جاڭا حابارلار

اۆتونوميالى رايوندىق ءتارتىپ تەكسەرۋ كوميتەتى كەدەيلەردى سۇيەمەلدەۋ سالاسىنداعى 7 رەتكى ءىرىپ-ءشىرۋ جانە ستيل ماسەلەسى تيپتىك دەلوسىن اشكەرەلەدى

    كەلۋ قاينارى: شينجياڭ حالىق راديو ىستانسياسى    2018-05-09 13:47:25  
ستانسيامىزدىڭ حابارى: تاياۋدا، اۆتونوميالى رايوندىق ءتارتىپ تەكسەرۋ كوميتەتى كەدەيلەردى سۇيەمەلدەۋ سالاسىنداعى 7 رەتكى ءىرىپ-ءشىرۋ جانە ستيل ماسەلەسى تيپتىك دەلوسىن اشكەرەلەدى. وسى 7 تيپتىك دەلو مىنالار:
اقتاۋ اۋدانى تار اۋىلدىق پارتكومنىڭ بۇرىنعى شۋجيى ياۋ چياڭنىڭ كەدەيلەردى سۇيەمەلدەۋ، اپاتتان قۇتقارۋ ارناۋلى قارجىسىن قىمقىرۋ سياقتى ماسەلەسى. 2015-جىلى 6-ايدان 2017-جىلى 12-ايعا دەيىن، ياۋ چياڭ قىزمەت قولايلىلىعىنان پايدالانىپ، جالعان توقتام جاساسۋ، جالعان تالون كەسۋ سياقتى تاسىلدەرمەن كەدەيلەردى سۇيەمەلدەۋ، اپاتتان قۇتقارۋ ارناۋلى قارجىسىنان 83 مىڭ يۋاندى قىمقىرعان؛ بىرنەشە جەكە باسقارۋىنداعى كاسىپورىن قوجايىنىنىڭ تاپسىرۋىمەن، اۋىلدىڭ مالشىلاردى وتىرىقتاندىرىپ، مال شارۋاشىلىعىن كوركەيتۋ ينجەنەرياسى، كومىر ساتىپ الۋ، قارجى بوساتۋ سياقتى جاقتارىندا قارسى جاققا پايدا جەتكىزىپ، ولاردان جيىنى 627 مىڭ يۋان اقشا جانە دۇنيە-مۇلىك العان. 2018-جىلى 1-ايدا، ياۋ چياڭعا پارتيادان ايداۋ، قىزمەت مىندەتىنەن قالتىرۋ جازاسى بەرىلدى، ونىڭ زاڭعا قايشى قىلمىس ماسەلەسى ءادىليا ورگاندارىنىڭ زاڭ بويىنشا ءبىر جايلى ەتۋىنە تاپسىرىپ بەرىلدى.
حوتان قالاسى سورباق اۋىلىنىڭ ءىسورىن شتاتى كادرى، چەدر قىستاعى پارتيا ياچەيكاسىنىڭ بۇرىنعى شۋجيى ءماتتۇرسىن مامەتتىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا سالىنعان بىرنەشە بەيقۇت ءۇيدىڭ كومەك قاراجاتىنان بەلگىلەمەگە قايشى يگىلىكتەنۋ ماسەلەسى. 2011-جىلدان 2016-جىلعا دەيىن، ءماتتۇرسىن مامەت قىزمەت قولايلىلىعىنان پايدالانىپ، ءوزى جانە 4 ۇلى 14 بەيقۇت ءۇيدىڭ كومەك قارجىسىنان جيىنى 362 مىڭ 500 يۋان اقشادان بەلگىلەمەگە قايشى يگىلىكتەنگەن. بۇدان سىرت، ءماتتۇرسىن مامەتتە تاعى باسقا دا زاڭ-تارتىپكە قايشى ماسەلەلەر ورىن تەپكەن. 2018-جىلى 2-ايدا، ءماتتۇرسىن مامەتكە پارتيادان ايداپ، قىزمەت مىندەتىنەن قالتىرۋ جازاسى بەرىلدى، ونىڭ زاڭعا قايشى قىلمىس ماسەلەسى ءادىليا ورگاندارىنىڭ زاڭ بويىنشا ءبىر جايلى ەتۋىنە تاپسىرىپ بەرىلدى.
