جاڭا حابارلار

 كوكتەمدە قارتتار اسقازانىن ەرەكشە قورعاعانى ءجون

    كەلۋ قاينارى: شينجياڭ حالىق راديو ىستانسياسى    2018-04-30 22:58:31  

كوجە سياقتى ىستىقتىق تاعامداردى تۇتىنۋجىلى تاعامداردى جەگەننەن كەيىن تۇلا بويىمىز جىلىنىپ شىعا كەلەدى. جۇڭگوشا شيپاگەرلىكتە ۇنەمى جىلى كوجە نەمەسە بالىق سورپاسىن ءىشۋدى دارىپتەيدى. كوجەگە از مولشەردە سۋىقتى قايتاراتىن جەمجەمىل قوسىپ قايناتسا، بويىمىزدى جىلىتىپ، اسقازاننىڭ اۋىرعانىن باسادى. مىسالى، جەمجەمىلدەن 10 گرام، كەپتىرىلگەن جەمجەمىلدەن 5 گرام، كۇرىشتەن 50 گرام دايىنداپ، كۇرىشتى تازالاپ جۋىپ العاننان كەيىن ازىراق سۋ قوسىپ قايناتىپ، پىسايىن دەگەندە جەمجەمىل مەن كەپتىرىلگەن جەمجەمىلدى سالىپ، كۇرىش پىسقانشا قايناتىپ ىشسە، اسقازانعا وتە پايدالى. جەمجەمىل مەن كەپتىرىلگەن جەمجەمىل اس قورتۋ جولىنا جينالىپ قالعان جەلدى ايداپ، اسقازاننىڭ جايسىزدانۋىن باسادى. جىلۋ وتكىزەتىن جاپسىرما ءدارى جاپسىرۋ نەمەسە كۇرمە كيىپ دەنەنى جىلى ۇستاۋ كۇن سۋىتقاندا قالىڭ كۇرمە سياقتى كيىم كيىپ اسقازان مەن قۇرساق ءبولىمىنىڭ جىلۋىن ساقتاۋ كەرەك. مۇنان سىرت، تەلەۆيزور كورگەندە نەمەسە ۇيىقتاعاندا لايىقتى جىلۋ وتكىزىپ، جىلۋ وتكىزگىش زاتتاردى اسقازانعا باسىپ جاتۋ نەمەسە جىلۋ وتكىزگىش جاپسىرمانى تىزە، كىندىكتىڭ ۇستىڭگى جاعى سياقتى جەرلەرگە جاپسىرىپ اسقازاننىڭ جىلۋىن ساقتاعان ابزال اياقتى ۇنەمى جىلى سۋعا مالۋ  ادامنىڭ اياعىنداعى كوپتەگەن ۇياشىقتار دەنساۋلىققا تىكە قاتىستى بولاتىندىقتان، ۇنەمى اياقتى جىلى سۋعا مالۋدىڭ اسقازانعا بەلگىلى پايداسى بار. مۇندا اياقتى جىلى سۋعا مالاردان بۇرىن سۋعا ازىراق قىزىل بۇرىش قوسۋ، سۋ وتە ىستىق بولماۋ، ءار كۇنى اياقتى 20 مينۋت مالعان ءجون مۇنان تىس، قارتتار اسقازانعا سۋىق كەلەتىن قاربىز، قيار، باكلاجان، تەڭىز قۇراعى، قىسقىش، ساڭىراۋقۇلاق سياقتى ازىقتاردى كوپ تۇتىنباعان ءجون. ەسكەرتە كەتەتىن ءجايت، قارتتاردا ازىقتاردى بەتالدى تۇتىنۋدان اسقازاننىڭ  جايسىزدانۋى ۇنەمى كەزىگەدى. كەيبىر قارتتار تىسىنە جۇمساق بولۋ ءۇشىن باكلاجان جەيدى؛ ال ءىشىنارا قارتتار تەڭىز تاعامدارى بازارعا شىققاندا قىسقىشتى كوبىرەك جەپ قويادى. ءىس جۇزىندە بۇل ازىقتار سۋىقتىق ازىقتىقتارعا  جاتاتىندىقتان، جىلىتىپ جەگەن كۇندە دە، ەڭ جاقسىسى، ازىراق تۇتىنعان ابزال. ايتپەگەدە اسقازاندى زاقىمدايدى
