن دە ونىڭ كوپ كومەگىنە يە بولدىم، ءبىز جاقسى دوستاردانبىز، ونى وتە جاقسى كورەمىن، ول بارلىعىن توتە ايتادى، ۇيرەنۋى دە وتە جاقسى»،-دەدى.
قىزمەتتە ءبىرىن-ءبىرى قولداۋدىڭ، ءوزارا ۇيرەنىپ، بىرلىكتە العا باسۋدىڭ ناتيجەسىندە، قىسقا عانا ءۇش ايدا، شاراپات ءيمىنتوحتى قاراپايىم جۇمىسشىدان سەحتىڭ تىرەكتى جۇمىسشىسىنا اينالدى. مۇنداي اڭگىمەلەر، سەرىكتەستىكتە وتە كوپ. شينجياڭ جىبەك جولى اياق كيىم شەكتى سەرىكتەستىگىنىڭ ورىنباسار باس مەڭگەرۋشىسى لي جۇڭۋان بىلاي دەدى: «باسقارۋشى قىزمەتكەرلەر ›ۇلتتار ىنتىماعىنىڭ بەرەكەلى شاڭىراعىندا‹ قيمىلىن يدەيالىق جەتەكشى ەتىپ، اعا-باۋىر، اپەكە-ءسىڭىلى بولىپ، بىرگە تاماقتانىپ، بىرگە جاتىپ، بىرگە قىزمەت ىستەيدى، مەملەكەتتىڭ قاتىستى زاڭ-ەرەجە تاربيەسى مەن ساياسي، يدەيالىق، نازاريالىق تاربيەنى كۇشەيتىپ، كوپشىلىكتىڭ ءبىلىم دەڭگەيىن تەز ارادا جوعارلاتۋىمىز قاجەت».


بەرىپ كەت ورامالىڭدى

دوستار

الىستاعى اق ەركە