چاپشال سىبە اۆتونوميالى اۋدانى جاعىستاي اۋىلىنىڭ بۇرىنعى ورىنباسار باستىعى تۇرسىنمامەت سىراجىديننىڭ بەلگىلەمەگە قايشىلىق جاساپ، كەدەيلەردى سۇيەمەلدەۋ تومەن ءوسىمدى قارىز اقشاسىنان يگىلىكتەنۋ، اپاتتان قۇتقارۋ قارجىسىن باسقاعا جۇمساۋ ماسەلەسى. 2015-جىلدان 2017-جىلعا دەيىن، تۇرسىنمامەت سىراجىدين ايەلى ارزىگۇل ءيمىنجاننىڭ اتىندا ءار جىلى بەلگىلەمەگە قايشىلىق جاساپ، 10 مىڭ يۋان تومەن ءوسىمدى كەدەيلەردى سۇيەمەلدەۋ قارىز اقشاسىنان يگىلىكتەنگەن؛ ەسىمدىك داپتەرىن جالعاننان جاساپ تاراتۋ ءتاسىلى ارقىلى 100 مىڭ يۋان اپاتتان قۇتقارۋ قارجىسىن باسقاعا جۇمساعان. بۇدان سىرت تۇرسىنمامەت سىراجىديندە باسقا دا زاڭ-تارتىپكە قايشى ماسەلەلەر ورىن تەپكەن. 2018-جىلى 3-ايدا، تۇرسىنمامەتكە پارتيادان ايداپ، قىزمەت مىندەتىنەن قالتىرۋ جازاسى بەرىلدى، ونىڭ زاڭعا قايشى قىلمىس ماسەلەسى ءادىليا ورگاندارىنىڭ زاڭ بويىنشا ءبىر جايلى ەتۋىنە تاپسىرىپ بەرىلدى.
ەۋىرعول رايوندىق مال شارۋاشىلىعى، مال شيپاگەرلىك مەكەمەسى پارتگرۋپپاسىنىڭ شۋجيى، ورىنابسار مەكەمە باستىعى پارحات مامەتتىڭ كەدەيلەردى سۇيەمەلدەۋ، تاربيەلەۋ ارناۋلى قارجىسىن ۇستاپ قالۋ ماسەلەسى. 2014-جىلى 8-ايدا، پارحات مامەت ەۋىرعول رايوندىق اۋىل شارۋاشىلىعى ەكونوميكا مەكەمەسى بوساتقان 22 مىڭ يۋان ءۇي قۇستارىن باعۋ تەحنيكاسىن ۇيرەتۋ، كەدەيلەردى سۇيەمەلدەۋ ارناۋلى قارجىسىنىڭ 10 مىڭ يۋانىن ۇستاپ قالىپ، ونى مەكەمەنىڭ باسقا شىعىسىنا جۇمساعان. 2016-جىلى، پارحات مامەت قىزمەتكەرىنە 60 مىڭ يۋان كەدەيلەردى سۇيەمەلەۋ ارناۋلى قارجىسىن ۇستاپ قالۋ جايلى اقىل كورسەتىپ، ونى مەكەمەنىڭ ەسەبىنە ەنگىزىپ قازىرگە دەيىن ساقتاعان. 2018-جىلى 2-ايدا، پارحات مامەتكە پارتيا ىشىندە قاتاڭ ەسكەرتۋ جازاسى بەرىلدى.
ياركەن اۋداندىق حالىق ۇكىمەتى پارتگرۋپپاسىنىڭ بۇرىنعى مۇشەسى، ورىنباسار اكىمى جوۋ پىڭنىڭ كەدەيلەردى سۇيەمەلدەۋ قىزمەتىنە جاۋاپتى بولۋدا مىندەتىن اتقارۋى پارمەنسىز بولۋ، قىزمەتىن جاقسى وتەمەۋ، جاۋاپكەرلىگىن اتقارماۋ ماسەلەسى. 