جاڭا حابارلار

قىستاق پارتيا ياچەيكاسىنىڭ شۋجيى مۇقپۇل سابىر قىستاق تۇرعىندارىن كەدەيلىكتەن قۇتىلىپ اۋقاتتانۋعا باستادى

    كەلۋ قاينارى: شينجياڭ حالىق راديو ىستانسياسى    2018-04-29 17:23:22  
ستانسيامىزدىڭ ءتىلشىسى ۋاڭ يىڭنىڭ حابارىن تىڭداڭىزدار: مۇقپۇل سابىر باي اۋدانى ونباش اۋىلى تومەنگى ونباش قىستاعى پارتيا ياچەيكاسىنىڭ شۋجيى، ەلگەزەكتىگى مەن ەڭبەكشىل دە كۇرەسشەڭدىگى ارقىلى اۋقاتتانۋ جولىنا ءتۇسىپ قالماستان، قىستاق تۇرعىندارىن كەدەيلىكتەن قۇتىلىپ اۋقاتتانۋعا باستادى.
ورتالاۋ مەكتەپ تاۋىسقاننان كەيىن مۇقپۇل سابىر قىستاقتىڭ بۇعالتىرى بولىپ ىستەيدى، قىزمەت ورنىنا شىققان ءبىرىنشى كۇننەن باستاپ، شەشەسىنىڭ ايتقان سوزدەرى ونىڭ قۇلاعىندا ءالى كۇنگە دەيىن جاڭعىرىپ تۇر، ول شەشەسىنىڭ ايتقان: قىزمەت ورنىنا شىققان ەكەنسىڭ قىزمەتتى جاقسى ىستە، سەن كادىر بولدىڭ، سەن عانا ەمەس قىستاقتاعى بارلىق تۇرعىن اۋقاتتانۋ كەرەك، سەن قىزمەتكەرسىڭ دەگەن سوزدەرىن ەسىنەن شىعارعان ەمەس.
سول كەزدە، قىستاق تۇرعىندارىنىڭ باسىم كوبى ەگىن ەگۋدى نەگىز ەتەتىن، مۇقپۇل سابىر قولىنا كەتپەن الىپ، جالاڭ ەگىنشىلىكپەن شۇعىلدانسا كەدەيلىكتەن قۇتىلا المايتىندىعىن جەتە تانيدى. ول سول كەزدەگى قولىندا بار 16 مىڭ يۋاننان ارتىق قورىنا 2 سيىر، 30 قوي ساتىپ الادى. نە ءبارى بىرنەشە جىلدا، مۇقپۇل سابىردىڭ باعىمشىلىق كاسىبى العاشقى ادىمدا كولەمدەنىپ، قويلارى 150 گە، سيىرى 16 عا جەتىپ، قىستاقتاعى ەڭ ەرتە اۋقاتتانعان ادامعا اينالدى. 1993-جىلى، ول تومەنگى ونباش قىستاعى پارتيا ياچەيكاسىنىڭ شۋجيلىعىنا تاعايىندالادى. ول بىلاي دەدى: كوممۋنيستىك پارتيا مۇشەسى تۇرعىسىنان باستاماشى بولۋىم كەرەك. قازىر مەملەكەتتىڭ ساياساتى قانداي جاقسى، ديحانداردى بىرگە اۋقاتتانۋعا باستاۋ مەنىڭ ماڭىزدى مىندەتىم، ءبىر قىستاقتان ءبىر ادام اۋقاتتانسا اۋقاتتانۋعا جاتپايدى، تۇتاس قىستاقتاعى ديقاندار اۋقاتتانسا عانا اۋقاتتانعان قىستاق بولادى.
مۇقپۇل سابىر قىستاق كادرلارىن باستاپ مۇقيات تەكسەرىپ زەرتتەپ، «مال شارۋاشىلىعىن كوركەيتۋ، ورمان شارۋاشىلىعىن نىعايتۋ، اۋىل شارۋاشىلىعىن ورنىقتى دامىتۋ» سىندى دامۋ وي جەلىسىن العا قويدى. اسىل تۇقىمدى سيمەنتال سيىرىن ەنگىزىپ، جاڭعاق، ورىك سياقتى ساپالى جەمىس اعاشى كاسىبىن كۇش سالا دامىتتى. قازىر، تومەنگى ونباش قىستاعىندا جاڭعاق ەگىلگەن اۋماق ءبىر مىڭ 520 مۋعا، جەمىس بەرگەن اۋماقءبىر مىڭ 200 مۋعا جەتتى، كىسى باسىنا تۋرا كەلەتىن جىلدىق كىرىس 1993-جىلعى ءبىر مىڭ 200 يۋاننان 2017-جىلى 13 مىڭ 755 يۋانعا جوعارىلادى. مۇقپۇل سابىر بىلاي دەدى: باس شۋجي شي جينپيڭ باقىت كۇرەس جاساۋدان كەلەدى، كۇرەسشەڭ بولعاندا عانا باقىتتى تۇرمىس كەشىرەسىڭ،-دەگەن بولاتىن. قازىر، ساياسات جاقسى، كوپەراتيۆ قۇرىپ كوپشىلىكتى تابىس تابۋعا جالعاستى باستاپ، ءار جىلعى كىسى باسىندىق كىرىستى 500 يۋاننان ءبىر مىڭ يۋانعا دەيىن جوعارىلاتۋدى جوسپارلاپ وتىرمىن.

بەرىپ كەت ورامالىڭدى

دوستار

الىستاعى اق ەركە