جاڭا حابارلار

«باقتاشىلار كلاسىنا» كوكتەم كەلدى

    كەلۋ قاينارى: شينجياڭ گازەتى    2018-04-29 13:29:34  

شينحۋا اگەنتتىگىنىڭ تىلشىلەرى شۇن شاۋشيۇڭ، ساۋ جىحىڭ

 نانچاڭدا 4 - ايدا كوكتەم جاڭبىرى توقتاۋسىز سەبەزگىلەدى. مامەت ءيۇسىپ سوناۋ شينجياڭداعى اتا - اناسىنا تەلەفون شالىپ، ساتىمەن كەلگەن قۋانىشتى جەتكىزدى، ياعني ءبىر جىلدىق پراكتيكا بارىسىندا وسى قالاعا دا بىرتىندەپ ۇيرەنىپ، ابدەن قانىققانىن، بۇكىل وتباسىنىڭ كەدەيلىكتەن قۇتىلۋىنا جەتەتىن قاراجات تا تاپقانىن ءارى مۇنىڭ ءوزىنىڭ «باقتاشىلار كلاسىنان» وقۋ تاۋىسقان سوڭ، وسى جەردىڭ وزىندە تاعى قالىپ جۇمىس ىستەۋگە دەمەۋ بولعاندىعىن ايتتى.
  بيىل 18 جاستاعى مامەت − شينجياڭ لوپ اۋدانى كاسىپتىك تەحنيكالىق مەكتەبىنىڭ وقۋشىسى. ونىڭ ۇيىندەگىلەر مەن دوستارى ازىلدەپ وسى مەكتەپتى «باقتاشىلار كلاسى» دەپ اتايدى. «بۇل جەردە وقىعانمەن ەشتەڭە ونبەيدى، وقۋ تاۋىسقان سوڭ ۇيگە قايتىپ قوي باعاسىڭ». مامەت اۋىلداستارىنىڭ ءۇيدىڭ ىرگەسىندەگى كاسىپتىك تاربيەنىڭ بولاشاعىن كورە الماعانىن ايتتى.
  تالاي جىلدىڭ الدىندا بىرنەشە ساباقحانا مەن جاتاعى عانا بار «باقتاشىلار كلاسىنىڭ» وقىتۋ قۇرىلعىلارى كونە، كاسىپتىك وقىتۋشىلارى تاپشى بولاتىن. سۇن يۇيحۇي مۇعالىم: اتا - انالاردىڭ كوڭىلى قايتتى، مەكتەپتە وقىپ جاتقان ەشكىمدى كورمەيسىڭ، وقۋشىلار كەلىپ جاتادى، كەتىپ جاتادى، مۇعالىمدار وقۋشىلارعا امالسىزدان قارايدى، - دەيدى ەسكە الىپ.
  لوپ اۋدانى ەلىمىزدەگى شوعىرلى ءبىر تۇتاس اۋىر كەدەي ءوڭىر − شينجياڭنىڭ حوتان ايماعىندا، ەكونوميكاسى دامىماعان، ەڭبەككۇشتەردىڭ تەحنيكالىق شەبەرلىگىنىڭ كەمشىلدىگى جەرگىلىكتى ورىننىڭ كەدەيلىكتەن قۇتىلۋىن قيىنعا سوقتىرىپ وتىرعان ەڭ ۇلكەن كەدەرگى ەدى.
  كەدەيلىكتەن قۇتىلدىرۋدان قامال الۋدىڭ ىشكەرىلەي ورىستەتىلۋىنە بايلانىستى، ەلىمىز از ۇلتتى ەرەكشە كەدەي وڭىرلەر مەن ەرەكشە كەدەي قاۋىمعا بايلانىستى جان - جاقتى كەدەيلەردى سۇيەمەلدەۋ ينجەنەرياسىن جەدەل اتقاردى. قازىرگى جاعدايعا سايكەس، لوپ اۋدانى كاسىپتىك تەحنيكالىق وقۋ - اعارتۋدى كۇش سالا دامىتىپ، از ۇلت جاستارىن كاسىپتەنۋ شەبەرلىگىنە باۋلي باستادى.
  2014 - جىلى بەيجيڭنىڭ شينجياڭعا كومەكتەسۋ قولباسشىلىق شتابى كومەكتەسىپ جاڭا مەكتەپ رايونىن سالىپ بەرگەن سوڭ، لوپ اۋدانى شينجياڭ اۋىل شارۋاشىلىعى كاسىپتىك تەحنيكالىق ينستيتۋتىنا «باقتاشىلار كلاسىن» باسقارۋدى مىندەتتەپ، قۇرىلىمدى ورنالاستىرۋ، وقىتۋشىلار قوسىنى، ماماندىق قۇرىلىسى، سەلبەسىپ مەكتەپ باسقارۋ، شەبەرلىككە باۋلۋ، پراكتيكادان ءوتۋ، جۇمىستانۋ سياقتى جاقتاردا باعىتتامالى كومەكتەسۋ قىزمەتىن جاپپاي ورىستەتتى.
