جاڭا حابارلار

قاشقار قالاسىنىڭ حاڭدي اۋىلى حالىقتى اۋقاتتاندىرۋ بەيقۇت ءۇي ينجەنەرياسى قۇرىلىسى ارقىلى حاڭدي اۋىلىنىڭ بەت-بەينەسىن وزگەرتتى

    كەلۋ قاينارى: شينجياڭ حالىق راديو ىستانسياسى    2018-04-28 17:52:25  

ستانسيامىزدىڭ تىلشىلەرى ايبىنعازى راحىمان ۇلى مەن سۇن ۋيدىڭ حابارى  قاشقار قالاسىنىڭ حاڭدي اۋىلى حالىقتى اۋقاتتاندىرۋ بەيقۇت ءۇي ينجەنەرياسى قۇرىلىسى ارقىلى ءتۇرلى كاسىپتەردى جانە باسقا سالادا كاسىپتەندىرۋدى دامىتىپ، ديقاندار وتباسىنىڭ، وتە-موتە، كەدەي وتباسىلارىنىڭ تۇرمىس جاعدايىن ۇزبەي جاقسارتىپ، كەشەگى قۇلازىپ جاتقان حاڭدي اۋىلىنىڭ بەت-بەينەسىن وزگەرتتى 
 4- ايدىڭ 23- كۇنى قاشقار قالاسى حاڭدي اۋىلىنىڭ ءار اپتادا ءبىر رەتكى ورتا تازالىعىن ىستەۋ جانە اۋلانى رەتتەۋ، وڭاۋ كۇنى، وسى كۇنى تاڭەرتەڭ، حاڭدي اۋىلى سوگوتاۋ قسىتاعىنىڭ تۇرعىنى روشانگۇل تاشبول ورنىنان تۇرىسىمەن ءۇيىن سىپىرىپ، اۋلاسىن تازالادى. بىلتىر جىل سوڭىندا، روشانگۇل تاشبول 87 شارشى مەترلىك ەكى قاباتتىق بەيقۇت ۇيگە كوشىپ كىرگەن بولاتىن، ونىمەن بىرگە تاعى قىستاقتاعى 319 قىستاق تۇرعىنى دا جاڭا ۇيگە كوشىپ كىرىپ، حاڭدي اۋىلىنىڭ جاڭاشا اۋىل - قىستاق قۇرىلىسىنىڭ ارقاسىندا تۇرعىندار بۇرىنعى تام ۇيگە قوش ايتتى. راۋشانگۇل تاشبول بىلاي دەدى: بۇرىن كەشتەردە ۇنەمى توڭىپ وياناتىنبىز، قازىر ءۇيىمىز ەدەننەن جىليدى، بالالارىمىز جالاڭ اياق جۇرە بەرەدى. ۇكىمەت بىزگە 68 مىڭ يۋان كومەك قاراجات بەردى، تاعى 15 مىڭ يۋانعا كەدەيلەردى سۇيەمەلدەۋ قويىن ساتىپ الىپ بەردى، قازىر، 18 قوي باعىمشىلىق كوپەراتيۆىندە، جىل سوڭىندا پايداسىن كورەمىز. 
 حاڭدي اۋىلى ايتسا ايتقانداي قۋاڭ جەر بولاتىن، ال بۇگىن باسقاشا بەينەگە ەنىپ، تەپ - تەگىس اۋىل-قسىتاق جولدارىن بويلاپ جۇرسەڭىز، رەتتى دە ءبىرىڭعاي، وزگەشە ورنالاسقان سارى رەڭدى 2 قاباتتى عيماراتتار كوزگە شالىنادى. ءار وتباسىنا توك، سۋ، گاز جانە توراپ تولىق جەتكىزىلگەن.
 حالىقتى اۋقاتتاندىرۋ بەيقۇت ءۇي قۇرىلىسىنىڭ ارقاسىندا قىستاق تۇرعىندارى تام ۇيگە قوش ايتىپ،  كەدەيلىكتەن ارىلا باستادى. قاشقار قالاسى حاڭدي اۋىلىندا كىسى باسىنا تۋرا كەلەتىن جەر ءبىر مۋعا جەتپەيدى، اۋىل شارۋاشىلىعى ەگىنشىلىك جاعىنداعى تيىمدىلىكتى قالاي ساۋلەلەندىرۋ حاڭدي اۋىلىنداعى كەدەي وتباسىلارىنىڭ كەدەيلىكتەن قۇتىلۋىنداعى باستى تۇيىنگە اينالدى. وسىعان وراي، حاڭدي اۋىلى 23 ديقاندار كوپەراتيۆىن ۇيىمداستىرىپ قۇردى، قاشقار قالالىق كايروس ەگىنشىلىك كاسىبى كوپەراتيۆى سولاردىڭ ءبىرى. كوپەراتيۆ 800 مۋ جەرگە روزا گۇلىن ەكتى. كوپەراتيۆتىڭ جاۋاپتىسى ۇسەنجان توحتى تىلشىگە بىلاي دەدى: قىستاق تۇرعىندارى جەرگە جارنا قوسۋ ءتاسىلى ارقىلى پايدا تاۋىپ قالماستان، كوپەراتيۆتە جۇمىس ىستەيدى. كەلەر جىلى شاعىن روزا گۇلى سۋسىن زاۆوتىن قۇرىپ، بازار كولەمىن كەڭەيتىپ، قىستاق تۇرعىندارىن سول اراعا جۇمىسقا ورنالاستىرىپ ولاردىڭ كىرىسىن ارتتىرۋدى جوسپارلادىق.
 قاشقار قالاسى حاڭدي اۋىلدىق پارتكومنىڭ ورىنباسار شۋجيى، اۋىل باستىعى اكىميات قوشانباي بىلاي دەدى: پارتيا 19- قۇرىلتايىنىڭ بايانداماسىندا اۋىل-قىستاقتاردى كوركەيتۋ ستراتەگياسى ايقىن العا قويىلۋمەن بىرگە، كاسىپتى كوركەيتۋ، ەكولوگياسى قونىستانۋعا جايلى بولۋ، اۋىل سالتى وركەنيەتتى بولۋ، وڭاۋ ءتاسىلى ءونىمدى بولۋ، تۇرمىسى باردام بولۋ باعىتى  العا قويىلدى، بيىل 25 كەدەي وتباسىن ءبىر جەرگە شوعىرلاندىرىپ، وتباسى ساياحاتى كاسىبىن دامىتامىز،  3 مىڭ 15 ادام سىرتتا ەڭبەك ىستەيدى، بيىل ءتۇرلى جولدار ارقىلى تاعى 300 دە 400 ادامدى سىرتقا جۇمىس ىستەۋگە جىبەرەمىز. بۇقارانىڭ تۇرمىسىنا، اۋىلدىڭ بەت-بەينەسىنە زور وزگەرىس اكەلۋگە كۇش سالامىز.


بەرىپ كەت ورامالىڭدى

دوستار

الىستاعى اق ەركە