جاڭا حابارلار

كۇزگى جيىن-تەرىن كوتەرىلىسىنىڭ وشپەس ەسكەرتكىشى ـــ لۋ دىميڭ

    كەلۋ قاينارى: شينجياڭ حالىق راديو ىستانسياسى    2018-05-09 13:52:25  
لۋ دىميڭ ـــ 1905-جىلى 6-ايدىڭ 9-كۇنى دۇنيەگە كەلگەن. بالا كەزىندە «4-مامىر» جاستار قوزعالىسىنىڭ ىقپالىنا ۇشىراعان، «جالىندى جاستار» اتتى العا باسار كىتاپ-جۋرنالداردى وقىعاننان كەيىن، ماركسيزمدى قابىلداعان. 1924-جىلى 2-ايدا، ول سۇن جۇڭشاننىڭ اۋىزشا ەمتيحانىنان ءوتىپ، حۋاڭپۋ اسكەري مەكتەبىنە قابىلدانادى. حۋاڭپۋ اسكەري مەكتەبىندە وقىپ جۇرگەن كەزىندە جۇڭگو كوممۋنيستىك پارتياسىنا مۇشە بولادى.
1925-جىلى 2-ايدا، ول جازا جورىعىن جاساعان ميليتاريىس چىن جيۇڭميڭنىڭ شىعىسقا جورىق شايقاسىنا قاتىناسىپ، وقۋشى اسكەرلەردەن ۇيىمداسقان بارلاۋ-تەكسەرۋ قوسىنىنىڭ باستىعى بولادى. سول جىلى 6-ايدا، وقۋ تاۋىسىپ مەكتەپتە قالاپ، ساياسي ءبولىم ۇيىمداستىرۋ ءبولىمىنىڭ قىزمەتكەرى بولادى. 1925-جىلى 11-ايدا، حالىقتىق توڭكەرىستىك ارمياسىنىڭ 4-ارميا يە تيڭ دەربەس تۋانىنا اۋىسىپ، ەكىنشى يىڭ 4-ليانىنىڭ باستىعى بولادى. 1926-جىلى 5-ايدا، دەربەس تۋان سولتۇستىككە جورىق جاساۋ اسكەري ءبولىمنىڭ اتويشىسى بولىپ، گۋاڭدۇڭ ولكەسىنىڭ جاۋچيڭىنان جولعا شىعىپ، حۋنانعا بارادى. 6-ايدىڭ باس شەنىندە، لۋ دىميڭ ءان-رىن اۋدان قالاشىعىنىڭ سولتۇستىگىندەگى لۋتيان قالاشىعىن قورعاپ،شابۋىل جاساعان جاۋدى جەڭۋدەن سىرت، تاعى ىرىقتىلىقپەن قايتارما سوققى بەرىپ، جاۋدى ويسىراتا جەڭىپ، يە تيڭنىڭ القاۋىنا بولەنەدى.
1927-جىلى 6-ايدا، حالىقتىق توڭكەرىستىك ارميانىڭ ەكىنشى باعىت باس قولباسشىلىق شتابى ۋچاڭدا قورعاۋشىلار تۋانىن قۇرادى، لۋ دىميڭ جۇڭگو كوممۋنيستىك پارتياسىنىڭ جىبەرۋىمەن تۋان باستىعى بولىپ مىندەت وتەيدى. 1927-جىلى 9-ايدا، لۋ دىميڭ قورعاۋشىلار تۋانىن باستاپ، ماۋ زىدۇڭنىڭ باسشىلىعىنداعى حۋنان-جياڭشي شەكاراسىنداعى كۇزگى جيىن-تەرىن قوزعالىسىنا قاتىناسىپ، ديحان-جۇمىسشى توڭكەرىستىك ارمياسىنىڭ 1-جۇن 1-شىسىنىڭ باس قولباسشىسى، جۇڭگو كوممۋنيستىك پارتياسى حۋنان ولكەلىك كوميتەتىنىڭ الدىڭعى شەپ كوميتەتىنىڭ مۇشەسى بولادى. قوزعالىس ساتسىزدىككە ۇشىراعاننان كەيىن، 9-ايدىڭ 19-كۇنى، ۋىنجيا قالاسىنداعى الدىڭعى شەپ كوميتەتىنىڭ ماجىلىسىندە ماۋ زىدۇڭ چاڭشاعا شابۋىل جاساۋدان باس تارتۋدى دارىپتەپ، كوتەرىلىسشى ارميانى جاۋ كۇشى ءالسىز اۋىل-قىستاقتاعى تاۋلى وڭىرگە قاراي ويىستىرادى. لۋ دىميڭ ماۋ زىدۇڭنىڭ دارىپتەمەسىن باتىل قولدايدى، ول چاڭشاعا تاعى شابۋىل جاسايتىن بولساق، ارميانىڭ جويىلۋ حاۋىپى تۋىلادى دەپ قارايدى. ونىڭ وسى پىكىرى ماجىلىستە يدەيانى بىرلىككە كەلتىرۋدە ماڭىزدى رول اتقارادى. ماجىلىستە قيان-كەسكى تالقىعا سالۋ ارقىلى سوڭىندا ماۋ زىدۇڭنىڭ دۇرىس دارىپتەمەسى ماقۇلدانىپ، اسكەري ءبولىمدى لوشياۋشان تاۋ سىلەمىن بويلاپ، وڭتۇستىككە قاراي ويىستىرۋ ۇيعارىلدى.
9-ايدىڭ 25-كۇنى، تاڭ اتا سالىسىمەن، كوتەرىلىسشى ارميا لۋشيدان وڭتۇستىكتى بەتكە الىپ جولعا شىعادى. تاۋدىڭ ەتەگىنە بارعاندا، ارتقى شەپتەگى 3-تۋان جاۋدىڭ شابۋىلىنا ۇشىرايدى. ءدال وسىنداي شۇعىل جاعدايدا، لۋ دىميڭ كەۋدە كەرىپ الدىعا شىعىپ، ءبىر لياندى باستاپ، الدىڭعى شەپكە كومەككە اتتانادى. ول اسكەري ءبولىمنىڭ بيىك توبەشىكتەردى الىپ، جاۋعا سىلەيتە سوققى بەرۋىنە قولباسشىلىق ەتەدى، وسى رەتكى قيان-كەسكى شايقاستا، لۋ دىميڭنىڭ نەشە جەرىنەن وق ءتيىپ، 22 جاسىندا باقىتقا قارسى ەرلىكپەن قۇربان بولادى.

بەرىپ كەت ورامالىڭدى

دوستار

الىستاعى اق ەركە