جاڭا حابارلار

لي كىچياڭ يندونەزياداعى رەسىمي ساپارىن باستادى

    كەلۋ قاينارى: جۇڭگو قازاق راديو تورابى    2018-05-07 11:49:12  

 يندونەزيا پرەزيدەنتى زوكو ۋيدودونىڭ ۇسىنىسى بويىنشا، جەرگىلىكتى ۋاقىت 6-مامىر تۇستەن كەيىن مەملەكەتتىك كەڭەستىڭ زۇڭليى لي كىچياڭ ارناۋلى ايروپىلانمەن جاكارتاداعى سۋكارنو-حادا اۋەجايىنا جەتىپ، يندونەزياداعى رەسىمي ساپارىن باستادى

 


لي كىچياڭ ايروپىلاننان تۇسكەندە سالتانات قاراۋىلدارى قىزىل كىلەمنىڭ ەكى جاعىنا ورنالاسىپ قۇرمەت ءبىلدىردى. يندونەزيا تەڭىز-مۇحيت ىستەرىن ءبىر تۇتاس جوسپارلاۋ مينيسترى لۋحۋت قاتارلى ۇكىمەتتىڭ جوعارى دارەجەلى ءمانساپتىلارى ايروپىلان باسپالداعى قاسىندا قىزۋ ىنتامەن قارسى الدى. جۇڭگونىڭ يندونەزياداعى ەلشسى شياۋ چيان، شىعىس وڭتۇستىك ازيا ەلدەر وداعىنداعى باس ەلشسى حۋاڭ شيليان اۋە جايعا بارىپ قارسى الدى.
لي كىچياڭ بىلاي دەدى: جۇڭگو مەن يندونەزيا ءبىر-بىرىنە ماڭىزدى كورشى ەلدەر، ءتوراعا شي جينپيڭ 2013-جىلى يندونەزيادا تابىستى ساپاردا بولعاننان بەرى، ەكى ەل دامۋ ستراتەگياسىن بەلسەنە توعىستىرىپ، ءتۇرلى سالاداعى سەلبەستىكتەرىنىڭ تابىسى قوماقتى بولدى. بيىل جۇڭگو مەن يندونەزيانىڭ جالپى بەتتىك ستراتەگيالىق سەرىكتەستىك قاتىناس ورناتقاندىعىنا 5 جىل تولادى. ساياسي ءوزارا سەنىمدىلىكتى بەكەمدەپ، ءوزارا ءتيىمدى سەلبەستىكتى تەرەڭدەتىپ، حالىقتار دوستىعىن نىعايتۋ ءۇشىن وسى رەت ساپاردا بولدىم. ەكى جاقتان ورتاق قۇلشىنىپ، ەكى ەل قاتىناسى مەن ءتۇرلى سالاداعى سەلبەستىكتى جەبەپ، ەكى ەل حالقىنا ءتىپتى دە كوپ باقىت جاراتۋدى ءۇمىت ەتەمىز.
لي كىچياڭ بىلاي دەدى: شىعىس وڭتۇستىك ازيا ەلدەر وداعى-جۇڭگونىڭ ماڭىزدى سەرىگى، بيىل جۇڭگو مەن شىعىس وڭتۇستىك ازيا ەلدەر وداعى ستراتەگيالىق سەرىكتەستىك قاتىناس ورناتقاندىعىنىڭ 15 جىلدىعى. جۇڭگو يندونەزيانى قامتىعان شىعىس وڭتۇستىك ازياداعى ءار ەلمەن بىرلىكتە ورايدى مىقتى ۇستاپ، جۇڭگو-شىعىس وڭتۇستىك ازيا ەلدەر وداعى قاتىناسى مەن سەلبەستىگىنىڭ ءتىپتى دە زور دامۋىن ىسكە اسىرۋدى جەبەپ، توڭىرەكتەگى ەلدەردىڭ تاعدىرلاس ورتاق تۇلعاسىن بىرلىكتە قۇرىپ، رايوننىڭ بەيبىت، ورنىقتىلىعىن جانە دامۋىن جەبەيدى.
يندونەزياداعى ساپارى كەزىندە، لي كىچياڭ زوكو پرەزيدەنتپەن كەڭەسىپ، دوستىق اعاشىن ەگىپ، ەكى جاقتىڭ سەلبەستىك قۇجاتتارىنىڭ قول قويىلۋىنا كۋا بولىپ، تىلشىلەردى بىرگە قابىلداپ، ورىنباسار پرەزيدەنت كاللامەن كەزدەسىپ، جۇڭگو-يندونەزيا ونەركاسىپ ساۋدا باسشىلار كەڭەسىنە قاتىناسادى. لي كىچياڭ جاكارتاداعى شىعىس وڭتۇستىك ازيا ەلدەر وداعى حاتشىلار باسقارماسىنا بارىپ، شىعىس وڭتۇستىك ازيا ەلدەر وداعىنىڭ باس حاتشسى لين يۇيحۇيمەن كەزدەسەدى جانە جۇڭگو-شىعىس وڭتۇستىك ازيا ەلدەر وداعىنىڭ ستراتەگيالىق سەرىكتەستىك قاتىناس ورناتقاندىعىنىڭ 15 جىلدىعىن قۇتتىقتاۋ قيمىلىنا قاتىناسادى.
مەملەكەت ىستەر جوراسى، مەملەكەتتىك كەڭەستىڭ باس حاتشسى شياۋ جيە، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك دامۋ جانە رەفورمالاۋ كوميتەتىنىڭ مەڭگەرۋشسى حى ليفىڭ قاتارلىلار ساپاردا بىرگە بولدى.


بەرىپ كەت ورامالىڭدى

دوستار

الىستاعى اق ەركە