جاڭا حابارلار

بۇراتالا قالاسى «ءبىر قىستاقتا ءبىر ءونىم» بولۋدى اتقارىپ، كوركەم اۋىل-قىستاق قۇردى

    كەلۋ قاينارى: شينجياڭ حالىق راديو ىستانسياسى    2018-04-29 17:29:36  
ستانسيامىزدىڭ تىلشىلەرى چاي لين مەن ياڭ جيانچياۋ جانە بۇراتالا راديو ستانسياسىنىڭ ءتىلشىسى جاڭ شياۋحۇيدىڭ حابارىن تىڭداڭىزدار: بۇراتالا قالاسىنداعى اۋىل-قالاشىقتار «قىستاقتىڭ جاعدايىنا قاراي»، قىستاقتىڭ وڭىرلىك ەرەكشەلىگى، ءداستۇرلى مادەنيەتى، كاسىپتىڭ دامۋى سياقتى ەرەكشەلىكتەرىمەن ۇشتاستىرىپ، «ءبىر قىستاقتا ءبىر ءونىم» بولۋعا مۇمكىندىك جاساپ، وزىندىك ەرەكشەلىككە يە كوركەم اۋىل-قىستاق قۇردى.
ساياحاتتىڭ قاۋىرت مەزگىلى تاياپ قالدى، بىرنەشە كۇننەن بەرى، بۇراتالا قالاسى شويىڭپان قالاشىعى مىڭكىتولعا قىستاعىنداعى ديحان ويۇن كيگىز ءۇي تىگۋمەن قاربالاس بولدى. ول وتكەن جىلى، قىستاقتىڭ كومەگىندە ساحارا مادەنيەت ەرەكشەلىگىنە يە مالشىلار تاعامجايىن اشقان بولاتىن. ول: وتكەن جىلى 6-ايدان باستاپ قوناق قابىلداپ، 40 تا 50 مىڭ يۋان كىرىس كىرگىزدىم. وتكەن جىلى ءبىر كيگىز ءۇي تىككەم، بيىل التى مەترلىك تاعى ءبىر كيگىز ءۇي تىگىپ، كەسپە، سۇتتى ءشاي، نارىن سياقتى ءتۇرلى تاعامدار شىعاردىق، ءان ايتاتىن جابدىقتار تولىق، ساۋدام بارعان سايىن جاندادى،-دەدى.
مىڭكىتولعا قىستاعى حارتۇرگ مەملەكەتتىك ورمان باقشاسى كورىنىس رايونىنىڭ قاسىندا، قاتىناسى قولايلى، موڭعۇل ۇلتى قىستاقتاعى جان سانىنىڭ %72 تىن ۇستايدى. وتكەن جىلدان باستاپ، مىڭكىتولعا قىستاعى «موڭعۇل ۇلتىنىڭ ەرەكشەلىگىنە يە قىستاق» نىسانىن اتقارىپ، ىركەس-تىركەس 7 ەرەكشە مالشىلار تاعامجايىن اشتى. مىڭكىتولعا قىستاعى پارتيا ياچەيكاسىنىڭ ورىنباسار شۋجيى ناسىن بىلاي دەدى: موڭعۇل ۇلتىنىڭ ەرەكشەلىگىن تۇتاس تۇلعالىق جوسپارمەن ۇشتاستىرامىز، 7 مالشىلار تاعامجايىنىڭ ءاربىرىنىڭ تاعامدارى وزىندىك ەرەكشەلىككە يە، كەيىن بىرتىندەپ مادەنيەت ساياحات دەمالىس ورنىنا اينالدىرىپ، مادەنيەت ساياحات ونىمدەرىن ونىمەن توعىستىرامىز.
«ءبىر قىستاقتا ءبىر ءونىم» بولۋ دەگەنىمىز ءاربىر قىستاقتى ەرەكشە ءونىم ماركاسىمەن قۇرۋدى مەڭزەيدى. بۇراتالا قالاسى شويىڭپان قالاشىعى شاڭحاي، حىبەي سياقتى جەرلەردەگى ايگىلى جوبالاۋ ورىندارىن ءاربىر قىستاقتىڭ وزىنە لايىقتى دامۋ وي جەلىسىن جاساۋعا ۇسىنىس ەتتى. بىنبۇلاق قىستاعى سۋ بايلىعى مول بولۋ جانە بۇراتالا قالاسىنداعى كوكونىس تولايىم ساتۋ بازارىنا نەداۋىر جاقىن بولۋ ەرەكشەلىگىنە سۇيەنىپ، 36 جىلىجايى بار كوكونىس جەتىلدىرۋ بازاسىن قۇردى. كوكونىس ەگەتىن ديحان شۇي فىڭلياڭ: قىستا اسجاپىراق، ءجۇن قۋراي، 7-، 8-ايلاردا قىزىل بۇرىش ەگەمىز، جىلىنا 10 مىڭ يۋاننان ارتىق كىرىس كىرگىزەم، كوكونىس ەگۋدىڭ ەكونوميكالىق ونىمدىلىگى جۇگەرى ەككەننەن الدە قايدا زور،-دەدى.
