جاڭا حابارلار

جاسامپازدىعى ارقىلى التىن ءوندىرىسى تەحنولوگياسىنا مۇراگەرلىك ەتكەن رۇڭ شۋەليڭ

    كەلۋ قاينارى: شينجياڭ حالىق راديو ىستانسياسى    2018-04-30 09:54:30  
ستانسيامىزدىڭ ءتىلشىسى حى فەيدىڭ حابارىن تىڭداڭىزدار: اسپازدان تەحنيك جۇمىسشى، ونان عىلىم-تەحنيكادان جاڭالىق اشۋدىڭ باستاماشىسى، مەملەكەتتىك ەڭبەك ەرى، پارتيا 19-قۇرىلتايىنىڭ ۋاكىلى بولعان، شينجياڭ ءتۇستى مەتال توبى حاتۋ التىن كەنى رۋدا سۇرىپتاۋ زاۆودىنىڭ تەربەلمەلى سەزگى جۇمىسشىسى، 49 جاستاعى رۇڭ شۇەليڭ قاراپايىم قىزمەت ورنىندا، كۇرەسكەرلەردىڭ ەڭ تاماشا جىرىن جازدى.
رۇڭ شۇەليڭ ـــ ءتۇستى مەتال توبى التىن كەنىنىڭ ەكىنشى ۇرپاق ايەل جۇمىسشىسى. ونىڭ دەنە ءبىتىمى وتە نازىك بولعانىمەن، ءبىراق كەن رۋداسىنداي قايراتتى، مىنەزى اشىق-جارقىن. 1988-جىلى رۇڭ شۇەليڭ حىبەي ولكەسىنىڭ تاڭشان قالاسى ساۋدا ىستەرى تەحنيكتەر مەكتەبىنەن وقۋ تاۋىسىپ، حاتۋ التىن كەنىنە قىزمەتكە بولىنەدى، ول ىلگەرىندى-كەيىندى اسپاز، بالا باقشانىڭ دەنساۋلىق ساقتاۋ قىزمەتكەرى بولىپ ىستەدى، 2003-جىلى حاتۋ التىن كەنى تۇزىلىسكە رەفوما جاساپ قايتا قۇرىلعاننان كەيىن عانا، ول ناعىز شاحتەر بولىپ قىزمەتكە ارالاستى، سول جىلى ول 34 جاستا بولاتىن. رۇڭ شۋەليڭ: «اكەم 1958-جىلى ءتۇستى مەتال قۇرىلىس قوسىنىنا ىلەسىپ، كوكتوعايعا كەلىپ، سول جەردە 36 جىل قىزمەت ىستەپ، ءومىرىن شاحتاعا ارنادى، مەنىڭ دە اكەم سەكىلدى شاحتەر بولعىم كەلەدى»،-دەدى.
2006-جىلى رۇڭ شۇەليڭنىڭ قىزمەتىندە وزگەرىس بولىپ، كەننىڭ تەربەمەلى سەزگى جۇمىسشىسى بولادى. قىزمەتكە تەز ارادا ىسىلىپ، ونى ويداعىداي يگەرۋ ءۇشىن، ول سەحتا ۇنەمى كىشكەنتاي وقۋشى سەكىلدى بارلىعىن دا سۇراپ ۇيرەنەتىن. ءبىراق ول قانشا قۇلشىنعانىمەن، العاشقى ايداعى كورسەتكىش ويداعىداي بولمادى، سول ايدا ول 120 كيلوگرامنان ارتىق رۋدالى قۇم سەزگىلەسە دە، سۇرىپتاعان مەتال مولشەرى 1 كيلوگرامعا جەتپەگەندىكتەن، كورسەتكىش بارىنشا تومەندەدى. بۇعان قاتتى قامىققان رۇڭ شۇەليڭ كوز جاسى كول بولىپ جىلاپ تا الدى. ول: «شارشاۋدان قورىقپايمىن، تەك ءادىستىڭ دۇرىس بولماۋىنان قورقامىن، قىمبات باعالى التىن مەنىڭ ىقپالىمنان سىراپ بولسا، وعان قاراپ تۇرا المايمىن. ءار-ءبىر گرام رۋدالى قۇم مەملەكەتتىڭ قىمباتتى بايلىعى، سونداي-اق شاحتاداعى جۇمىسشى-قىزمەتكەرلەردىڭ ماڭداي تەرى»،-دەدى.
وسى ارالىقتا، رۇڭ شۇەليڭ باسقالاردىڭ نازارىندا ءبىر قاراپايىم تەربەلمەلى سەزگى عانا سياقتى سەزىلگەن جۇمىس ورنىندا تاباندىلىقپەن قىزمەت ىستەپ، امالياتتان وتكىزۋ ارقىلى تەربەلمەلى سەزگىنى مەڭگەرۋدىڭ ءونىمدى ءادىسىن تاۋىپ، حاتۋ التىن كەنىنىڭ تەربەلمەلى سەزگىنى مەڭگەرۋ ادىسىندەگى بوستىقتى تولتىردى، بۇل اۋىر مەتالدى سۇرىپتاۋ، جيناۋ ونىمدىلىگىن بارىنشا ارتتىرۋمەن بىرگە، كاسىپورىننىڭ ەكونوميكالىق ونىمدىلىگىن دە زور مولشەردە جوعارلاتتى. مۇنان سىرت، ول تاعى تۇتاس كەندەگى جۇمىسشى-قىزمەتكەرلەردى سالستىرۋ، ۇيرەنۋ، باسەكەلەسۋ، كومەكتەسۋ، باسىپ وزۋ قيمىلدارىنا ۇيىمداستىرىپ، جەتەكشىلىك ەتتى. ول ءوزى جاڭالىق اشۋدان، قوسىنداعىلاردى جاڭالىق اشۋعا باستاۋعا تاباندى بولعاندىقتان، حاتۋ التىن كەنى جاڭالىق اشاتىن ءبىر ءبولىمدى ونىڭ اتىمەن اتادى، مىنە وسىلايشا، رۇڭ شۇەليڭ حاتۋ التىن كەنىنىڭ تانىسقىسىنا اينالدى. ول: «ۇلان-قايىر قۋ مەديان دالا بولۋى مۇمكىن، ءبىراق ادام ءومىرى مۇنداي قۇلازىعان بوستىقتان مۇلدە اۋلاق. مەن ەكىنشى ۇرپاق شاحتەرمىن، سوندىقتان دا شاحتانى سۇيەمىن، قىزمەتىمدى دە وتە جاقسى كورەمىن. باس شۋجي شي جينپيڭ ايتقانداي، باقىت كۇرەسۋدەن كەلەدى، كۇرەسۋدىڭ ءوزى ءبىر باقىت، ءومىر بويى ارمانىم ءۇشىن كۇرەسىپ، باقىتقا كەنەلدىم»،-دەدى.

بەرىپ كەت ورامالىڭدى

دوستار

الىستاعى اق ەركە