جاڭا حابارلار

سەنىمنەن ماڭگى اينىماعان - جاۋ شىيان

    كەلۋ قاينارى: شينجياڭ حالىق راديو ىستانسياسى    2018-05-08 11:48:14  

 -5ايدىڭ 8-كۇنى : «سەنىمنەن ماڭگى اينىماعان - جاۋ شىيانمەن» تانىساسىزدار:
1901- جىلى جاۋ شىيان سىچۋاننىڭ يوۋياڭىندا(قازىرگى چۇڭچيڭ قالاسىندا) دۇنيەگە كەلەدى. 1915- جىلى جاۋ شىيان بەيجيڭ جوعارى دارەجەلى پەداگوگيكا مەكتەبىنە قاراستى ورتا مەكتەپكە وتەدى. 1919- جىلى لي داجاۋدىڭ تانسىتىرۋمەن وسپىرىمدەر جۇڭگو قوعامىنا كىرىپ، 4- مامىر وتانشىلدىق قوزعالىسىنا بەلسەنە قاتىناسىپ، «جاي بۇقارا اپتالىق جۋرنالى»، «ورەندەر» جارتى ايلىق جۋرنالى جانە «گۋڭدۋ» جارتى ايلىق جۋرنالى سياقتى العاباسار جۋرنال باسىلىمداردىڭ باس رەداكتورلىق جۇمىسىنا قاتىناسىپ، يمپەرياليزمگە، فەودالدىققا قارسى تۇرۋ يدەياسىن ۇگىتتەيدى. 
1920- جىلى 5- ايدا، جاۋ شىيان فرانسياعا بارىپ جۇمىس ىستەي ءجۇرىپ وقيدى. 1921-جىلى كوكتەمدە، جاڭ شىنفۋ، جوۋ ىنلايلارمەن بىرگە فرانسياداعى جۇڭگو كوممۋنيستىك پارتياسىنىڭ العاشقى مەزگىلدەگى ۇيىمىن باستاپ قۇرىپ، جۇڭگو كوممۋنيستىك پارتياسىنىڭ مۇشەسى بولادى. 1922- جىلى جوۋ ىنلاي قاتارلىلار ەۆروپاداعى جۇڭگو وسپرمدەر كوممۋنيستىك پارتياسىن قۇرىپ، ول ورتالىق اتقارۋ كوميتەتىنىڭ شۋجيلىعىنا تاعايىندالادى، وسىدان كەيىن تاعى جۇڭگو كوممۋنيستىك پارتياسىنىڭ ەۆروپاداعى باس ياچەيكاسىنىڭ مۇشەسى جانە ج ك پ- نىڭ فرانسياداعى ۇيىمىنىڭ شۋجيىنا تاعايىندالادى. 1923- جىلى جاۋ شىيانمەن چىن ياننيان، ۋاڭ يانفەيلەر ءبىر توپ جاستاردى باستاپ موسكۆاداعى شىعىس ەڭبەكشىلەر كوممۋنيزم   ۋنيۆەرسيتەتىنە بارىپ وقيدى.
1924- جىلى جاۋ شىيان ەلگە ورالىپ قىزمەت ىستەپ، ىلگەرىندى- كەيىندى ج ك پ بەيجيڭ جەرگىلىكتى اتقارۋ كوميتەتىنىڭ باستىقتىعىنا ، ج ك پ سولتۇستىك رايون اتقارۋ كوميتەتى ۇگىت ءبولىمىنىڭ باستىقتىعىنا جانە جۇمسشى- قىزمەتكەرلەر قوزعالىسى كوميتەتىنىڭ مەڭگەرۋشىلىگىنە تاعايىندالىپ، لي داجاۋدىڭ سولتۇستىكتەگى ءار قايسى ولكەنىڭ كۇرەسىنە باسشىلىق ەتۋىنە سەلبەسەدى.  1926- جىلى 3- ايدا، جاۋ شىيان گۋاڭجوۋدا اشىلعان ءۇشىنشى رەتكى مەملەكەتتىك ەڭبەك قۇرىلتايىنا قاتىناسادى. ماجىلىستەن كەيىن، پارتيا ورتالىق كوميتەتى جاۋ شىياندى ج ك پ جياڭسۋ- جىجياڭ رايوندىق كوميتەتى ۇيىمداستىرۋ ءبولىمىنىڭ باستىقتىعىنا، شاڭحاي باس جۇمسشى ۇيىمى پارتيا- توپتار شۋجيىنا تاعايىندايدى، ءارى  جياڭسۋ- جىجياڭ رايوندىق كوميتەت، اسكەري كوميتەتتىڭ شۋجيى مىندەتىن اتقارادى. ج ك پ جياڭسۋ- جىجياڭ رايوندىق كوميتەتتىڭ باسشىلىعى مەن ۇيىمداستىرۋىندا، شاڭحايداعى ءار سالا جۇمسشىلارىنىڭ جۇمىس تاستاۋ كۇرەسى تولاسسىز تۋىلادى. 1927- جىلى 3-ايدىڭ 21- كۇنى، شاڭحاي جۇمسشىلارى ءۇشىنشى رەتكى قارۋلى كوتەرىلىس جاسايدى، قارۋلى كوتەرىلستە، جاۋ شىيان ءوزى باس بولىپ، ەرلىكپەن اتويلاپ العا شىعادى. 30 نەشە ساعات قيانكەسكى سوعىستان كەيىن كوتەرىلسشىلەر قوسىنى ميليتاريستەر اسكەري ءبولىمىن جەڭەدى. بۇل ۇلى توڭكەرىس كەزىندەگى جۇڭگو جۇمسشىلار قوزعالىسىنىڭ ءبىر رەتكى ۇلى ءىسى سانالىپ، سولتۇستىككە جورىق جاساعان ارميانىڭ جياڭسۋ- جىجياڭ سوعىس مايدانىندا جەڭىسكە جەتۋىنە ماڭىزدى ۇلەس قوسادى.
1927- جىلى 4- ايدا، جياڭ جيەشى توڭكەرىسكە وپاسىزدىق جاساپ، توڭكەرىسكە قارسىساياسي وزگەرىس قوزعاپ، كوممۋنيستەر مەن توڭكەرستىك بۇقارانى قىناداي قىرادى. 1927- جىلى 7- ايدىڭ 2- كۇنى ، جاۋ شىيان باقىتقا قارسى قولعا تۇسەدى. ول اياۋسىز قيناۋعا ۇشىراسادا، باس يمەيدى. 7- ايدىڭ 19- كۇنى، جاۋ شىيان ەرلىكپەن قۇربان بولىپ، 26جاستاعى جاستىق ءومىرى مەن جالىندى جىگەرىن توڭكەرستىك ىستەرگە ارنايدى


بەرىپ كەت ورامالىڭدى

دوستار

الىستاعى اق ەركە