جاڭا حابارلار

ءولىمدى ەلەڭ قۇرلى كورمەيتىن توڭكەرىسشى ــــــ چىن يان-نيان

    كەلۋ قاينارى: شينجياڭ حالىق راديو ىستانسياسى    2018-05-07 11:26:44  

5-ايدىڭ 7-كۇنى : «ءولىمدى ەلەڭ قۇرلى كورمەيتىن توڭكەرىسشى
ــــــ چىن يان-نيانمەن » تانىساسىزدار:
چىن يان-نيان، تاعى ءبىر اتى شيا يان، انحۇيدىڭ حۋاينيڭىنان، چىن دۋشيۋدىڭ ۇلكەن ۇلى، 1898- جىلى دۇنيەگە كەلگەن. 1919- جىلى 12- ايدىڭ سوڭعى شەنىندە فرانسياعا بارىپ ەڭبەك ىستەي ءجۇرىپ وقىعان. 1921- جىلى باستابىندا سەنگەن ۇكىمەتسسىزدىكتەن ءباز كەشىپ، ماركسيزمگە سەنگەن. 1922- جىلى 6- ايدا، جاۋ شىيان، جوۋ ىنلايلارمەن بىرگە ەۆروپاداعىلاردىڭ كوممۋنيزم ۇيىمى ــــــ جۇڭگو ورەندەر كوممۋنيستىك پارتياسىن قۇرادى، ءارى ۇگىت ءبولىمىنىڭ باستىعى مىندەتىن ۇستىنە الادى. سول جىلى كۇزدە فرانسيا كوممۋنيستىك پارتياسىنا كىرەدى. كوپ وتپەي جۇڭگو كوممۋنيستىك پارتياسىنا مۇشە بولادى.
 1924- جىلى 10- ايدا، چىن يان-نيان ەلگە ورالعاننان كەيىن پارتيا ورتالىق كوميتەتى ونى گۋاڭجوۋعا جىبەرىپ،  ىلگەرىندى-كەيىندى سوتسياليستىك جاستار وداعى ورتالىق كوميتەتىنىڭ گۋاڭدۇڭدا تۇراتىن ەرەكشە ۋاكىلى، جۇڭگو كوممۋنيستىك پارتياسى گۋاڭدۇڭ رايوندىق كوميتەتىنىڭ حاتشىسى، قوسىمشا ۇيىمداستىرۋ ءبولىمىنىڭ باستىعى بولادى. كوپ وتپەي،  جوۋ ىنلايدىڭ ورنىنا جۇڭگو كوممۋنيستىك پارتياسى گۋاڭدۇڭ رايوندىق  كوميتەتىنىڭ شۋجيى بولادى.  ول پارتيا قۇرىلىسىن كۇشەيتۋگە ايىرىقشا ءمان بەرىپ، رايوندىق كوميتەتتىڭ باسشىلىق قۇرىلىمىن كەمەلدەندىرىپ، پارتيا ساباعى ءتۇزىمىن ورناتىپ، پارتيا مۇشەلەرىن تاربيەلەۋگە جانە وقىتۋعا كۇش سالىپ، پارتيانىڭ بەرەكەسىن نىعايتادى. 1927- جىلى 3- ايعا دەيىن، گۋاڭدۇڭداعى پارتيا ۇيىمىنىڭ مۇشەسى 9 مىڭنان اسىپ، سول كەزدەگى  ەلىمىز بويىنشا پارتيا مۇشەسى  ەڭ كوپ، ۇيىمدىق قۇرىلىمى ەڭ كەمەلدى،  جوعارى دەڭگەيلى ۇيىسۋ قۋاتى مەن جاۋىنگەرلىك قۋاتى بار جەرگىلىكتى پارتيا ۇيىمىنىڭ ءبىرى بولادى.
  1924- جىلى 11- ايدا، چىن يان-نيان جوۋ ىنلايمەن سەلبەسىپ تەڭىز، قۇرىلىق ارمياسىنىڭ اعا مارشالدار مەكەمەسى ساۋىتتى اۆتوموبيل قوسىنىن قۇرادى. 1925- جىلى 11- ايدا، ساۋىتتى اۆتوموبيل قوسىنى نەگىزىندە، جوۋ ىنلاي، چىن يان-نيان سياقتىلار اقىلداسىپ، حۋاڭپۋ اسكەري مەكتەبىنەن بىتىرگەن وقۋشىلار اراسىندا تاعى ءبىر توپ كوممۋنيستىك پارتيا مۇشەسى مەن كوممۋنيستىك جاستار وداعى مۇشەسىن سارالاپ تىرەكتى ەتىپ،  ايگىلى يە تيڭ دەربەس تۋانىن قۇرادى.
 
1925- جىلى 6- ايدا، چىن يان-نيان، سۋ جاۋجىڭ، دىڭ جۇڭشيالار  جۇڭگو مەن شەتەلدى ءدۇر سىلكىندىرگەن گۋاڭجوۋ-شياڭگاڭ جۇمىس تاستاۋ قيمىلىنا باسشىلىق ەتەدى. 1927- جىلى 4- ايدا، چىن يان-نيان ۋحانعا بارىپ پارتيانىڭ 5- قۇرىلتايىنا قاتىناسقاندا ورتالىق كوميتەت ونى  جۇڭگو كوممۋنيستىك پارتياسى جىجياڭ رايوندىق كوميتەتىنىڭ شۋجيىلىعىنا تاعايىندايدى، ول دەرەۋ شاڭحايعا بارا جاتقان جولىندا شاڭحايدا «12- ءساۋىر» توڭكەرىسكە قارىسى ساياسي وزگەرىس تۋىلادى.
1927- جىلى 6- ايدا، جۇڭگو كوممۋنيستىك پارتياسى ورتالىق كوميتەتى جىجياڭ رايوندىق كوميتەتتى كۇشىنەن قالدىرىپ، جەكە-جەكە جياڭسۋ ولكەلىك كوميتەتتى جانە جىجياڭ ولكەلىك كوميتەتتى قۇرادى، چىن يان-نيان جۇڭگو كوممۋنيستىك پارتياسى جياڭسۋ ولكەلىك كوميتەتىنىڭ شۋجيلىعىنا تاعايىندالادى  اق ءتۇستى لاڭكەستىكتە قالعان شاڭحايدا چىن يان-نيان، جاۋ شىياندار حاۋىپكە قاراماي، قىزمەت ورنالاستىرىپ، بىتىراپ كەتكەن جولداستاردى ىزدەپ، پارتيا ۇيىمىن قالپىنا كەلتىرىپ جانە قايتا قۇرىپ، بەلسەنە كۇرەس جاسايدى. 6-ايدىڭ 26- كۇنى،گومينداڭ پارتياسىنىڭ اسكەرلەرى مەن ساقشىلارى چىن يان-نياندى تۇتقىندايدى.
1927- جىلى 7-ايدىڭ 4- كۇنى كەشتە،گومينداڭ پارتياسىنىڭ كەرتارتپا اسكەرلەرى مەن ساقشىلارى چىن يان-نياندى راقىمسىزدىقپەن ولتىرەدى.


بەرىپ كەت ورامالىڭدى

دوستار

الىستاعى اق ەركە