جاڭا حابارلار

شي جينپيڭ شاڭحاي ىنتىماقتاستىق ۇيىمىنا مۇشە ەلدەردىڭ قاتىستى جاۋاپتىلارىمەن توپتىق كەزدەستى

    كەلۋ قاينارى: شينجياڭ گازەتى    2018-04-25 18:48:38  

شينحۋا اگەنتتىگىنىڭ 4 - ايدىڭ 23 - كۇنى بەيجيڭنەن بەرگەن حابارى مەملەكەت ءتوراعاسى شي جينپيڭ 4 - ايدىڭ 23 - كۇنى حالىق سارايىندا شاڭحاي ىنتىماقتاستىق ۇيىمىنا مۇشە ەلدەردىڭ سىرتقى ىستەر مينيسترلەر القالار كەڭەسى ماجىلىسىنە قاتىناسۋ ءۇشىن جۇڭگوعا كەلگەن رەسەيدىڭ سىرتقى ىستەر مينيسترى لاۆروۆپەن، ءۇندىستاننىڭ سىرتقى ىستەر مينيسترى سۋاراجبەن، قازاقستاننىڭ سىرتقى ىستەر مينيسترى ابدىراحمانوۆپەن، قىرعىزستاننىڭ سىرتقى ىستەر مينيسترى ابۇلدايەۆپەن، پاكيستاننىڭ سىرتقى ىستەر مينيسترى اشيۆپەن، تاجىكستاننىڭ سىرتقى ىستەر مينيسترى اسىلوۆپەن، وزبەكستاننىڭ سىرتقى ىستەر مينيسترى كاميروۆپەن، شاڭحاي ىنتىماقتاستىق ۇيىمىنىڭ باس حاتشىسى اليموۆپەن، شاڭحاي ىنتىماقتاستىق ۇيىمىنىڭ وڭىرلىك لاڭكەستىككە قارسى تۇرۋ قۇرىلىمى اتقارۋ كوميتەتىنىڭ ءتوراعاسى سىسۋيەۆپەن كەزدەستى   شي جينپيڭ مىنالاردى اتاپ كورسەتتى: شاڭحاي ىنتىماقتاستىق ۇيىمى قۇرىلعان 17 جىلعا تاياۋ ۋاقىتتان بەرى، وزگەشە دامۋ تاريحىن باستان كەشىرىپ، كەڭ كولەمدى ىقپال قۋاتقا يە جالپىلىق وڭىرلىك ۇيىمعا اينالدى. شاڭحاي ىنتىماقتاستىق ۇيىمىنا مۇشە ەلدەر سان سالالى ىستەردەگى سەلبەستىكتى جاپپاي ىلگەرىلەتىپ، حالىقارالىق جانە وڭىرلىك ىستەردە بەلسەندىلىكپەن سىندارلى رول اتقارىپ، ءوزارا قۇرمەت ەتەتىن، ءادىل دە ادىلەتتى، سەلبەسىپ، تەڭ يگىلىككە كەنەلەتىن جاڭاشا حالىقارالىق قاتىناستىڭ ۇلگىسىن ورناتتى. كەزەكتە شاڭحاي ىنتىماقتاستىق ۇيىمى ساياسي، ەكونوميكا، حاۋىپسىزدىك، گۋمانيتارلىق، سىرتقى قارىم - قاتىناس، مەحانيزم قۇرىلىسى سىندى 6 ۇلكەن سالاداعى سەلبەستىكتى ورنىقتى جەبەپ، تۇتاس تۇلعالىق سەلبەستىك دەڭگەيىن تىنباي جوعارىلاتتى.
