جاڭا حابارلار

باستاپقى مەزگىلدەگى جۇڭگو جۇمىسشىلار قوزعالىسىنىڭ ۇزدىك كوسەمى ــــ لين ۋيمين

    كەلۋ قاينارى: شينجياڭ حالىق راديو ىستانسياسى    2018-05-10 18:40:08  
لين ۋيمين، 1887-جىلى گۋاڭدۇڭ ولكەسى شياڭشان اۋدانىنىڭ سانزاۋ ارالى شي-ياڭتيان قىستاعىندا دۇنيەگە كەلگەن ( قازىرگى گۋاڭدۇڭ ولكەسى جۋحاي قالاسىنىڭ جينۋان رايونى سانزاۋ قالاشىعى يۇييۋەتيان قىستاعى). جاس كەزىندە شياڭگاڭعا بارىپ، جان باققان، شەتەل كەمەسىندە تەڭىزشى بولعان.
1920-جىلدان باستاپ، لين ۋيمين، سۋ جاۋجىڭدار شياڭگاڭ تەڭىز جۇمىسشىلارى اراسىندا توڭكەرىستى ۇگىتتەگەن، ءارى شياڭگاڭ تەڭىزشىلەر جۇمىسشى ۇيىمىن باستاپ قۇرىپ، دايىندىق كوميسسيا مۇشەسىنىڭ ءبىرى بولعان.
1921-جىلى 3-ايدا، «جۇڭحۋا تەڭىزشىلەر ونەركاسىپ بىرلەسكەن باس قوعامى» شياڭگاڭدا قۇرىلىپ، القالار قوعامىنىڭ القالىعىنا سايلانىپ، بارىس-كەلىس جاعىنداعى قىزمەتتەرگە جاۋاپتى بولادى.
1922-جىلى 1-ايدا، لين ۋيمين، سۋ جاۋجىڭدار شياڭگاڭ تەڭىزشىلەرىنىڭ كولەمدى جۇمىس تاستاۋىنا باسشىلىق ەتەدى؛ سول جىلى 7-ايدا، شاڭحاي تەڭىزشىلەرى جۇمىسشى ۇيىمىن سەلبەسىپ قۇرىپ، جۇمىسشى ۇيىمىنىڭ مەڭگەرۋشىلىگىنە سايلانادى؛ 8-ايدا، شاڭحاي جۇمىسشىلارىنىڭ كەڭ كولەمدى جۇمىس تاستاۋ قيمىلىن باستايدى جانە باسشىلىق ەتەدى.
1924-جىلى كوكتەمدە، لين ۋيمين شياڭگاڭ تەڭىزشىلەر جۇمىسشى ۇيىمى اتىنان سوۆەت وداعىنا بارىپ، حالىقارالىق تاسىمال جۇمىسشىلارى قۇرىلتايىنا قاتىناسادى، سوۆەت وداعىنداعى كەزىندە جۇڭگو كومممۋنيستىك پارتياسىنا مۇشە بولادى. سول جىلى 10-ايدا ەلگە ورالىپ، جۇڭحۋا تەڭىزشىلەرى ونەركاسىپ بىرلەستىگى باس قوعامىنىڭ گۋاڭجوۋداعى ءىس باسقارماسىنىڭ مەڭگەرۋشىسى بولادى، 12-ايدا، گۋاڭجوۋداعى تۇز كەمەسى جۇمىسشىلارىنىڭ جۇمىس تاستاۋ كۇرەسىنە باسشىلىق ەتەدى.
1925-جىلى 5-ايدا مەملەكەتتىك 2-رەتكى ەڭبەكشىلەر جينالىسىندا جۇڭحۋا مەملەكەتتىك باس جۇمىسشى ۇيىمى ءبىرىنشى كەزەكتى اتقارۋ كوميتەتىنىڭ باستىقتىعىنا سايلانىپ، باستاپقى مەزگىلدەگى جۇڭگو جۇمىسشىلار قوزعالىسىنىڭ ۇزدىك كوسەمىنە اينالدى.
