جاڭا حابارلار

كومىر جەتكىزۋ لەنياسىنىڭ ءوندىرىس حاۋىپسىزدىگىن كۇزەتكەن نۇرمامەت قۇربان

    كەلۋ قاينارى: شينجياڭ حالىق راديو ىستانسياسى    2018-04-30 09:57:03  
ستانسيامىزدىڭ ءتىلشىسى حى فەيدىڭ حابارىن تىڭداڭىزدار: ءجاي جۇمىسشىدان گرۋپپا باستىعى، ونان اۆتونوميالى رايوندىق ەڭبەك ەرىنە اينالعان، شينجياڭ فۋ-لي-دا تالشىق شەكتى سەرىكتەستىگىنىڭ قىزمەتكەرى، 35 جاستاعى نۇرمامەت قۇربان قاراپايىم قىزمەت ورنىندا، جاڭا داۋىردەگى كۇرەسكەرلەردىڭ جارناماسىن جازدى.
شينجياڭ فۋ-لي-دا تالشىق شەكتى سەرىكتەستىگىندە، سەرىكتەستىكتىڭ قوزعاۋشى كۇش ورتالىعى تاسىمال ءبولىمى كومىر جەتكىزۋ گرۋپپاسىنىڭ باستىعى نۇرمامەت قۇرباندى اۋىزعا الاتىن بولساڭىز، كوپشىلىك ونىڭ كاسىپكە وتە مىقتى ەكەنىن، جابدىقتاردىڭ كىناراتىن دىبىسىنان-اق ءبىلىپ قوياتىنىن، جاۋاپكەرلىگى وتە كۇشتى بولعاندىقتان، كاسىپورىننىڭ ءوندىرىس حاۋىپسىزدىگى كىناراتتارىن ۇنەمى الدىن الا الاستاپ وتىراتىنىن ايتتى. ول: «ءوندىرىس حاۋىپسىزدىگى ـــ كاسىپورىننىڭ جان تامىرى، ول ءار-ءبىر جۇمىسشى-قىزمەتكەردىڭ وتباسىنىڭ باقىتىمەن قاتىستى، مەنىڭ قىزمەتىم سەرىكتەستىكتىڭ ءوندىرىس قوزعاۋشى كۇش جۇيەسىمەن قاتىستى، سوندىقتان دا ءوز قىزمەت شەبىمدى ويداعىداي قورعاۋىم ءتيىس»،-دەدى.
كومىر جەتكىزۋ گرۋپپاسىنىڭ ەڭ باستى مىندەتى ـــ كومىردى پار قازانىنا حاۋىپسىز جەتكىزۋ. ءبىر جولى نۇرمامەت قۇربان ۇنتاقتاعىشتان شىققان دىبىستان ونداعى قالىپسىزدىقتى بايقايدى دا، باتىل تۇردە جابدىقتى دەرەۋ توقتاتادى. سوڭىنان تەكسەرۋ ارقىلى جابدىقتىڭ ءبىر ۇساق بولشەگىنىڭ ءتۇسىپ قالعانىن بايقايدى. ول: «كومىر جەتكىزۋ جابدىعىنىڭ جالپى ۇزىندىعى 157 مەتر، ونىڭ حاۋىپسىز اينالىم جاساۋىنا، ءسوزجوق، كەپىلدىك ەتۋىمىز كەرەك، ءار كۇنى مەرزىمنەن ءبىر ساعات بۇرىن، ياعىني ساعات 9 دا قىزمەتكە شىعىپ، جابدىقتاردى تەكسەرەم، جابدىق اينالىمعا تۇسۋدەن بۇرىن جۇمىسشىلارعا جابدىقتى تاعى ءبىر رەت تەكسەرتەم، تۇستەن كەيىن قىزمەتتى وتكىزىپ بەرگەندە جابدىقتى تاعى ءبىر رەت تەكسەرەم، ءار جولعى تەكسەرۋ ەڭ تەز بولعاندا جارىم ساعاتتا ىستەلىپ بولادى»،-دەدى.
2017-جىلى نۇرمامەت قۇرباندى سەرىكتەستىك حوتاننىڭ كەريا اۋدانىنا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاقتا تۇرۋ قىزمەتىنە قاتىناسۋعا جىبەردى، شىت جاڭا قىزمەت ورنىندا، ول قىزمەتتىڭ ۇددەسىنەن شىعىپ، بەرىلە ىستەدى. نۇرمامەت قۇربان: «سەرىكتەستىكتە كۇنىنە 8 ساعات قىزمەت ىستەيمىز، ال قىستاقتا تۇرعاندا قىزمەتكە شىعۋ-قىزمەتتەن ءتۇسۋ دەگەن ۇعىم بولمايدى، بۇقارا قاجەت ەتسە، قاي-قاشاندا ساقاداي ساي تۇراسىز. باس شۋجي شي جينپيڭ باقىتتىڭ كۇرەسۋدەن كەلەتىنىن ايتتى، وسىنداي كۇرەسكەرلىك رۋحقا باي داۋىردە تۋعانىما ەرەكشە قۋانامىن، ۇزدىكسىز كۇرەسۋ ارقىلى قىستاقتاعى بۇقاراعا باقىت جاراتامىن»،-دەدى.

بەرىپ كەت ورامالىڭدى

دوستار

الىستاعى اق ەركە