جاڭا حابارلار

كوكتەم ماۋسىمىندا ميعا قان قۇيىلۋدان ساقتانامىن دەسەڭىز 3 ساعاتتىق التىن ۋاقىتتى مىقتى يگەرىڭىز

    كەلۋ قاينارى: شينجياڭ حالىق راديو ىستانسياسى    2018-04-30 23:01:37  

كوكتەمدە اۋرۋدىڭ الدىن الۋعا استە ات ءۇستى قاراۋعا بولمايدى. اسىرەسە سوزىلمالى جۇرەك - مي قان تامىرى اۋرۋى بار ناۋقاستار مەن قان قىسىمى جوعارى، قانتتى نەسەپ اۋرۋى بار ناۋقاستار ميعا قان قۇيىلۋدان اباي بولعانى ءجون  زەرتتەۋلەرگە نەگىزدەلگەندە، جۇڭگودا جىلىنا ميىنا قان قۇيىلعان 2 ميلليون ناۋقاس شىعادى ەكەن. مۇنىڭ ىشىندە %90 ناۋقاستىڭ بارلىعى 40 جاستان اسقان ورتا جاستاعىلار بولىپ قالماستان، قان قىسىمى جوعارى، قانتتى نەسەپ اۋرۋى بار، قانداعى ماي قۇرامى جوعارى، جۇرەك اۋرۋى بار ناۋقاستار مەن تەمەكى تارتىپ، اراق ىشتەتىن تۇرمىسى ريتىمسىز ادامدار ەكەن. سوندىقتان جوعارىدا ايتىلعان ناۋقاستار مەن ادامدار ميعا قان قۇيىلۋدان ەرەكشە اباي بولىپ، دەر كەزىندە ەمدەلۋدىڭ التىن ورايىن مىقتى يگەرگەنى ابزال قالىپسىزدىقتى ەرتە بايقاۋ. باس  اينالۋ، باس اۋرۋ جاعدايلارى كورىلگەندە ادام وزىندە ميعا قان قۇيىلۋ جاعدايىنىڭ بار - جوقتىعىنا ەرەكشە كوڭىل بولگەنى ءجون. مۇندايدا وزىنە قاراپايىم تەكسەرۋ جۇرگىزۋى. مىسالى، قايتا - قايتا سويلەپ كورۋ ارقىلى ءسوزىنىڭ تۇنىقتىعىن بايقاۋ، كۇلىمسىرەۋ، ءتىستى اقسيتىپ كۇلۋ، كۇلگەندە بەت الپەتىنىڭ قالىپتى - قالىپسىزدىعىن بايقاۋ، قولىن كوتەرۋ، كوزدى جۇمىپ، ەكى قولدى 10 سەكۋند كوتەرگەندە قول مەن يىقتىڭ قالىپتى - قالىپسىزدىعىن بايقاۋ، سونىمەن بىرگە جۇتىنا الماۋ، قول - اياق ۇيۋ سياقتى بەلگىلەردىڭ بار - جوقتىعىن بايقاۋ، ءمۇبادا وسى جاعدايلاردىڭ ءبىرى بايقالسا دەرەۋ شيپاحاناعا بارۋ كەرەك  دەر كەزىندە شۇعىل قۇتقارۋ ورتالىعىنا تەلەفون بەرۋ. ءمۇبادا ميعا قان قۇيىلعانىن بايقاعاندا وتە ابىرجىپ كەتپەي 120 شۇعىل قۇتقارۋ تەلەفونىنا حابارلاسىپ، جاردەم سۇراپ دەرەۋ شيپاحاناعا بارۋ. قۇتقارۋ ماشيناسى كەلگەنشە ناۋقاستىڭ كيىمىنىڭ تۇيمەلەرىن اعىتىپ، ناۋقاستىڭ اۋزىندا جالعان تىستەرى بولسا الىپ تاستاپ، اۋىز قۋىسىنىڭ تازالىعىنا كوڭىل ءبولۋ كەرەك. ەگەر ناۋقاس ەسىنەن تانسا، قىرىنان جاتقىزىپ قوزعالتپاۋ، ناۋقاستى قوزعالتۋ بارىسىندا ناۋقاستىڭ باسىن قاتتى قوزعالتۋدان نەمەسە سوعىپ الۋدان ابايلاعان ءجون 3 ساعاتتىق التىن ۋاقىتتى مىقتى يگەرۋ. ميعا قان قۇيىلعاندىعىن بايقاعاننان كەيىن قان تامىردان ۋكول قۇيۋ ارقىلى ۇيىعان قانداردى ەرىتىپ ەمدەۋ اۋرۋدىڭ قالپىنا كەلۋىندەگى ماڭىزدى شارا بولىپ قالماستان، تەز ارادا قان تامىردان ۋكول قۇيۋ ارقىلى ۇيىعان قاندى تاراتقاندا اۋرۋدان ايىعۋى سولعۇرلىم تەز بولادى. 2010-جىلى باسپادان شىققان شۇعىل حاراكتەرلى مي قان تامىرى اۋرۋلارىن ەمدەۋ قولدانباسىندا ميعا قان قۇيىلعان 4 تە 5  ساعاتتىڭ ىشىندە قان تامىردان ۋكول قۇيۋ ارقىلى ۇيىعان قاندى ەرىتىپ ەمدەۋدىڭ ەڭ ۇيلەسىمدى  ۋاقىتى ەسەپتەلىپ، ەگەر ميعا قان قۇيىلعان 3 ساعاتتىڭ ىشىندە قان  تامىردان ۋكول قۇيۋ ارقىلى ۇيىعان قاندى ەرىتىپ ەمدەگەندە %50 تەن استام ناۋقاستىڭ بۇكىلدەي نەمەسە جارتىلاي ساۋىعىپ كەتەتىندىگى ايتىلعان  اۋرۋدىڭ قايتالانۋىنىڭ الدىن الۋ. ميعا قان قۇيىلۋ قايتالانسا نەرۆتىڭ قىزمەتىن ءتىپتى اۋىرلاستىرىپ، ناۋقاستىڭ ءولۋ سالىستىرماسىن  ارتتىرادى. ءبىرىنشى رەت ميعا قان قۇيىلعاننان كەيىنگى 6 اي اۋرۋ قايتالاناتىن ەڭ حاۋىپتى مەزگىل سانالادى. سوندىقتان ميعا قان قۇيىلعاننان كەيىنگى اۋرۋدىڭ قايتالانۋىنىڭ الدىن العان ءجون. ناشار تۇرمىس ادەتىن وزگەرتۋ، ماسەلەن تەمەكى تارتپاۋ، اراق ىشپەۋ، سالماقتى ارتتىرماۋ، ۇيلەسىمدى تاماقتانۋ، لايىقتى ارەكەت جاساۋ سياقتىلاردىڭ بارلىعى ميعا قان قۇيىلۋدىڭ قايتالانۋىنىڭ الدىن الۋداعى ەڭ ءونىمدى شارا سانالادى. مۇنان سىرت، قان قىسىمى جوعارلاۋ، قانتتى نەسەپ اۋرۋى سياقتى سوزىلمالى اۋرۋى بار ناۋقاستار اۋرۋ جاعدايىن مەڭگەرە وتىرىپ، ميعا قان قۇيىلۋدىڭ الدىن الۋى كەرەك.
 


بەرىپ كەت ورامالىڭدى

دوستار

الىستاعى اق ەركە