1925-جىلى شاڭحايداعى «30-مامىر» ايانىشتى دەلوسىنان كەيىن، لين ۋيمين گۋاڭجوۋدا قايراڭداعى شەتەلدىكتەرگە قىزمەت وتەۋ جۇمىسشىلارى مەن شياڭگاڭ جۇمىسشىلارىن يمپەراليزمگە قارسى ساياسي كولەمدى جۇمىس تاستاۋعا ۇيىمداستىرىپ، شاڭحاي حالقىنىڭ يمپەراليزمگە قارسى تۇرىپ، وتاندى ءسۇيۋ قوزعالىسىن جاقتايدى جانە قولدايدى. 1925-جىلى 6-ايدىڭ 19-كۇنى، گۋاڭجوۋ-شياڭگاڭ كولەمدى جۇمىس تاستاۋ قوزعالىسى باستالعاننان كەيىن، ول جۇڭحۋا مەملەكەتتىك باس جۇمىسشى ۇيىمى اتىنان گۋاڭجوۋ-شياڭگاڭ جۇمىس تاستاۋ كوميتەتىنىڭ باسشىلىق قىزمەتىنە قاتىناسادى.
ۇزاق ۋاقىت شۇعىل دا قاربالاس كۇرەس جاساۋدىڭ جانە جاپا-ماشاقاتتى تۇرمىستىڭ سالدارىنان لين ۋيميننىڭ اياعىنىڭ سۇيەك تۋبەركۋلەز ناۋقاسى گۋاڭجوۋ-شياڭگاڭ كولەمدى جۇمىس تاستاۋ مەزگىلىندە ەرەكشە اسقىنىپ، 1925-جىلى 8-ايدا، اۋرۋحاناعا جاتىپ ەمدەلۋگە تۋرا كەلەدى. لين ۋيمين شيپاحانادا توسەك تارتىپ جاتسادا، گۋاڭجوۋ-شياڭگاڭ جۇمىس تاستاۋ كوميتەتىنىڭ ءتۇرلى قىزمەتتەرىنە ءۇرتىس كوڭىل بولەدى جانە قولدايدى. 1926-جىلى 1-ايدا، تەڭىزشىلەردىڭ مەملەكەتتىك ءبىرىنشى قۇرىلتايى گۋاڭجوۋدا اشىلادى، لين ۋيمين ناۋقاس سەبەبىنەن قۇرىلتايعا قاتىناسا الماسادا، مەملەكەتتىك تەڭىزشىلەر باس جۇمىسشى ۇيىمىنىڭ اتقارۋشى مۇشەسى بولىپ سايلانادى. 5-ايدا، مەملەكەتتىك 3-رەتكى ەڭبەكشىلەر جينالىسىندا جۇڭحۋا مەملەكەتتىك باس جۇمىسشى ۇيىمى 3-كەزەكتى اتقارۋ كوميتەتىنىڭ مۇشەسى بولىپ تاعايىندالادى.
1927-جىلى 5-ايدا، لين ۋيميننىڭ ناۋقاسى اۋىرلاپ، تاعى دا اۋرۋحانا جاتىپ 3-رەت وپەراتسيا جاساتادى. سول جىلى 9-ايدىڭ 1-كۇنى، گۋاڭجوۋ شيپاحاناسىندا ناۋقاستان قايتىس بولادى. سول جىلى 40 جاستا ەدى. جاڭا جۇڭگو قۇرىلعاننان كەيىن، گۋاڭدۇڭ ولكەلىك حالىق ۇكىمەتى ونىڭ سۇيەگىن گۋاڭجوۋعا اپارىپ، ينحى توڭكەرىسشىلەر قابىرىنا جەرلەيدى.

بەرىپ كەت ورامالىڭدى

دوستار

الىستاعى اق ەركە