جاڭا حابارلار

ازەزگۇل الىمجان اۋىل - قىستاق ايەلىنەن ءۇنحات ارقىلى كىرىسىن ارتتىرىپ اۋقاتتانعان زامانا ايەلىنە اينالدى

    كەلۋ قاينارى: شينجياڭ حالىق راديو ىستانسياسى    2018-04-25 13:32:21  

ماناس راديو ستانسياسىنىڭ ءتىلشىسى ياڭ بيڭنىڭ حابارى:
ماناس اۋدانى ماناس قالاشىعى لۋنان قىستاعىنىڭ تۇرعىنى ازەزگۇل الىمجان تۋىس تاپقاننان بەرى كەم ءسوزدى اۋىل - قىستاق ايەلىنەن ءۇنحات ارقىلى كىرىسىن ارتتىرىپ اۋقاتتانعان زامانا ايەلىنە اينالدى.
4-ايدىڭ24-كۇنى 2 مىڭ 800 يۋاننىڭ زاتىن الدى، تاعى اقشا جولدايتىن ءتورت، بەسەۋى بار، كەشە زات جىبەرمەدىم، بۇگىن تۇستەن كەيىن نەمەسە ەرتەڭ زات جىبەرسەم دە بولادى. ءبىر ايدا 10 مىڭ يۋاننان ارتىق تابىس تابامىن».
 ازەزگۇل الىمجان سەرىكتەسىپ تۋىسقاندىق قاتىناس ورناتقان ماناس اۋداندىق قوعام حاۋىپسىزدىگى مەكەمەسىنەن ماناس قالاشىعى لۋنان قىستاعىندا تۇرعان ءبىرىنشى شۋجي، « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توىعستىرۋ» قىزمەت اترەتىنىڭ باستىعى لي شينحايمەن ءۇنحات ساۋداسى جايلى اڭگىمەلەسكەندە، جۇزىنەن شاتتىق لەبى ەستى. ەكى جىلدىڭ الىندا ول مۇنداي اشىق-جارقىن ەمەس ەدى. 2016- جىلدىڭ سوڭىندا، لي شينحايازەزگۇل الىمجان وتباسىنا ءبىرىنشى رەت بارعاندا ازەزگۇل الىمجان ەكى بالاسىن باعىپ ۇيىندە وتىراتىن كەم ءسوزدى ايەل ەدى. ول: ونى ءبىرىنشى رەت كورگەنىمدە نەگىزىنەن كىسگە ءتىل قاتپايتىن، ونان سۇراۋ سۇراساڭ ارەڭ جاۋاپ بەرەتىن،- دەدى.
لي شينحاي وعان كومەكتەسۋمەن بىرگە اقىل-كەڭەس بەرىپ، يدەيالىق قىزمەت ىستەيدى. اۋىر جۇكتەن سەيىلگەندەي بولعان ازەزگۇل الىمجان كاسىپ كوزىن اشۋ ويىنا كەلەدى. ول: تۋىسىم ازىق - تۇلىك جاعىندا كومەكتەسىپ كەلەدى، بۇعان ءوزىم دە قىسىلامىن، مەن كوبىرەك قۇلشىنىپ ءال-اۋقاتىمدى جاقسارتۋىم كەرەك،- دەدى.
ءبىر جولى، ويلاماعان جەردەن ءۇنحات ساۋداسىنا قىزىعىپ قالعان ازەزگۇل الىمجان ءوزىن سىناپ كورمەكشى بولادى. ول ەكى رەت ۇرىمجىگە بارىپ قۋاتتىق بۇيىمدار ءۇنحات ساۋداسى كۋرىسىنە قاتىناسادى، ءارى ەمتيحان بەرىپ اقاۋسىزدىق باسقارۋشى تولىمدىلىق كۋالىگىن الىپ، توراپتان قۋاتتىق بۇيىمدار ساتادى. لي شينحاي ءىس جۇزىندىك ارەكەتى ارقىلى ازەزگۇل الىمجاننىڭ كاسىپ كوزىن اشۋىن قولداپ كەلدى. ازەزگۇل الىمجان بىلاي دەدى: كاسىپ كوزىن اشۋعا كىرىسكەنىمدە ەرەكشە قاربالاس بولدىم، وتباسىمداعى كوپ جۇمىستارعا مۇرسام كەلمەدى، تۋىسىم ۇنەمى وتباسىما كەلىپ تۇردى، كەي كەزدەرى بالالارىما قاراسىپ، ولارعا تاماق جاساپ، ساباق پىسىقتاتىپ، مەنى الاڭسىز ەتتى.
بۇگىنگى كۇندە، ازەزگۇل الىمجاننىڭ ءۇنحات ساۋداسى جاقسارىپ قالماستان، ءبىر دۇكەن اشىپ الدى لي شينحاي: گۇلي اشقان دۇكەننىڭ ساۋداسى بارعان سايىن جاقسارۋدا، ءوز باسىم قاتتى قۋاندىم، ول كوپتەگەن ادامداردى كاسىپتەنۋگە باستايتىنىن ايتتى، مەن وعان اۋەلگىدەي كومەكتەسەمىن، ونى قولدايمىن، شابىتتاندىرامىن،- دەدى.


بەرىپ كەت ورامالىڭدى

دوستار

الىستاعى اق ەركە