جاڭا حابارلار

«ۇلتتار ىنتىماعىنىڭ بەرەكەلى شاڭىراعى» اتىنداعى گۇل ءوسىرۋ، حاتكەرلىك، قولونەر بۇيىمدار كورمەسى وتكىزىلدى

    كەلۋ قاينارى: شينجياڭ حالىق راديو ىستانسياسى    2018-05-07 13:11:45  

 ىنتىماق داۋلەتباي ۇلى حابارلايدى. پارتيا 19-قۇرىلتايىنىڭ رۋحىن ىشكەرىلەي ۇگىتتەپ جانە دايەكتىلەندىرىپ، قالىڭ حالىق بۇقاراسى مەن وقۋشىلاردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن قارۋلاندىرۋ، سونداي-اق «4-ماي» رۋحىن ايگىلەپ، ورتا مەكتەپ وقۋشىلارىنىڭ وتانشىلدىق جىگەرىنە دەم بەرۋ ارقىلى ولاردى جاستىق كوكتەمدەرىن كورىكتى دە جاراسىمدى مەكەن قۋرۋعا ارنايتىن جەتەلى ۇرپاق ەتىپ تاربيەلەۋدى كوزدە ۇستاعان بۋرىلتوعاي اۋداندىق 1-تولىق ورتا مەكتەبى 5-ايدىڭ 4-كۇنى مەكتەپ اۋلاسىندا «ۇلتتار ىنتىماعىنىڭ بەرەكەلى شاڭىراعى» اتىنداعى مەكتەپ اۋلاسىندا مادەني، جاسامپازدىق كورمە قيمىلىن وتكىزدى.
  بۇل رەتكى قيمىلدى مەكتەپ جۇمىسشىلار ۇيىمى مەن قالاشىق حالىق جولى الەۋمەتتىك اۋماعى بىرلىكتە ۇيىمداستىردى. قيمىلعا وقىتۋشىلار مەن وقۋشىلار وزدەرى باپتاپ وسىرگەن الۋان ءتۇرلى گۇلدەردەن 180 نەن استامىن، كوركەم جازۋ، حۇسنيحات، سىزبالاردان 200 دەن استامىن، قولونەر بۇيىمدارىنان 200 گە جۋىعىن كورمەگە قويدى. كورمە اشىلعاننان كەيىن الەۋمەتتىك اۋماق تۇرعىندارىمەن باسقا دا ادامدار مەكتەپ اۋلاسىنا كەلىپ، وقىتۋشى-وقۋشىلارمەن بىرگە كورمەنى تاماشالادى. ولار كوزدىڭ جاۋىن الاتىن قۇلپىرا شەشەك اتقان الۋان گۇلدەردى، وقۋشىلاردىڭ زەردەلەرىمەن زەرەلەنگەن سان ءتۇرلى قولونەر بۇيىمدارىن، الۋان بوياۋمەن ايشىقتالعان حۇسنيحات تۋىندىلارىن تاماشالادى ءارى وقۋشىلاردىڭ جاستىق كوكتەمدەرىن جاسامپازدىققا ارناپ، تەنتەك تەبىن، ورشىل تالانت تانىتقانىنا ءدن ريزا بولىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ كۇن ىلگەرى جۇزەگە اساتىندىعىنا سەنىمدەرىنىڭ كامىل ەكەندىكتەرىن ءبىلدىرىستى.
  بۇل رەتكى كورمە قيمىلىنىڭ مازمۇنى باي، تاربيەلىك رولى اسا جوعارى بولىپ، وقىتۋشىلار مەن الەۋمەتتىك اۋماق تۇرعىندارىنىڭ بەرەكەسىن نىعايتۋمەن بىرگە، وقۋشىلاردىڭ جاسامپازدىق جاراتۋ، ۇلەس قوسۋ سەنىمدەرىن بەكەمدەي ءتۇستى.
  ەرىكتى ءتىلشىمىزدىڭ قىزمەت ورنى: بۋرىلتوعاي اۋداندىق 1-تولىق ورتا مەكتەپ

بەرىپ كەت ورامالىڭدى

دوستار

الىستاعى اق ەركە