  3 جىلدىڭ الدىندا مامەت مەكتەپكە ءتۇسىپ بۇعالتىرلىق ماماندىقتى وقىدى، «باقتاشىلار كلاسىنداعى» وقۋشىلاردىڭ باسىم كوبى كاسىپتىك شەبەرلىكتى ۇيرەنۋدەن تىس، اناعۇرلىم كوپ ۋاقىت پەن زەيىن - زەردەنى مەملەكەتتە ورتاق قولدانىلاتىن ءتىل - جازۋدى ۇيرەنۋگە جۇمسادى. «مەملەكەتتە ورتاق قولدانىلاتىن ءتىل - جازۋدى يگەرۋ ارقىلى از ۇلت وقۋشىلارىنىڭ ۇيرەنۋ، جۇمىستانۋ كەڭىستىگى ءتىپتى كەڭەيە ءتۇستى». مۇقاداس ابدىرەيىم مۇعالىم بىرنەشە جىل قۇلشىنۋدىڭ ناتيجەسىندە، مەكتەپتەگى وقۋشىلاردىڭ كاسىپتىك شەبەرلىك پەن مەملەكەتتە ورتاق قولدانىلاتىن ءتىل دەڭگەيىنىڭ كورنەكتى ءوسىپ، سىرتقا شىعىپ جۇمىستانۋىنا نەگىز قالاعاندىعىن ايتتى.
  شينجياڭ بىلتىر كاسىپتىك وقۋ - اعارتۋ جانە تاربيەلەۋ جۇيەسىن اناعۇرلىم جاقسارتىپ، ءوندىرىس پەن وقىتۋدىڭ توعىسۋىن، مەكتەپ پەن كاسىپورىنداردىڭ ىنتىماقتاستىعىن تەرەڭدەتتى، لوپ اۋدانىنىڭ كاسىپتىك تەحنيكالىق مەكتەبى ىلگەرىندى - كەيىندى ەلىمىزدەگى نەشە جۇزدەگەن كاسىپورىنمەن وقۋشىلاردى پراكتيكا كورسەتۋ، جۇمىستاندىرۋ كەلىسىمىنە قول قويدى.
  مامەت يگىلىككە كەنەلۋشىلەردىڭ ءبىرى، بىلتىر مەكتەپتەگى وقىتۋشىلاردىڭ جەتەكشىلىگىندە ول مەكتەپ تاۋىسقان 180 نەشە وقۋشىمەن بىرگە نانچاڭداعى قولفون زاۆودىنا بارىپ پراكتيكا ىستەدى، «قوي ءورىس قۋالاي جايىلادى، ءبىز مەكەنىمىزدەن الىستاپ ارمان قۋىپ ءجۇرمىز».
  مامەت بىلاي دەدى: مەنىڭ قازىرگى ايلىق ەڭبەكاقىم بۇرىندارى جالپى وتباسىمىزداعىلار تاباتىن اقشادان دا كوپ، مەن مەكتەپتە ۇيرەنگەن ونەرىم ارقىلى وتباسىمىزدىڭ كەدەيلىكتەن قۇتىلۋىنا كومەكتەسە العاندىعىما ەرەكشە قۋانىشتامىن.
  ءتىلشى سۇحبات الىپ جۇرگەن كەزدە بەيجيڭ، چۇڭچيڭ، ءۇرىمجى سياقتى جەرلەردەن كەلگەن كاسىپتىك تەحنيكالىق مەكتەپتەردىڭ باسشىلارى جانە كاسىپورىنشىلار لوپ اۋدانىمەن مەكتەپتىڭ اجارلاندىرۋ، شاش ساندەۋ، حالىق ىستەرى قىزمەت كورسەتۋى سياقتى ءوتىمدى ماماندىقتاردى اشۋىنا كومەكتەسىپ، كاسىپورىنعا شۇعىل قاجەتتى كاسىپتىك مامانداردى «تاپسىرىستى» تاربيەلەۋ ءىسىن كەڭەسىپ جاتقان - دى.
  لوپ اۋدانىنىڭ ورىنباسار اكىمى چى يۇڭ بىلاي دەدى: بۇل مەكتەپتىڭ 100گە جەتپەيتىن وقۋشىسى بىرنەشە جىلدا 2000 نەشەگە، وقىتۋشى - قىزمەتكەرلەرى 123 ادامعا جەتتى، 150دەن استام كاسىپورىنمەن سەلبەستىك جاسادى، بيىل 3 - جىلدىقتاعى 754 وقۋشى %100الدىن الا جۇمىستانۋدى جۇزەگە اسىرىپ، ەڭ جوعارى ايلىق نەگىزگى ەڭبەكاقىسى 4900 يۋانعا جەتتى، وسىنىڭ ارقاسىندا كەدەي وتباسىلارىنىڭ پەرزەنتتەرى جوعارى ساپالى كاسىپتىك وقۋ - اعارتۋ ارقىلى جۇمىستانۋدى جۇزەگە اسىرىپ، وتباسىنىڭ كەدەيلىكتەن قۇتىلۋىنا دەم بەردى.
  «الداعى جەردە اۋدان مەكتەپكە ۇزدىكسىز سايكەسىپ، كاسىپتىك وقۋ - اعارتۋدى قىستاقتارعا، وتباسىلارىنا دەيىن ۇگىتتەپ، وقۋشى قابىلداۋ قاينارىن كەڭەيتەدى؛ ىشكى ولكەلەردەن قىزمەتكەر قابىلداپ، كاسىپتىك وقىتۋشىلار كۇشىن تولىقتايدى؛ وڭىرلىك ەكونوميكالىق دامۋعا سايكەسىپ، ءتىپتى دە كوپ قاتىستى ماماندىقتاردى اشادى»، - دەدى چى يۇڭ.
  (شينحۋا اگەنتتىگىنىڭ 4 - ايدىڭ 25 - كۇنى ۇرىمجىدەن بەرگەن حابارى)


بەرىپ كەت ورامالىڭدى

دوستار

الىستاعى اق ەركە