جاڭا حابارلار

تيان يۇڭ مەن سەرىكتەسكەن تۋىسى ءماتتوحتى ءيبىرايىم اۋلاداعى ءجۇزىم سورەسىن جوندەپ ورنىقتىرۋمەن قاربالاس بولدى

    كەلۋ قاينارى: شينجياڭ حالىق راديو ىستانسياسى    2018-05-01 12:55:52  

ستانسيامىزدىڭ ءتىلشىسى ليۋ چياڭ جازعان «تۋىسشىلاۋ اپتاسىنداعى باۋىرلاستىق سۇيىسپەنشىلىك» دەگەن تاقىرىپتاعى حابارى :تاقىرىپتاعى حابارى :بىرنەشە كۇننەن بەرى، شىنحۋا توبى شينجياڭ ەنەرگيا شەكتى سەرىكتەستىگى قوعامدىق ىستەر ءبولىمىنىڭ كادرى تيان يۇڭ مەن سەرىكتەسكەن تۋىسى ءماتتوحتى ءيبىرايىم اۋلاداعى ءجۇزىم سورەسىن جوندەپ ورنىقتىرۋمەن قاربالاس بولدى، اعالى- ءىنىلى ەكەۋى ەڭبەك ىستەي ءجۇرىپ، بيىلعى كەدەيلىكتەن قۇتىلۋ جوسپارى جونىندە اقىلداستى. كەريا اۋدانى ارال اۋىلى سامالباع قىستاعىنىڭ تۇرعىنى ءماتتوحتى ءيبىرايىم بىلاي دەدى: « بيىل ءىنىم تيان يۇڭنىڭ كومەگىندە مەن 50 مىڭ يۋان ءوسىمدى قارىز اقشا الدىم، مەن وسى اقشامەن سيىر، قوي باعىمشىلىعىمەن جانە اۋلا شارۋاشىلىعىمەن شۇعىلدانىپ، قۇلشىنا ەڭبەك ەتىپ، اۋقاتتانسام دەيمىن، ءىنىمنىڭ كۇش سالا كومەكتەسۋىندە، نىسانام ،ءسوز جوق، جۇزەگە اسادى».
وتكەن جىلى 2 - ايدا، تيان يۇڭ مەنءماتتوحتى ءيبىرايىم سەرىكتەسىپ تۋىسقاندىق قاتىناس ورناتتى، اراداعى بارىس- كەلىستىڭ بارعان جيىلەۋىنە بايلانىستى، ەكەۋىنىڭ سۇيىسپەنشىلىگى دە قويۋلاي ءتۇستى. تيان يۇڭ بىلاي دەدى: «ءار جولى مەن كەلگەندە اعام ەرتە تۇرىپ، ءۇيىن تازالاپ، ءتاتتى- ءدامدىسىن الدىما قويىپ، مەنى بايەك بولىپ كۇتەدى، مەن بۇدان قويۋ سۇيىسپەنشىلىكتى سەزىندىم. ءۇرىمجى مەن كەريانىڭ اراسى ءبىر مىڭ 400 كيلومەتردەن ارتىق بولسا دا، الايدا اعام ەكەۋىمىزدىڭ جۇرەگىمىز بىرگە سوعادى».
تيان يۇڭ ءار جولى اعاسى ءماتتوحتى ءيبىرايىمنىڭ ۇيىنە بارعاندا شاماسىنىڭ كەلىسىنشە ونىڭ وتباسىنداعى ءىس جۇزىندىك قيىنشىلىقتارىن شەشۋىنە قولعابىس ەتەدى، ءماتتوحتى ءيبىرايىم بىلاي دەدى: «وتكەن جىلى ۇلىم ۇيلەنىپ، ۇلىمدى نوپۇستان شىعاراتىن بولدىم، ۇلىم ول كەزدەۇيدە بولماعان سوڭ، مەن بارىپ ءبىتىردىم، ابايسىزدا ۇلىمنىڭ نوپۇستاعى اتى قاتە جازىلىپ كەتىپتى، ءىنىم تيان يۇڭ ۇيگە كەلىپ بۇل ىستەن حابار تابىسىمەن قىستاق كوميتەتىنە، ساقشى بولىمشەسىنە بارىپ، ۇلىمنىڭ اتىن وزگەرتكىزىپ بەردى، تاعى ۇلىما كومەكتەسىپ سىرتقا شىعىپ جۇمىس ىستەۋ ورايىن تاۋىپ بەردى، ول راسىندا مەنىڭ بىرگە تۋعان باۋرىمداي بولىپ كەتتى».
تيان يۇڭ بىلاي دەدى: « وسى رەت تۋىسشىلاي بارعاندا ءبىر شاعىن جوسپار جاسادىم: اعام بيىل 65 جاسقا كەلسە دە، الىسقا شىعىپ كورمەپتى، ەگىس جۇمىسىنىڭ سايابىر كەزىندە اعام مەن وتباسىنداعىلاردى ۇرىمجىگە اپارىپ، ءۇرىمجىنىڭ كوركەم كورىنىسىن تاماشالاتىپ، ءدامدى تاعامدارىن جەۋگە ۇسىنىس ەتسەم، ولاردىڭ كوز اياسىن كەڭەيتىپ، اۋقاتتانۋ سەنىمىن بەكەمدەسەم دەيمىن».


بەرىپ كەت ورامالىڭدى

دوستار

الىستاعى اق ەركە