جاڭا حابارلار

شي جينپيڭ ءۇندىستاننىڭ زۇڭليى موديمەن كەزدەستى

    كەلۋ قاينارى: شينجياڭ حالىق راديو ىستانسياسى    2018-04-29 13:47:26  
  شينحۋا اگەنتتىگىنىڭ 4 - ايدىڭ 27 - كۇنى ۋحاننان بەرگەن حابارى (تىلشىلەر لي جۇڭفا، سۇن ي). مەملەكەت ءتوراعاسى شي جينپيڭ 4 - ايدىڭ 27 - كۇنى ۋحاندا جۇڭگوعا بەيرەسمي كەزدەسۋگە كەلگەن ءۇندىستاننىڭ زۇڭليى موديمەن كەزدەستى ءارى حۋبەي ولكەلىك مۇراجايدىڭ تاڭداۋلى مادەني بۇيىمدار كورمەسىن بىرگە تاماشالادى.
  شي جينپيڭ موديدىڭ ۋحانعا ساپارلاي كەلگەندىگىن قارسى الدى. شي جينپيڭ مىنالاردى اتاپ كورسەتتى: وتكەن 3 جىلدا زۇڭلي مىرزا ەكەۋىمىز ءوزارا ساپارلاۋدى جۇزەگە اسىردىق ءارى كوپ جاقتى ورىنداردا كوپ رەت كەزدەسىپ، تاماشا قىزمەت قاتىناسىن ورناتىپ، كوپتەگەن ماڭىزدى ورتاق تانىمدارعا كەلىپ، سىرتقا قاراتا جۇڭگو مەن ءۇندىستان دوستىعىنىڭ بەلسەندى سيگنالىن تاراتىپ، جۇڭگو - ءۇندىستان سىندى جاڭادان گۇلدەنگەن ەكى ۇلكەن ەكونوميكالىق تۇلعانىڭ ءوزارا تيىمدىلىك جەتكىزىپ ىنتىماقتاسۋداعى، بىرگە دامۋداعى كۇشتى تىلەگىن ايگىلەدىك. ءبىز ەكى ۇلى ەل ۇلى ىنتىماقتاستىقتار ورىستەتسەك، دۇنيە جۇزىنە ىقپال ەتە الامىز. زۇڭلي مىرزامەن وسىنداعى كەزدەسۋىمنىڭ جۇڭگو مەن ءۇندىستان قاتىناسىنىڭ جاڭا تاراۋلارىن باستاۋىن ءۇمىت ەتەمىن.
  شي جينپيڭ مىنالاردى باسا دارىپتەدى: ءبىز جۇڭگو مەن ءۇندىستان قاتىناسىنىڭ جالپى جاعدايىن ستراتەگيالىق جاقتان يگەرىپ، ەكى ەل قاتىناسىنىڭ باستان - اياق دۇرىس باعىتتى بويلاپ ىلگەرىلەۋىنە كەپىلدىك ەتۋىمىز كەرەك. ءبىزدىڭ ەكى ەلدىڭ دوستىق قاتىناسىن ۇزدىكسىز كۇشەيتىپ، چاڭجياڭ وزەنى مەن گونگو وزەنى سياقتى تىنباي سارقىراپ ماڭگى العا ىلگەرىلەيتىن ەتۋىمىز كەرەك. جۇڭگو جاق ءۇندىستان جاقپەن بىرگە دامۋدىڭ اناعۇرلىم تىعىز سەرىكتەستىك قاتىناسىن ورناتىپ، ەكى ەلدىڭ ءار سالاسىنىڭ اۋىس - كۇيىسىنىڭ، ىنتىماقتاستىعىنىڭ جان - جاقتى العا باسۋىن جەبەۋدى قالايدى.
  مودي بىلاي دەدى: ءتوراعا شي جينپيڭنىڭ ۋحاندا بەيرەسمي كەزدەسۋگە شاقىرعانىنا العىس ايتامىن، وسى رەتكى كەزدەسۋ تاريحي مانگە يە. ءۇندىستان مەن جۇڭگونىڭ جوعارى ساتىداعىلاردىڭ ءجيى اۋىس - كۇيىسى مەن ستراتەگيالىق كەڭەسۋىن ساقتاۋى ءوزارا ءتۇسىنىسۋدى ارتتىرۋعا، ىنتىماقتاستىقتى تەرەڭدەتۋگە پايدالى، ءبىزدىڭ ەكى ەلدىڭ جانە جەرگىلىكتى وڭىرلەردىڭ دامۋداعى، گۇلدەنۋدەگى ورتاق مۇددەسىنە ۇيلەسەدى. ءۇندىستان جاق جۇڭگو جاقپەن وسى ءۇشىن بىرگە قۇلشىنۋدى قالايدى.
  تاڭداۋلى مادەني مۇرالار كورمەسىن ارالاعاندا، شي جينپيڭ مىنالاردى اتاپ كورسەتتى: جيڭچۋ مادەنيەتى ۇزاق تاريحقا يە جۇڭحۋا وركەنيەتىنىڭ ماڭىزدى قۇرامداس ءبولىمى، جۇڭحۋا وركەنيەتىنىڭ دامۋىندا ماڭىزدى ورىنعا يە. جۇڭگو مەن ءۇندىستان شۇعىلالى تاريحي مادەنيەتكە يە ەلدەر، ەكى ەلدىڭ مادەنيەتىندە كوپتەگەن ۇقساستىقتار بار، جۇڭگو مەن ءۇندىستان ءتىپتى دە كەڭ سالاداعى، ءتىپتى دە تەرەڭ اۋىس - كۇيىس ورىستەتىپ، شىعىس وركەنيەتىن قايتا گۇلدەندىرۋگە بىرگە قۇلشىنىپ، وركەنيەتتىڭ كوپ تۇرلىلىگىنە قۇرمەت ەتۋدى بىرگە دارىپتەپ، تۇرلىشە وركەنيەتتەردىڭ جاراسىمدى بىرگە تۇرۋىن جەبەۋى كەرەك.
  مودي بىلاي دەدى: ءۇندىستان مەن جۇڭگو وركەنيەتتى بايىرعى ەلدەر، ءۇندىستان مەن جۇڭگو وركەنيەتىنىڭ تاريحي دامۋى ەرەكشە ۇقسايدى، ەكى ەلدىڭ مادەنيەتتەگى اۋىس - كۇيىسى ارىدان باستاۋ الادى. ءبىز ءوزارا تۇسىنىستىكتى ارتتىرىپ، ەكى ەلدىڭ پاراساتىن ساۋلەلەندىرىپ، دۇنيە جۇزىلىك ماسەلەلەر مەن سىن - سايىستارعا بىرگە توتەپ بەرۋىمىز كەرەك.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى ياڭ جيەچى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي قاتارلىلار جوعارىداعى قيمىلداردا بىرگە بولدى.

بەرىپ كەت ورامالىڭدى

دوستار

الىستاعى اق ەركە