جاڭا حابارلار

كىشكەنتاي كارتوپ جونىندە

    كەلۋ قاينارى: شينجياڭ حالىق راديو ىستانسياسى    2018-04-30 09:39:16  
جەمسارى اۋداندىق راديو ستانسياسىنىڭ تىلشىلەرى چىن پيڭ مەن يان ى-نىڭ حابارىن تىڭداڭىزدار: جەمسارى اۋدانى جاڭاجەر اۋىلى جاڭاجەر قىستاعىنىڭ تۇرعىنى قاسىم ياسىن اۋىلدىق ەگىس ماشينالارى پۋنكيتىنىڭ باستىعىمەن سەرىكتەسىپ تۋسقاندىق قاتىناس ورناتقاننان كەيىن، كارتوپ ەگۋگە سۇيەنىپ، كەدەيلىكتەن قۇتىلدى، سونىمەن قاتار بۇكىل قىستاقتاعىلار دا تيىمدىلىككە يە بولدى.
4-ايدىڭ 25-كۇنى، قاسىم ياسىنىڭ كارتوپ اتىزدىعىندا، جاڭا جەر اۋىلدىق ەگىس ماشينالارى پۋنكيتىنىڭ باستىعى تيان جيانۋىن ۇيالاپ ەگۋ ماشيناسىنىڭ استىنا كىرىپ، ماشينانى جوندەدى. تۋىسىنىڭ ۇيىنە قونعان بىرنەشە كۇندە، قاسىم ياسىننىڭ كارتوپتى ۇيالاپ ەگۋ ماشيناسىن تابا الماي تىقىرشىعانىن كورگەن تيان جيانۋىن ۋاقىتتى قولدان بەرمەي، جەرگىلىكتى ورىندا تاجىريبە جۇرگىزىپ جاتقان شينجياڭ اۋىل شارۋاشىلىق عىلىم اكادەمياسىنىڭ ماماندارىنا حابارلاستى، ءارى اۋىل شارۋاشىلىق عىلىم اكادەمياسىنان ۇيالاپ ەگۋ ماشيناسىن سۇراپ اكەلىپ، تۋىسىنىڭ كارتوپ ەگۋىنە كومەكتەستى. الايدا ءبىراز جەرگە كارتوپ تۇقىمىن ەككەننەن كەيىن، ماشينادان كىنارات بايقالدى، تيان جيانۋىن دەرەۋ ماشينانى جوندەۋگە كىرىستى، ارادا 3 ساعات وتكەننەن كەيىن، ۇيالاپ ەگۋ ماشيناسى قالىپتى وندىرىسكە قوسىلدى. قاسىم ياسىن، ءار-رەت قيىنشىلىققا تاپ بولعاندا تيان جيانۋىننىڭ دەر كەزىندە قاسىنان تابىلاتىنىن ايتا كەلىپ بىلاي دەدى: « وتكەن جىلى ول كومەككە 4-5 مىڭ يۋان اقشا بەرىپ، تۇقىم، حيميالىق تىڭايتقىش الۋىما كومەكتەسكەن بولاتىن، بيىل مىنە تاعى دا تۇقىم، حيميالىق تىڭايتقىش اكەلىپ بەرىپ، ەگىن ەگۋىمە كومەكتەستى، تۋىسىمنىڭ كومەگىندە تۇرمىسىم بارعان سايىن جاقساردى».
قاسىم ياسىننىڭ ايەلىنىڭ دەنسالىعى ءالسىز ەدى، سول سەبەپتى ۇزاق ۋاقىت شيپاحانادا جاتىپ تا ەمدەلدى، بالالارى سىرتقا جۇمىس ىستەۋگە كەتكەن، وتباسىندا ەڭبەككۇش جەتىسپەيتىندىكتەن، كىرىسى دە نەداۋىر تومەن بولاتىن. سەرىكتەسىپ تۋىسقاندىق قاتىناس ورناتقاننان بەرى، تيان جيانۋىن قاسىم ياسىنىڭ وتباسى كىرىسىن ارتتىرۋىنا كومەكتەسۋ ءۇشىن، الدە نەشە رەت سارالاۋ ارقىلى كارتوپتىڭ جەرگىلىكتى ورىندا ەگۋگە ۇيلەسەتىن جاڭا سورتى-يجاڭ 12-ءنومىرلى كارتوپتى تانىستىردى، ءارى اقشا شىعارىپ، ونىڭ كارتوپ ەگۋىنە كومەكتەستى. تيان جيانۋىن بىلاي دەدى: «كارتوپتىڭ وسى سورتىن تاڭداپ ەگۋ ارقىلى ونىڭ وتباسى كىرىسىن ارتتىرۋدى ويلادىم، وتكەن جىلى ول 15 مۋ جەرگە كارتوپ ەگىپ، 40 مىڭ يۋان كىرىس كىرگىزدى».
4-ايدىڭ 25-كۇنى، كۇيەۋىنىڭ سەرىكتەسكەن تۋىسى قاسىم ياسىننىڭ كارتوپ ەگۋىنە كومەكتەسىپ جاتقانىن كورگەن تيان جيانۋىننىڭ ايەلى جاۋ يۇنچيڭ قاسىم ياسىنىڭ ۇيىنە بارىپ، كەشكى تاماق جاساۋعا كومەكتەستى، ول بىلاي دەدى: «تاماق ىستەپ بەرەتىن ەشكىم جوق بولعان سوڭ، ارنايى تاماق ىستەپ بەرۋگە كەلدىم، قازىر ۇلتتار ىنتىماعىنىڭ بەرەكەلى شاڭىراعىندا ءبىر ءۇيلى جانداي بولىپ، ارامىز بارعان سايىن جاقىنداي ءتۇستى».
قاسىم ياسىن كارتوپتىڭ جاڭا سورتىن ەگىپ، كەدەيلىكتەن قۇتىلعاننان كەيىن، باسقا قىستاق تۇرعىندارى دا تيان جيانۋىننەن كارتوپتى عىلمي جولمەن ەگۋ ادىستەرىن ۇيرەندى. قازىر، وسى قىستاقتاعى كارتوپتىڭ جاڭا سورتى ەگىلگەن اۋماق 300 مۋعا جەتتى، قىستاق تۇرعىنى باكىر حالەل بىلاي دەدى: «مەن دە 7 مۋ جەرگە كارتوپ ەكتىم، وتكەن جىلى 7 مۋ جەردەگى كارتوپتى 10 نەشە مىڭ يۋانعا ساتتىم. بيىل 20 مۋ جەرگە كارتوپ ەكپەكشىمىن».

بەرىپ كەت ورامالىڭدى

دوستار

الىستاعى اق ەركە