جاڭا حابارلار

  جۇيكەڭىز جۇقارىپ جۇرسە

    كەلۋ قاينارى: شينجياڭ حالىق راديو ىستانسياسى    2018-04-23 19:48:28  

 « ءتىرى جان جوق ورماننىڭ ىشىندە كەلە جاتىر. ءاربىر قادامىن باسقان سايىن تىنىسى جيىلەي تۇسەدى. قاي اعاشتىڭ اراسىنان قانداي ماقۇلىقتىڭ شىعا كەلەتىنىن بىلمەيدى. بار بولعانى بار داۋسىمەن ايعايلاعىسى كەلەدى دە تۇرادى...». مىنە ءدال وسىلاي جازۋشىلار ومىردەن جالىققان، كۇيزەلىسكە تاپ بولعان كەيىپكەرلەرىن سۋرەتتەيدى. ال شىنايى ومىردە شى؟ جۇيكەسى جۇقارعان ادامداردى قالاي سۋرەتتەۋگە بولادى؟ ونى سۋرەتتەمەس بۇرىن، جۇيكەنى تىنىشتاندىرىپ، ۋايىمنان  ارىلۋعا كومەكتەسەتىن بىرنەشە كەڭەستەرىمىزدى ۇسىنامىز:
1. جانعا جايلىلىق سىيلايتىن مۋزىكا تىڭداڭىز. مۋزىكا ءسىزدىڭ نازارىڭىزدى باسقا ارناعا بۇرادى. ال نازارىڭىزدى باسقا ارناعا بۇراتىن مۋزىكا   جانرىندا دا بولۋى مۇمكىن. باستىسى شىن مانىندە جايلىلىق سيلاپ جاتقانىنا كوز جەتكىزىڭىز.
2. تەرەڭ تىنىس الۋ. بۇل كەڭىنەن تارالعان ادىستەردىڭ ءبىرى. كوزىڭىزدى جۇمىپ تۇرىپ تەرەڭ دەمالىڭىز دا، ارتىنشا اۋانى سىرتقا شىعارىڭىز. وسىنى بىرنەشە رەت قايتالاڭىز. دەمالعان كەزدە كەۋدە جاسۋشالارىنا اۋىرلىق تۇسپەيتىندەي، باياۋ تىنىس الىڭىز. جاتتىعۋ بارىسىندا دەنەڭىزدىڭ اۋىرلىقتى سەزبەيتىندىگىنە كوز جەتكىزىڭىز. اتالعان جاتتىعۋدى جاساۋدىڭ ارقاسىندا قان اينالىمىڭىز جاقسارىپ، قان قىسىمىڭىز جوعارىلاپ، دەنەڭىز فيزيولوگيالىق دەڭگەيدە دەمالادى. كۇيزەلىس كەزىندە ادامنىڭ قيمىل-قوزعالىسىنىڭ جىلدامدىعى ارتىپ كەتەتىندىكتەن، بۇلشىق ەتتەردى بوساڭسىتۋ كەرەك.
3. ەلەستەتۋ نەمەسە قيالداۋ. ەشكىم جوق، اۋاسى تازا، تىنىش جەرگە كوزىڭىزدى جۇمىپ وتىرىپ، ءوزىڭىزدى حوش ءيىستى گۇلدەردىڭ، اسەم ساياباقتىڭ ورتاسىندا نەمەسە قىمىز ءيىسى اڭقىعان كەڭ جايلاۋدا وتىرمىن دەپ ەلەستەتىڭىز. ءسىز قانداي دىبىستاردى ەستىپ تۇرسىز؟ قانداي يىستەردى سەزۋدەسىز؟ قاجەت بولسا، كوك مايسا شالعىندا جاتقانداي اسەردە بولىڭىز. ءوز ەلەسىڭىزگە ءسىز سەنگەن سايىن، دەنەڭىز دە الدانادى. ياعني، بۇل دا ءوز كەزەگىندە تىنىشتالۋعا مۇمكىندىك بەرەدى.
4. از ۋاقىت ۇيىقتاپ الىڭىز. ءتىپتى، بار بولعانى 15 مينۋتىڭىز عانا بولسا دا، جاتىپ تىنىعىڭىز. ويانا سالىسىمەن ءوزىڭىزدى سەرگەك سەزىنەسىز. ال مي سەرگەك كەزدە شەشىمدى اردايىم دۇرىس قابىلدايدى. پاروداكسالدى (ادەتتەن تىس) ۇيقى كەزىندە مي تولقىندارى زات الماسىپ، دەنەگە جايلىلىق سىيلايدى. جانە جاتقان كەزدە دە دەنەڭىز ۇيىپ قالمايتىنداي دۇرىس جاتىڭىز. مۇنىمەن قاتار دەنساۋلىعىڭىز جاقسى بولۋ ءۇشىن، تۇندە ۇيقىڭىزدىڭ ۋاقىتىن بۇزباڭىز.
5. ويانىڭىز دا كەرىلىڭىز. بۇلشىق ەتتەرىڭىزدى سوزا ءتۇسىڭىز. ويانا سالىسىمەن، بولمەنىڭ ىشىندە بىراز ءجۇرىپ، جاتتىعۋلار جاساڭىز. ۇيدە ەشكىم جوق بولسا، كوڭىلدى مۋزىكا قوسىپ بيلەپ الىڭىز. ناتيجەسىندە ميىڭىزعا اسەر ەتىپ عانا قويماي، كوتەرىڭكى كوڭىل-كۇي سىيلايدى.
6. تازا اۋامەن دەمالىڭىز. ول نەبارى ءبىر  مينۋت عانا ۋاقىتىڭىزدى الادى. سىرتقا شىعىپ، تازا اۋا جۇتساڭىز بولعانى.
7. ۇزاق ۋاقىت جاياۋ ءجۇرۋ. جاقسى دەمالىس جامان ويلاردان ارىلۋعا كومەكتەسەدى. بۇدان وزگە ادامداردىڭ نە ىستەپ جۇرگەنىن باقىلاپ كورىڭىز.
8. دۇرىس تاماقتانا ءبىلىڭىز . جەمىس-جيدەكتەردى كوپ تۇتىنڭىز،  قانت قۇرامى  كوپ تاعامدار جۇيكەگە اسەر ەتەتىن بولعاندىقتان، ولاردى كوپ جەمەۋگە تىرىسىڭىز.
9. جىلى ۆانناعا ءتۇسىڭىز. جىلى سۋ دا كۇيزەلىسكە توتەپ بەرۋگە كومەكتەسەدى. ۋاقىتىڭىز بولسا، ۇزاعىنان جاتىپ تىنىعىڭىز. ۆانناعا ارنالعان تۇزعا شومىلىپ، قالاساڭىز اۋديو كىتاپتار تىڭداڭىز.


بەرىپ كەت ورامالىڭدى

دوستار

الىستاعى اق ەركە