جاڭا حابارلار

تاۋ شۋاڭ پاراحات اركىنگە راحمەت ايتتى

    كەلۋ قاينارى: شينجياڭ حالىق راديو ىستانسياسى    2018-04-28 00:14:29  

بۇراتالا قالالىق راديو-تەلەۆيزيا مەكەمەسى تىلشىلەرىنىڭ حابارى:جاقىندا، بۇراتالا قالاسى بىلىنحارمودون اۋىلى مانيشياڭ قىستاعىنىڭ ديحانى تاۋ شۋاڭنىڭ اكەسى سالماقتى ناۋقاسقا شالدىعىپ، اۋرۋحاناعا جاتىپ قالادى، وتباسىنداعىلاردىڭ قىرۋار ەمدەۋ قاراجاتىن تولەۋگە دارمەنى بولماي قىسىلعان ساتتە، وسى وتباسىن كوتەرمەگە العان كادر پاراحات اركىن ىرىقتىلىقپەن قول ۇشىن بەرىپ، مەيىر باعىشتاۋ قيمىلىن ۇيىمداستىرادى. بۇراتالا قالالىق
بىرنەشە كۇننىڭ الدىندا، تاۋ شۋاڭنىڭ اكەسى شۇعىل قارەكتىرلى ۇيقى بەزى قابۋ اۋرۋىنىڭ قايتالاۋى سەبەبىنەن بۇراتالا وبلىستىق حالىق شيپاحاناسىنىڭ سالماقتى اۋىرۋلاردى باقىلاۋ، قاراۋ بولمەسىنە ەنگىزىلەدى. وسى وتباسىن كوتەرمەگە العان كادر ـــ بۇراتالا قالاسى بىلىنحارمودون اۋىلى ەگىن جانە مال شارۋاشىلىعىن دامىتۋعا قىزمەتوتەۋ ورتالىعىنىڭ مەڭگەرۋشىسى پاراحات اركىن بۇل جاعدايدان حابار تاپقاننان كەيىن، ەڭ الدىمەن ءوزى باستاماشى بولىپ 2 مىڭ يۋان جىلۋ اتادى، ىلە-شالا تاعى اۋىلعا بارىپ، كارياعا كومەكتەسىپ، 2 مىڭ يۋاندىق ۋاقىتتىق قۇتقارۋ سوماسىنا ءوتىنىش بەردى، بۇعان تاۋ شۋاڭ ەرەكشە اسەرلەندى. ول: «اكەمنىڭ ءار كۇنگى ەمدەلۋ اقىسى 7 مىڭ يۋان اينالاسىندا، وسى ەمدەۋ اقسىن تولەۋگە شارت-جاعدايىمىز جار بەرمەدى،پاراحات اعاي وسى جاعدايدى بىلگەننەن كەيىن، وتباسىمىزعا كومەكتەسىپ كوپتەگەن قيىنشىلىعىمىزدى شەشتى، ول كىسىگە العىسىم شەكسىز»،-دەدى.
دەگەنىمەن، كاريا ومىرىنەن تونگەن حاۋىپتەن دەرەۋ قۇتىلا قويمادى، پاراحات اركىن تاعى ماڭىنداعى كاسىپتەستەرىن بەلسەنە اتتانىسقا كەلتىرىپ، توراپتا قارجى جينادى.
قىسقا عانا بىرنەشە كۇندە، جاناشىر جانداردىڭ كومەگىندە، 20 مىڭ يۋاننان ارتىق جىلۋ جينالىپ، تاۋ شۋاڭنىڭ قولىنا ءتيدى. ول بىلاي دەدى: «قازىرگە دەيىن، پاراحات اعاي مەن قوعامنىڭ ءار سالاسىنداعىلاردان جيىنى 27 مىڭ 816 يۋان جىلۋ جينالدى، جينالعان وسى قارجى وتباسىمىزدىڭ جۇگىن جەڭىلدەتىپ، جىلى مەيىردى سەزىندىردى، ەرەكشە العىس ايتامىن.» پاراحات اركىن: «پارتيالى كادر تۇرعىسىنان العاندا، بۇقارانىڭ قينشىلىعى ءبىزدىڭ قينشىلىعىمىز، سوندىقتان ولارعا قول ۇشىن بەرۋىمىز قاجەت»،-دەدى.


بەرىپ كەت ورامالىڭدى

دوستار

الىستاعى اق ەركە