  شي جينپيڭ مىنالاردى باسا دارىپتەدى: جۇڭگو شاڭحاي ىنتىماقتاستىق ۇيىمىنىڭ دامۋىن جەبەۋدى ديپلوماتيادا الدىمەن ەسكەرەتىن بەتالىستاردىڭ ءبىرى ەتۋدەن جازبايدى. جاڭا جاعدايدا ءبىز بىرىنشىدەن، اۋەلگى ماقساتتى ۇمىتپاي، «شاڭحاي رۋحىن» باتىل ساۋلەلەندىرۋىمىز؛ ەكىنشىدەن، باسىمدىقتى ساۋلەلەندىرىپ، مۇشەلەر سانىن كوبەيتۋدەگى كومەسكى كۇشتى اشۋىمىز، ۇشىنشىدەن، ءورىس اشا العا ىلگەرىلەپ، جاپپاي سەلبەستىكتى بەرىك بەكىممەن ىلگەرىلەتۋىمىز ءتيىس. جۇڭگو شاڭحاي ىنتىماقتاستىق ۇيىمىنا مۇشە ەلدەرمەن بىرگە ساياسي جاقتا اۋەلگىدەي ءوزارا قولداۋ كورسەتىپ، «شاڭحاي اقىل - پاراساتى» جانە «شاڭحاي ىنتىماقتاستىق جوباسى» ارقىلى ۇلەس قوسۋدى قالايدى؛ حاۋىپسىزدىكتە ءوڭىردىڭ حاۋىپسىزدىگى مەن ورنىقتىلىعىن قورعاپ، سايكەسۋ ورەسى مەن ارەكەت قابىلەتىن جوعارىلاتادى؛ ەكونوميكالىق جاقتا «ءبىر بەلدەۋ، ءبىر جول» ىنتىماقتاستىعىن تەرەڭدەتىپ، وڭىرلىك ەكونوميكالىق ىنتىماقتاستىقتىڭ تۇزىمدىك ورنالاستىرۋىن بىرتە - بىرتە ورناتادى؛ ادامدار ارا قارىم - قاتىناس پەن گۋمانيتارلىق اۋىس - كۇيىس ءورىسىن كەڭەيتىپ، جۇرت تىلەگىنىڭ توعىسۋىن جەبەيدى.
  شي جينپيڭ مىنالاردى اتاپ كورسەتتى: ءبىر ايدان استام ۋاقىتتان كەيىن، شاڭحاي ىنتىماقتاستىق ۇيىمىنا مۇشە ەلدەر باسشىلارى جۇڭگونىڭ چيڭداۋ قالاسىندا باس قوسادى، تاراپتاردىڭ بىردەي قۇلشىنۋىندا، شاڭحاي ىنتىماقتاستىق ۇيىمىنىڭ چيڭداۋداعى باس قوسۋىنىڭ، ءسوزسىز، ءساتتى بولاتىندىعىنا كامىل سەنەمىن  رەسەيدىڭ سىرتقى ىستەر مينيسترى لاۆروۆ، قىرعىزستاننىڭ سىرتقى ىستەر مينيسترى ابۇلدايەۆ، ءۇندىستاننىڭ سىرتقى ىستەر مينيسترى سۋاراج، پاكيستاننىڭ سىرتقى ىستەر مينيسترى اشيۆ شەتەل ۋاكىلدەر ۇيىرمەلەرى اتىنان ءسوز كەزەگىن الدى. ولار بىلاي دەدى: ءار ەلدىڭ باسشىلارى شاڭحاي ىنتىماقتاستىق ۇيىمىنىڭ چيڭداۋداعى باسشىلار كەڭەسىنە باسا نازار اۋدارىپ، وعان قاتىناسۋدى ءۇمىت ەتۋدە. جۇڭگو جاقتىڭ ءتوراعا ەل رەتىندە جاساعان قۇلشىنىستارىنا بەلسەندى باعا بەرەدى. مۇشە سانى ارتقان شاڭحاي ىنتىماقتاستىق ۇيىمى «شاڭحاي رۋحىنا» تاباندى بولادى، سونداي - اق جاعدايدىڭ دامۋىنا سايكەسىپ، حالىقارالىق جانە وڭىرلىك ماسەلەلەردەگى سايكەسۋ مەن ىنتىماقتاستىقتى اناعۇرلىم نىعايتادى. تاراپتار جۇڭگونىڭ شاڭحاي ىنتىماقتاستىق ۇيىمىنىڭ دامۋىن جەبەۋ، مۇشە ەلدەردىڭ سان سالالى ىستەردەگى ىنتىماقتاستىعىن كۇشەيتۋ جونىندە ورتاعا قويعان بەلسەندى دارىپتەمەلەرىن بەكەمدەيدى، جۇڭگومەن تىعىز سايكەسىپ، چيڭداۋ باسشىلار كەڭەسىندەگى ءار ءتۇرلى دايىندىق قىزمەتتەردى بىرگە ويداعىداي ىستەپ، باسشىلار كەڭەسىنىڭ تولىق تابىستى بولۋىنا كەپىلدىك ەتەدى.