جاڭا حابارلار

جۇگىرۋ وزىڭىزگە دەگەن سەنىمدىلىكتى كۇشەيتەدى

    كەلۋ قاينارى: شينجياڭ حالىق راديو ىستانسياسى    2018-05-03 23:57:08  


 جۇگىرۋ ارقىلى بويداعى ناشار ەنەرگيادان ارىلۋعا بولادى. جۇگىرۋدىڭ تاعى قانداي پايداسى بار ەكەنىن بىلگىڭىز كەلسە پسيحولوگتىڭ كەڭەسىنە قۇلاق ءتۇرىڭىز: تاڭەرتەڭگىلىك جۇگىرۋ سەرگەك جۇرۋگە ىقپال ەتەدى. جوعارىدان تومەنگە جۇگىرۋ ارقىلى اشۋ مەن ىزانى شىعارۋعا بولادى. تەك ورتاشا جۇگىرىڭىز.  جۇمىستان سوڭ 20 مينۋتتاي جاي جۇگىرىسپەن جۇگىرىڭىز. كوڭىل كۇيىڭىز ناشار بولسا جۇگىرىڭىز. جۇگىرۋ ارقىلى بويداعى كەرى اسەر ەتەتىن ەنەرگەتيكالىق كۇيدەن جانە ۇيقىسىزدىقتان قۇتىلۋعا بولادى. الەۋمەتتىك جەلىدە ۋاقىت وتكىزگەنشە، 15 مينۋتقا جۇگىرىڭىز.  پسيحولوگيالىق كوزقاراسپەن قاراعاندا، جۇگىرۋ ادامنىڭ رۋحاني كۇش - قۋاتى تارىلعان كۇنى، وسى ادىستە جۇگىنسە ادامنىڭ جان دۇنيەسىندەگى كەلەڭسىز ەنەرگيادان قۇتىلۋعا بولادى.  تانىمال ادامدار نە ءۇشىن جۇگىرۋمەن اينالىسادى دەپ ويلايسىز... سەبەبى، ولار جۇگىرۋدىڭ پايداسىن بىلگەن.  وزگەگە ۇقساۋدى ۇيرەنبەڭىز، ءوزىڭىز ەرەكشە جەكە تۇلعا بولىپ قالعىڭىز كەلسە، جان دۇنيەڭىزدى وزگەرتكىڭىز كەلسە جۇگىرىڭىز، تاعى دا جۇگىرىڭىز.  جان دۇنيەنىڭ ازاپ تارتۋى بۇل وزىنە دەگەن سەنىمسىزدىكتەن تۋىندايدى. ءسىز تاڭعى جانە كەشكىلىك جۇگىرۋدى ماقسات ەتسەڭىز، وسى سەنىمسىزدىكتەن قۇتىلاسىز .
سپورت ميدى تىنىقتىرادى
  سالاۋاتتى ءومىر سالتىن ۇستانىپ، كۇنىنە ءبىر مەزەت سپورتپەن شۇعىلدانۋ دەنساۋلىققا پايدالى. بۇلشىق ەتتەردى شيراتىپ، سىمباتىڭدى ساقتاۋعا كومەكتەسەدى، سونداي - اق سپورت ميدى دا تىنىقتىرادى ەكەن.  پاريج بيولوگيالىق زەرتتەۋ ۋنيۆەرسيتەتىنىڭ عالىمدارى سپورتتىڭ ميعا دا پايدالى ەكەنىن زەرتتەپ، ارنايى عىلمي ماقالا جاريالادى. ولار ارنايى زەرتتەۋ بارىسىندا سپورتپەن شۇعىلدانعان ادامنىڭ ميىنا ەندورفين گورمونى كوبىرەك بولىنەتىنىن انىقتاعان. ال ەندورفين «باقىت گورمونى» دەپ تە اتالادى.  ول ءسىزدىڭ دەنساۋلىعىڭىزدا ماڭىزدى رول اتقارادى. ەستە ساقتاۋ قابىلەتىڭىزدى جاقسارتادى. ادام جانىن تىنىشتاندىرىپ، ميدى تىنىقتىرادى. عالىمدار اپتاسىنا بىرنەشە كۇن سپورتپەن شۇعىلدانۋدى ادەتكە اينالدىرۋدى كوپشىلىك نازارىنا  ۇسىنادى.  سپورت − ءتۇرلى باس اۋرۋلارى مەن جۇيكە جۇيەسى دەرتىنىڭ الدىن الۋعا بىردەن - ءبىر سەبەپشى. پاريج بيولوگيالىق زەرتتەۋ ۋنيۆەرسيتەتىنىڭ عالىمدارى نەعۇرلىم كوپ قيمىلداعان سايىن، ميدىڭ قىزمەتى دە جاقسارا تۇسەدى دەگەن توقتامعا كەلىپ وتىر. - 2014جىلى ۇلى بريتانيالىق عالىمدار دا سپورتتىڭ ميعا پايدالى ەكەنىن دالەلدەگەن ەدى. ولار ادامداردى 3 توپقا ءبولىپ زەرتتەۋ جۇرگىزگەن. العاشقى توپقا سپورتپەن مۇلدەم شۇعىلدانبايتىندار، ەكىنشى توپقا كەي كەزدەرى سپورتقا كوڭىل بولەتىندەر جانە ۇشىنشىسىنە ۇنەمى شىنىقتىرۋ ورتالىقتارىنا باراتىندار كىرگەن. زەرتتەۋ جۇمىسىنا قاتىسۋشىلار 3 جىل قاتارىنان مەديتسينالىق تەكسەرۋلەردەن وتكەن. وندا عالىمدار ادامداردىڭ ميىنىڭ جاسۋشالارىن زەرتتەگەن. ناتيجەسىندە، «ءۇشىنشى توپتاعى ادامداردىڭ وزگەلەرمەن سالىستىرعاندا ميىنىڭ جاسۋشالارى ازىراق جويىلعانى انىقتالعان» دەپ جازادى.


بەرىپ كەت ورامالىڭدى

دوستار

الىستاعى اق ەركە