2016-جىلى 7-ايدان 2017-جىلى 9-ايعا دەيىن، جوۋ پىڭ وسى اۋداننىڭ كەدەيلەردى سۇيەمەلدەۋ قىزمەتىنە جاۋاپتى ورىنباسار اكىمى بولىپ تۇرعاندا، كەدەي وتباسىلارىن كوشىرىپ ورنالاستىرۋ قىزمەتىندە، ورنالاستىرۋ تۇيىنىندەگى نەگىزگى قۇرىلعى قۇرىلىسىن ىلگەرىلەتۋى پارمەنسىز بولىپ، كوشىرىلگەن كەدەي وتباسىلاردىڭ ءوندىرىس، تۇرمىس، كاسىپتەندىرۋ، كىرىسىن ارتتىرۋ سياقتى جاعدايىن باسقارماي، حال-جاعدايىن سۇراماي، كەدەي وتباسىلارىنىڭ مۇددەسىن زيانعا ۇشىراتىپ، ناشار ىقپال تۋدىرعان. بۇدان سىرت، جوۋ پىڭدا تاعى باسقا دا زاڭ-تارتىپكە قايشى ماسەلەلەر ورىن تەپكەن. 2018-جىلى 1-ايدا، جوۋ پىڭعا پارتيادان ايداپ، قىزمەت مىندەتىنەن قالتىرۋ جازاسى بەرىلدى، ونىڭ زاڭعا قايشى قىلمىس ماسەلەلەرى ءادىليا ورگاندارىنىڭ زاڭ بويىنشا ءبىر جايلى ەتۋىنە تاپسىرىپ بەرىلدى.
كەريا اۋداندىق حالىق ىستەرى مەكەمەسىنىڭ بۇرىنعى ورىنباسار باستىعى حۋاڭ ۋىنشيننىڭ كەدەيلەردى سۇيەمدەلدەۋ قىزمەتىندە مىندەتىن جاقسى وتەمەۋ، جاۋاپكەرلىگىن اتقارماۋ ماسەلەسى. 2016-جىلدان 2017-جىلعا دەيىن، حۋاڭ ۋىنشين تومەن كىرىستەگىلەردى قامتاماسىزاندىرۋ قىزمەتىنە جاۋاپتى ورىنباسار مەكەمە باستىعى بولىپ تۇرعان كەزىندە، مىندەتىن جاقسى اتقارماي، قاتاڭ تەكسەرمەي، اۋدانداعى شارتقا ۇيلەسپەيتىن 770 ادامعا بەلگىلەمەگە قايشىلىق جاساپ ءبىر ميلليون 765 مىڭ 600 يۋان تومەن كىرىستەگىلەردى قامتاماسىزداندىرۋ قارجىسىن الىپ بەرگەن. مۇنىڭ ىشىندە، قازىنالىق جاقتا قارايلاسۋ كولەمىندەگى 346 ادام ءبىر ميلليون 159 مىڭ ءبىر ءجۇز يۋان الىپ، قازا بولعان 424 ادامنىڭ ءۇي ىشىندەگىلەر 606 مىڭ 500 يۋاننان يگىلىكتەنگەن. 2018-جىلى 3-ايدا، حۋاڭ ۋىنشينگە پارتيا ىشىندە قاتاڭ ەسكەرتۋ جازاسى، اكىمشىلىك كۇنا جازۋ جازاسى بەرىلدى.
ءپايزاۋات اۋدانى جامباز اۋىلى گال قىستاعى پارتيا ياچەيكاسىنىڭ بۇرىنعى شۋجيى قۇربان روزىنىڭ، قىستاق تۇرعىندار كوميتەتىنىڭ بۇرىنعى ورىنباسار مەڭگەرۋشىسى ساۋىت اۋىتتىڭ مىندەتىن جاقسى وتەمەۋ، جاۋاپكەرلىگىن اتقارماۋ ماسەلەسى. 2017-جىلى، قۇربان روزى، ساۋىت اۋىت قستاقتىڭ كەدەيلەردى سۇيەمەلدەۋ نىسانىن ءوتىنىش ەتۋگە مالىمدەۋدە وتكەلەكتى قاتاڭ مەڭگەرمەي، قىستاق تۇرعىندارىنىڭ 3 قورا-قالتقى نىسانى مەن 5 اۋلا شارۋاشىلىعى نىسانىن قايتالاي ءوتىنىش ەتىپ مالىمدەگەن، بۇعان سايعان كەدەيلەردى سۇيەمەلدەۋ قارجىسى 43 مىڭ يۋان بولعان. 2018-جىلى 3-ايدا، قۇربان روزىعا، ساۋىت اۋىتقا جەكە-جەكە پارتيا ىشىندە قاتاڭ ەسكەرتۋ بەرۋ شاراسى كورىلدى.

بەرىپ كەت ورامالىڭدى

دوستار

الىستاعى اق ەركە