شويىڭپان قالاشىق پارتكومنىڭ شۋجيى سوباتا تىلشىگە، «ءبىر قىستاقتا ءبىر ءونىم» بولۋدىڭ قىستاقتى كورىكتەندىرۋ مەن قىستاق ديحاندارىن اۋقاتتاندىرۋداعى رولىنىڭ زور ەكەنىن ايتا كەلىپ بىلاي دەدى: مىسالى، بارتوقا قىستاعى حۇيزۋ ۇلتىن نەگىز ەتەدى، بۇراتالا وزەنىمەن ىرگەلەس، وزەننىڭ بويىندا؛ ۇتىنبۇلاق قىستاعى ولكەلىك تاس جولمەن ىرگەلەسەدى، ۇيعۇر ۇلتىنىڭ ەرەكشەلىگىنە يە ديحاندار تاعامجايىن ءتۇيىندى دامىتىپ، شاعىن زاۆود قۇردى. «ەرەكشەلىكتى، ابزالدىلىقتى» يگەرگەندە دامۋعا بولادى، قىستاق ءوز ەرەكشەلىگىنە سۇيەنىپ كوركەمدىگىن، مول كاسىپكە سۇيەنىپ بايلىعىن ايگىلەدى.
«ءبىر قىستاقتا ءبىر ءونىم» بولۋ بارىسىندا، بۇراتالا قالاسى تاعى كوركەم اۋىل-قىستاقتىڭ الەۋمەتتىك قىزمەت ەتۋ قۇرىلعىلارىن كەمەلدەندىرۋدى ەستەن شىعارماي، «ءبىر قىستاقتا ءبىر ءونىم بولۋ» ەرەكشەلىگىن بارىنشا ساۋلەلەندىردى. بۇراتالا قالاسى ۇتىنبۇلاق قالاشىعىنىڭ ورىنباسار باستىعى ساي لياڭ بىلاي دەدى: كوشە اۆتوبوز بەكەتى، دەنە شىنىقتىرۋ الاڭى، قوس ءتىل بالالار باقشاسى، دەنساۋلىق ساقتاۋ ورنى، ءان-بيگە جاتتىعۋ ورىنى، بۇقارالىق ساحنا، حالىققا قولايلى قىزمەت ەتۋ زالى سياقتى الەۋمەتتىك قىزمەت ەتۋ قۇرىلعىلارى تۇگەل قىستاقتاعى كوركەم قىستاق قۇرۋداعى ءبىرىنشى دارەجەلى ولشەم. سونىمەن بىرگە، قورشاعان ورتانى شوعىرلى رەتتەۋ جاعىندا، دەنساۋلىق ساقتاۋ ورنى، تازالىق ءۇيى، الەۋمەتتىك دارەتحانا جانە قوقىر-قوقسىق قۇرىلعىلارى دا ىركەس-تىركەس تۇگەل تياناقتاندى.
بۇراتالا قالاسىنىڭ ۇنەمىلىك ىستەرگە جاۋاپتى ورىنباسار باستىعى فۋ شياۋجۇن بىلاي دەدى: «پارتيا 19-قۇرىلتايىنىڭ بايانداسىندا ورتاعا قويىلعان اۋىل-قىستاقتاردى كوركەيتۋ ستراتەگياسىمەن ۇشتاستىرىپ، 2018-جىلى كاسىپ، قۇرىلعى جانە نىساندى ءبىر تۇتاس جوبالاۋ تەبىنىن اناعۇرلىم ارتتىرىپ، ءاربىر قىستاقتىڭ ناقتىلى جاعدايىمەن ۇشتاستىرىپ، «ءبىر قىستاقتا ءبىر ءونىم بولۋدىڭ» ءوز ەرەكشەلىگىن ايگىلەپ، كوزبەن كورىپ، قولمەن ۇستاۋعا، اۋىل ساعىنىشى ەستە قالاتىن، تاريحي، وڭىرلىك، ۇلتتىق ەرەكشەلىكتى بەينەلەيتىن، اۋىل-قىستاقتىڭ جاعدايىنا جانە قونىستانۋعا، كاسىپتەنۋگە، ساياحاتتاۋعا ۇيلەسەتىن كوركەم اۋىل-قىستاق قۇرامىز».

بەرىپ كەت ورامالىڭدى

دوستار

الىستاعى اق ەركە