جۇرەك اۋرۋىنان سيگنال بەرەتىن 7 ءتۇرلى اۋرۋ بەلگىسى
1. قاتتى قالجىراۋى ۇزاق ۋاقىتقا دەيىن باسىلماۋ، ءسال قيمىلداسا بولدى ءتىپتى كۇشەيۋ. بۇل جۇرەك اۋرۋىنىڭ باستاپقى مەزگىلدەگى سيگنالى بولۋى مۇمكىن. بۇل جۇرەكتىڭ قانمەن جانە وتتەگىمەن قامداۋ قۋاتىنىڭ تومەندەگەندىگىنەن دەرەك بەرەدى.
 2. اياق ءىسىنۋ
  جۇكتىلىك، كوكتامىر تۇيىندەلۋ جانە كوپ جول ءجۇرۋ اياقتىڭ ءىسۋىن تۋدىرادى. الايدا ماماندار ورتا جاستاعىلاردىڭ اياعىنىڭ دومبىعىپ ءىسۋى جۇرەك قىزمەتىنىڭ ناشارلىعىنان ۆەنا قانىنىڭ اينالىسى توسىلعاندىعىنىڭ بەلگىسى ەكەندىگىن ەسكەرتەدى.3. ارەكەت جاساعاندا اياعى اۋرۋارەكەت جاساعاندا اياقتىڭ اۋىرعانىن جاستىڭ ۇلعايۋىنان دەپ وڭاي تۇجىرىمداي سالۋعا بولمايدى. جاستىڭ ۇلعايۋىنا بايلانىستى اياقتىڭ ارتەريا قان تامىرلارى قاتايىپ،  ۆەنادا قان ۇيىعى پايدا بولۋى مۇمكىن، مۇنداي قان تامىرداعى پاتولوگيالىق وزگەرىس جۇرەك اۋرۋىنىڭ قوزعالۋىنان دەرەك بەرەدى.4. ۇنەمى باس اينالۋسۋسىزدانۋ، قۇلاق اۋرۋ، قان ازدىق سياقتىلاردان تىس، جۇرەك اۋرۋى دەنەگە قان جەتىسپەۋدەن بولاتىن باس اينالۋدى تۋدىرادى. ەگەر ناۋقاستا سەبەبى بەيمالىم باس اينالۋ ءجايتى بايقالاتىن بولسا، جۇرەك اۋرۋىنان اباي بولعانى ءجون.5. تىنىسى تارىلۋدەمىكپە، قان ازدىق، قابىنۋ سياقتىلاردان تىس، جۇرەك كلاپانى تولىق جابىلماۋ نەمەسە جۇرەكتىڭ جيىرىلۋى اقىرىنداۋدان دا ادام ەنتىگەدى. مۇندايدا جۇرەكتى ءتىپتى ىشكەرىلەي تەكسەرتكەن ابزال.6. باس ساقيناسى ۇستاۋادەتتە %12 اينالاسىنداعى ادامداردىڭ باس ساقيناسى ۇستايدى. الايدا جۇرەك اۋرۋى بار ناۋقاستاردىڭ ىشىندە باس ساقيناسى ۇستاۋ اۋرۋى بارلار %40 كە جۋىعىن ۇستايدى. كەيبىرەۋلەردىڭ باس ساقيناسىنىڭ ۇستاۋى جۇرەكپەن دە قاتىستى بولۋى مۇمكىن. ال كەيدە بۇل ەكەۋىندە دە نەرۆ جۇيەسىنىڭ قىزمەتى بۇزىلۋ ءجايتى بايقالادى.7. ۇيىقتاعاندا جۇرەكتىڭ سوعۋى قۇلاعىنا انىق ەستىلۋ قان قىسىمى تومەندەۋ، قانداعى قانت قۇرامىنىڭ تومەن بولۋى، قان ازدىق، ءدارى ءىشۋ، سۋسىزدانۋ سياقتىلاردىڭ بارلىعى جۇرەك اۋرۋىن تۋدىرادى. مۇندايدا دەر كەزىندە شيپاگەردەن كەڭەس سۇراعان ءجون.
 


بەرىپ كەت ورامالىڭدى

دوستار

الىستاعى اق ەركە