جاڭا حابارلار

شي جينپيڭ ءۇندىستاننىڭ زۇڭليى موديمەن ۋحاندا بەيرەسمي كەڭەس وتكىزدى

    كەلۋ قاينارى: شينجياڭ گازەتى    2018-04-30 21:12:44  
 شينحۋا اگەنتتىگىنىڭ 4 - ايدىڭ 28 - كۇنى ۋحاننان بەرگەن حابارى (تىلشىلەر لي جۇڭفا، سۇن ي). مەملەكەت ءتوراعاسى شي جينپيڭ 4 - ايدىڭ 27 - كۇنى جانە 28 - كۇنى ۋحانداعى دۇڭحۋ قوناق ۇيىندە ءۇندىستاننىڭ زۇڭليى موديمەن بەيرەسمي كەڭەس وتكىزدى.
  4 - ايداعى دۇڭحۋ كولى كوكتەم شۋاعىنا شومدى. ەكى ەل باسشىلارى كوڭىلدى دە تاتۋ - ءتاتتى بەينەدە جۇڭگو مەن ءۇندىستاننىڭ قاتىناسى جانە بىردەي كوڭىل ءبولىپ وتىرعان كەلەلى حالىقارالىق ماسەلەلەر جونىندە جاپپاي ىشكەرىلەي پىكىر اۋىستىردى.
  شي جينپيڭ مىنانى اتاپ كورسەتتى: وتكەن 3 جىلدان ارتىق ۋاقىتتا زۇڭلي مىرزا ەكەۋىمىز ءوزارا ساپاردا بولدىق ءارى كوپ جاقتى ورتادا تالاي رەت كەزدەسىپ، كوپتەگەن ورتاق تانىمعا كەلدىك، جۇڭگو مەن ءۇندىستان قاتىناسىنىڭ تاماشا دامۋ ارىنىن ساقتاۋىنا بىرگە جەتەكشىلىك ەتتىك. ەكى جاق ءتىپتى دە قويۋ دامۋ سەرىكتەستىك قاتىناسىن ورناتتى، ءتۇرلى سالاداعى اۋىس - كۇيىس، ىنتىماقتاستىق بەلسەندى ىلگەرىلەۋشىلىككە قول جەتكىزدى، ەكى جاقتىڭ قاتىناسى اناعۇرلىم بيىك ورەدە الدىعا قاراي دامۋدا.
  شي جينپيڭ مىنانى باسا دارىپتەدى: قازىر حالىقارالىق جاعداي وزگەرىستىڭ، رەتكە سالۋدىڭ شەشۋشى كەزەڭىندە تۇر، ءارقايسى ەلدىڭ ءوزارا بايلانىسى مەن ءبىر - بىرىنە سۇيەنۋى كۇننەن - كۇنگە تەرەڭدەدى، بەيبىت دامۋ جالپى جاعدايى وزگەرمەستەي بولدى. جۇڭگو مەن ءۇندىستان وركەندەپ كەلە جاتقان ەڭ ۇلكەن ەكى ەل جانە ءبىر ميللياردتان ارتىق جان سانى بار جاڭادان گۇلدەنگەن بازار شارۋاشىلىعى تۇلعاسى رەتىندە، ەكەۋى دە دۇنيە ءجۇزى ەكونوميكاسىنىڭ ارتۋىنداعى ماڭىزدى قوزعاۋشى كۇش، ەكەۋى دە دۇنيە ءجۇزىنىڭ كوپ ۇيەكتەنۋىن، ەكونوميكانىڭ جاھاندانۋىن جەبەۋدەگى تىرەكتى كۇش. جۇڭگو مەن ءۇندىستاننىڭ تاماشا قاتىناسى دۇنيە ءجۇزىنىڭ ورنىقتىلىعىن قورعاۋداعى ماڭىزدى فاكتور، بۇكىل ادامزاتتىڭ دامۋىن، العا باسۋىن جەبەۋدە كەلەلى ماڭىزعا يە. جۇڭگوشا سوتسياليزم جاڭا داۋىرگە قادام تاستادى، زۇڭلي مىرزا دا «جاڭا ءۇندىستان» قۇرۋ نىساناسىن العا قويدى. دامۋ، گۇلدەنۋ جولىندا جۇڭگو مەن ءۇندىستان ەكەۋى دە ۇقساس مىندەتكە ءدوپ كەلىپ وتىر. نازاردى دامۋعا تاباندىلىقپەن شوعىرلاندىرىپ، ءورازا تيىمدىلىك جاساۋدى، ىنتىماقتاستىقتى تەرەڭدەتىپ، ۇلتتىڭ گۇلدەنۋىن بىرگە جۇزەگە اسىرىپ، ورنىقتى، دامىعان، كوركەيگەن 21 - عاسىرداعى ازيانى بىرگە قۇرىپ، دۇنيە ءجۇزىنىڭ بەيبىتشىلىگى مەن دامۋىنا بىرگە بەلسەندى ۇلەس قوسۋىمىز كەرەك.