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر كەڭسەسىنىڭ مەڭگەرۋشىسى ياڭ جيەچى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي كەزدەسۋدە بىرگە بولدى
  شينحۋا اگەنتتىگىنىڭ 4 - ايدىڭ 23 - كۇنى بەيجيڭنەن بەرگەن حابارى (ءتىلشى مەي شىشيۇڭ). مەملەكەت ءتوراعاسى شي جينپيڭ 4 - ايدىڭ 23 - كۇنى حالىق سارايىندا شاڭحاي ىنتىماقتاستىق ۇيىمىنا مۇشە ەلدەردىڭ قورعانىس مينيسترلەرىمەن توپتىق كەزدەستى. رەسەيدىڭ قورعانىس مينيسترى شويگۋ، قازاقستاننىڭ قورعانىس مينيسترى جاسۇزاقوۆ، قىرعىزستان رەسپۋبليكاسى قارۋلى كۇشتەرىنىڭ باس قولباسشىسى دۇيسەنبايەۆ، پاكيستاننىڭ قورعانىس مينيسترى داستجەر حان، تاجىكستاننىڭ قورعانىس مينيسترى ميرزو، وزبەكستاننىڭ قورعانىس مينيسترى ازەزوۆ، شاڭحاي ىنتىماقتاستىق ۇيىمىنىڭ ورىنباسار باس حاتشىسى سابيتوۆيچ، شاڭحاي ىنتىماقتاستىق ۇيىمىنىڭ وڭىرلىك لاڭكەستىككە قارسى تۇرۋ قۇرىلىمى اتقارۋ كوميتەتىنىڭ ورىنباسار مەڭگەرۋشىسى ءجۇسىپوۆ، ءۇندىستاننىڭ جۇڭگوداعى باس ەلشىسى بامباۋال، سونداي - اق ەرەكشە ۇسىنىس ەتىلگەن سيلى قوناق رەتىندە وسى رەتكى كەڭەسكە قاتىناساتىن بەلورۋسسيانىڭ قورعانىس مينيسترى لاۆكوۆ كەزدەسۋگە قاتىناستى.
  شي جينپيڭ بىلاي دەدى: شاڭحاي ىنتىماقتاستىق ۇيىمىنىڭ مۇشەلەرى كوبەيتىلگەننەن كەيىنگى تۇڭعىش رەتكى قورعانىس مينيسترلەرىنىڭ كەڭەسى ەرتەڭ اشىلادى، تاراپتاردىڭ بەلسەندىلىكپەن قولداۋىندا، سايكەسۋىندە وسى رەتكى قورعانىس مينيسترلەرى كەڭەسىنىڭ شاڭحاي ىنتىماقتاستىق ۇيىمىنىڭ دامۋىنا جاڭا ءمان، تىڭ ومىرشەڭدىك كۇش باعىشتايتىنىنا سەنەمىن.
  شي جينپيڭ بىلاي دەدى: شاڭحاي ىنتىماقتاستىق ۇيىمىنا مۇشە ەلدەردىڭ قورعانىس تاراۋلارى مەن ارمياسى باسشىلاردىڭ ورتاق تانىمىن مۇقيات دايەكتىلەندىردى، قورعانىس تاراۋلارى مەن ارميا باسشىلارىنىڭ كەڭەس مەحانيزمىن ۇزدىكسىز كەمەلدەندىردى، ءتۇرلى سالالارداعى ءوزارا ءتيىمدى ىنتىماقتاستىقتى بەلسەنە ورىستەتتى، اسىرەسە، «بەيبىتشىلىك بورىشى» جەلىلەس اسكەري مانەۆرى، «بەيبىتشىلىك دابىلى» اسكەري وركەستر فەستيۆالى سياقتى اسكەري مادەنيەت ماركالارىن دايىنداپ، وڭىرلىك حاۋىپسىزدىكتى، ورنىقتىلىقتى قورعاۋ ءۇشىن بەلسەندى ۇلەس قوستى.