  شي جينپيڭ مىنانى اتاپ كورسەتتى: جۇڭگو مەن ءۇندىستان قاتىناسىنىڭ ورنىقتى بولۋىنىڭ، دامۋىنىڭ نەگىزى − ءوزارا سەنىم ارتۋ. جۇڭگو مەن ءۇندىستان قاتىناسىن ستراتەگيالىق تۇرعىدان يگەرىپ، ءوزارا ءتۇسىنىسۋدى جانە سەنىمدى ۇزدىكسىز كۇشەيتىپ، ەكى ەلدەگى ءار سالانىڭ جانە ەكى ەل حالقىنىڭ ءوزارا ءتۇسىنىسۋىن تەرەڭدەتۋىن، دوستىق سۇيىسپەنشىلىكتى جەتىلدىرۋىن ىلگەرىلەتۋ كەرەك. 3 شەشۋشى ءتۇيىندى يگەرۋ قاجەت: ءبىرىنشى، جۇڭگو مەن ءۇندىستان جاقسى كورشى، جاقىن دوس بولۋ، ءبىر - ءبىرىن دۇنيە جۇزىندەگى كۇش سالىستىرماسىنىڭ وزگەرىسىندەگى بەلسەندى فاكتور دەپ قاراپ، ءوزىنىڭ دامۋ ارمانىن جۇزەگە اسىرۋداعى ىنتىماقتاس سەرىگى ساناۋ كەرەك. ەكىنشى، جۇڭگو مەن ءۇندىستان ەكى ەلدىڭ دامۋى، كۇشەيۋى جالپى جاعدايدىڭ بەتالىسى، ءبىر - ءبىرى جونىنەن ماڭىزدى وراي. ءۇشىنشى، جۇڭگو مەن ءۇندىستان ەكەۋى دە دەربەس، ءوز - وزىنە قوجا بولۋ ديپلوماتيالىق ساياساتىن اتقارادى، بەلسەندى، اشىق، باۋىرمال بولۋ كوڭىل كۇيىمەن، ءبىر - ءبىرىنىڭ ماقساتىنا دۇرىس تالداۋ جاساۋ جانە مامىلەدە بولۋ كەرەك. جۇڭگو مەن ءۇندىستان ەكى ەلدىڭ حالىقارالىق ىستەردەگى كوپتەگەن ۇستانىمى قارايلاس. جۇڭگو ءىرى ەل قاتىناسىن ءبىر جايلى ەتكەندە، ستراتەگيالىق دەربەستىكتەن جازبايدى، قاقتىعىسپاۋعا، قارسىلاسپاۋعا تاباندى بولادى، ءبىر - ءبىرىن قۇرمەتتەيتىن، ءادىل دە تۋراشىل، ىنتىماقتاسىپ، تەڭ يگىلىككە كەنەلەتىن جاڭاشا حالىقارالىق قاتىناس ورناتۋدى ىلگەرىلەتۋگە تاباندى بولادى. بۇل جۇڭگو مەن ءۇندىستان وتكەن عاسىردىڭ 50 - جىلدارىندا بىرگە دارىپتەگەن بەيبىت قاتار تۇرۋدىڭ 5 پرينسيبىمەن ساباقتاس.
  شي جينپيڭ مىنانى باسا دارىپتەدى: كەلەسى ساتىدا جۇڭگو مەن ءۇندىستان ەكى ەلدىڭ جان - جاقتى ىنتىماقتاستىق جوباسىن بىرگە ويداعىداي جاساۋ كەرەك. ءتىپتى دە قويۋ ستراتەگيالىق تىلدەسۋ ارقىلى ەكى جاق كوڭىل بولەتىن كەلەلى ماسەلەلەردى دەر كەزىندە اقىلداسۋ، ەكى ەل قاتىناسىنىڭ دامۋىنىڭ ۇلكەن بەتالىسىن مىقتاپ يگەرىپ، تىلدەسۋ مەحانيزمىنىڭ ءونىمدى اينالىمىنا كەپىلدىك ەتۋ؛ ناقتى ىستەرمەن شۇعىلداناتىن ءتىپتى دە تەرەڭ ىنتىماقتاستىق ورىستەتۋ؛ ءتىپتى دە كەڭ كولەمدى گۋمانيتارلىق اۋىس - كۇيىستى جەبەۋ؛ الاۋىزدىقتاردى، ماسەلەلەردى ءتىپتى دە كەمەلدى شارالارمەن ويداعىداي ءبىر جايلى ەتۋ؛ حالىقارالىق جانە وڭىرلىك ىستەردەگى سايكەستىك پەن ىنتىماقتاستىقتى كۇشەيتىپ، وڭىرلىك ەكونوميكانى ءبىر تۇلعالاندىرۋ مەن ءوزارا بايلانىستىرۋ، ءوزارا توعىستىرۋ قۇرىلىسىن جەتەكتەۋ كەرەك. ەكى جاق بىرگە اقىلداسۋ، بىرگە قۇرۋ، تەڭ يگىلىكتەنۋدەي جەر شارىن جونگە سالۋ كوزقاراسىنان جازباي، اشىق الەمدىك ەكونوميكا قۇرۋدى جەدەلدەتىپ، كوپ جاقتى ساۋدا ءتۇزىلىسىن قولداپ، ءتىپتى دە بەلسەندى حالىقارالىق ىنتىماقتاستىق ورىستەتىپ، جەر شارىندىق سايىستارعا بىرگە توتەپ بەرۋ كەرەك. جۇڭگو ۇندىستانمەن بىرگە قۇلشىنىپ، ورنىقتى، دامىعان، كوركەيگەن 21 - عاسىرداعى ازيا قۇرىپ، حالىقارالىق ءتارتىپتىڭ ءتىپتى دە ءادىل، ورىندى بەتالىسقا قاراي دامۋىن ىلگەرىلەتۋگە پەيىل.
  مودي بىلاي دەدى: ءتوراعا شي جينپيڭنىڭ مەنى ۋحانعا ۇسىنىس ەتكەنىنە العىس ايتامىن. 2 كۇننەن بەرى، ءتوراعا شي جينپيڭمەن بۇكپەسىز، كوسىلە اڭگىمەلەستىم، ۇزاق تاريحقا يە، ۇشان تەڭىز جيڭچۋ مادەنيەتىمەن تانىستىم، ءتوراعا شي جينپيڭنىڭ ءۇندىستان مەن جۇڭگو قاتىناسىن دامىتۋعا ايرىقشا ءمان بەرەتىنىن جانە بۇعان ءوزى جەتەكشىلىك ەتەتىنىن ىشكەرىلەي سەزىندىم. ءۇندىستان مەن جۇڭگو ەكەۋى دە وركەنيەتتى بايىرعى ەل، ەكى ەل ءبىر - ءبىرىنىڭ ماڭىزدى كورشىسى، تىلدەسۋدى، اۋىس - كۇيىستى، ىنتىماقتاستىقتى، ءسوزسىز، كۇشەيتىپ، بەيبىت قاتار تۇرۋ، ۇرپاقتان - ۇرپاققا دوس بولۋ كەرەك. مەن ج ك پ 19 - قۇرىلتايىندا جاريالانعان جۇڭگوشا سوتسياليزم قۇرىلىسىنىڭ جاڭا داۋىرگە قادام تاستاعانىنا قاداعالاي نازار اۋدارامىن، ءۇندىستاننىڭ دا ءوز «جاڭا ءۇندىستان» نىساناسى بار. مەن ءتوراعا شي جينپيڭ اتاپ كورسەتكەن 2 ميلليارد 600 ميلليون حالقى بار وركەندەپ كەلە جاتقان ەڭ ۇلكەن ەكى ەل، جاڭادان گۇلدەنگەن ەكى الىپ بازار شارۋاشىلىعى تۇلعاسى رەتىندە، ءۇندىستان مەن جۇڭگونىڭ دۇنيە ءجۇزىنىڭ ورنىقتىلىق فاكتورى ەكەنىن، ەكى ەلدىڭ دامۋى دۇنيە جۇزىنە ماڭىزدى ىقپال جاسايتىنىن، وركەندەپ كەلە جاتقان ەلدەر جونىنەن بەلسەندى ماڭىزعا يە ەكەنىن قۇپتايمىن. ءۇندىستان مەن جۇڭگونىڭ جوعارى دارەجەلى ستراتەگيالىق تىلدەسۋدى ساقتاۋىن قۇپتايمىن. ءۇندىستان مەن جۇڭگونىڭ قاتىناسىن دامىتۋ جونىندە ورتاق ۇستانىمىمىز، ورتاق سەنىمىمىز، ورتاق ارمانىمىز بار، ەكى جاق بارىس - كەلىستى نىعايتىپ، ىنتىماقتاستىقتى كۇشەيتىپ، ءورازا ءتۇسىنىسۋدى جانە ءوزارا سەنىمدى كۇشەيتىپ، الاۋىزدىقتاردى ويداعىداي ءبىر جايلى ەتىپ جانە باسقارىپ، مەڭگەرىپ، حالىق ارا دوستىقتى جەبەپ، ەكى ەلدىڭ قاتىناسىن جاڭا ورەگە كوتەرۋ كەرەك. ءۇندىستان دەربەس ديپلوماتيالىق ساياساتىن تاباندىلىقپەن اتقارادى، جاھاندانۋدى، كوپ جاقتى جۇيەنى قورعاۋدى، حالىقارالىق قاتىناستى دەموكراتيالاندىرۋدى قولدايدى. ءۇندىستان جۇڭگومەن قول ۇستاسا وتىرىپ، وركەندەپ كەلە جاتقان ەلدەردىڭ ورتاق مۇددەسىن جەبەۋگە رازى.
  ج ك پ ورتالىق كوميتەتى ساياسي بيۋروسىنىڭ مۇشەسى، ج ك پ ورتالىق كوميتەتى شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، ج ك پ ورتالىق كوميتەتى سىرتقى ىستەر قىزمەت كوميتەتى كەڭسەسىنىڭ مەڭگەرۋشىسى ياڭ جيەچى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي جوعارىداعى قيمىلدارعا قاتىناستى.

بەرىپ كەت ورامالىڭدى

دوستار

الىستاعى اق ەركە