  شي جينپيڭ مىنانى باسا دارىپتەدى: حاۋىپسىزدىك − دامۋدىڭ ىرگە تاسى. ءبىز وڭىرلىك حاۋىپسىزدىكتى، ورنىقتىلىقتى قورعاۋدى بۇرىنعىداي ۇيىمىمىز قىزمەتىنىڭ ماڭداي الدى بەتالىسى ەتەمىز. جۇڭگو شاڭحاي ىنتىماقتاستىق ۇيىمى جۇلگەسىندە قورعانىس حاۋىپسىزدىگى ىنتىماقتاستىعىن ورىستەتۋگە ايرىقشا ءمان بەرەدى، تاراپتارمەن بىرگە ۇيىمنىڭ ەرەجەسىنە جانە ءار ەل باسشىلارىنىڭ ورتاق تانىمىنا بويسۇنىپ، ءوزارا سەنۋ، ءوزارا تيىمدىلىك جەتكىزۋ، تەپە - تەڭ تۇرعىدا اقىلداسۋ نەگىزىندە، قورعانىس حاۋىپسىزدىگى ىنتىماقتاستىعىن دامىتۋدىڭ جوباسىن بىرگە جاساپ، قورعانىس حاۋىپسىزدىگى سالاسىنداعى ناقتى ىستەرمەن شۇعىلداناتىن ىنتىماقتاستىقتى تەرەڭدەتۋگە، ىنتىماقتاستىق ۇلگىسىن ۇزدىكسىز جاڭالاپ، ءتىپتى دە كەمەلدى حاۋىپسىزدىك ىنتىماقتاستىق جۇيەسىن ورناتۋعا، وسى ۇيىمنىڭ رەال حاۋىپكە توتەپ بەرۋ قابىلەتىن شىنايى كۇشەيتۋگە، وسى ءوڭىردىڭ باياندى تىنىشتىعى مەن گۇلدەنىپ - كوركەيۋىنە كەپىلدىك ەتۋ ءۇشىن تيەسەلى ۇلەس قوسۋعا پەيىل. 
  شي جينپيڭ بىلاي دەدى: جۇڭگو بەيبىت دامۋ جولىمەن جۇرۋگە تاباندى بولىپ، قاشاندا دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋعا ۇلەس قوسۋشى، حالىقارالىق ءتارتىپتىڭ قورعاۋشىسى بولىپ، دۇنيە جۇزىندەگى ەلدەرمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە پەيىل.  رەسەيدىڭ قورعانىس مينيسترى شويگۋ شاڭحاي ىنتىماقتاستىق ۇيىمىنا مۇشە ەلدەر قورعانىس مينيسترلەرى اتىنان بىلاي دەدى: جۇڭگونىڭ دامۋ جانە قورعانىس قۇرىلىسىندا قول جەتكىزگەن تابىستارىنا ەرەكشە سۇيىنەمىز، ءتوراعا شي جينپيڭ مەن ءار ەل باسشىلارىنىڭ ورتاق كوڭىل بولۋىندە، جەتەكشىلىگىندە، وسى ۇيىمنىڭ قورعانىس ىنتىماقتاستىعىنىڭ، ءسوزسىز، قورعانىس مينيسترلەرىنىڭ وسى رەتكى كەڭەسىن وراي ەتىپ جاڭا ورەگە كوتەرىلەتىنىنە، ءار ەلدىڭ ستراتەگيالىق مۇددەسىن، سونداي - اق وڭىرلىك جانە الەمدىك بەيبىتشىلىكتى، ورنىقتىلىقتى قورعاۋ ءۇشىن ماڭىزدى رول اتقاراتىنىنا كامىل سەنەمىز.
  مەملەكەتتىك كەڭەستىڭ مۇشەسى، قوسىمشا قورعانىس مينيسترى ۋي فىڭحى كەزدەسۋدە بىرگە بولدى


بەرىپ كەت ورامالىڭدى

دوستار

الىستاعى اق ەركە