جاڭا حابارلار

جاڭا ءداۋىردىڭ جاڭاشىلدارى جانە اتويشىلارى بولايىق

    كەلۋ قاينارى: شينجياڭ گازەتى    2018-05-10 19:36:22  

باس شۋجي شي جينپيڭنىڭ ماڭىزدى ءسوزى اۆتونوميالى رايونىمىزدىڭ جوعارى مەكتەپتەرىندەگى وقىتۋشى-وقۋشىلاردىڭ اراسىندا كۇشتى اڭىس قوزعادى

 ءتىلشىمىز جاۋ شييا 5 - ايدىڭ 5 - كۇنى ۇرىمجىدەن حابارلايدى. بىرنەشە كۇننەن بەرى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ بەيجيڭ داشۋەسىندە قىزمەت تەكسەرگەندەگى ماڭىزدى ءسوزى جانە جۇڭگو ساياسي - زاڭ داشۋەسىندەگى ستۋدەنتتەردى ىنتالاندىرعان ماڭىزدى نۇسقاۋى اۆتونوميالى رايونىمىزدىڭ جوعارى مەكتەپتەرىندەگى وقىتۋشى - وقۋشىلاردىڭ اراسىندا كۇشتى اڭىس قوزعادى.
  اۆتونوميالى رايونىمىزدىڭ جوعارى مەكتەپتەرىندەگى قالىڭ وقىتۋشى - وقۋشىلار تۇس - تۇستان جاڭا ءداۋىردىڭ جاڭاشىلدارى جانە اتويشىلارى بولۋعا قۇلشىنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، وي - سانانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن قارۋلاندىرىپ، سوتسياليستىك مەكتەپ باسقارۋ باعىتىنان جازباي، ءمورال ارقىلى ادام تاربيەلەۋگە تاباندى بولىپ ءارى قىزىل، ءارى مامان بولاتىن، ۇلتتى گۇلدەندىرۋدەي كەلەلى مىندەتتى باتىلدىقپەن ارقالاپ، مىندەت - بورىشتاردى مۇقيات اتقارا الاتىن، وتانعا ۇلەس قوساتىن ءىزباسارلاردى جەتىلدىرەمىز دەستى.
  باس شۋجي شي جينپيڭ بەيجيڭ داشۋەسىندە قىزمەت تەكسەرگەندە مىنانى باسا دارىپتەدى: دۇنيە جۇزىندەگى ماڭداي الدى جۇڭگوشا داشۋە قۇرىپ، سوتسياليزمنىڭ قۇرىلىسشىلارى مەن ءىزباسارلارىن تاربيەلەۋدە، مەكتەپ باسقارۋدىڭ دۇرىس ساياسي بەتالىسىنان جازباۋ، جوعارى ساپالى وقىتۋشىلار قوسىنىن قۇرۋ، جوعارى دەڭگەيلى دارىندى تاربيەلەۋ جۇيەسىن قالىپتاستىرۋ سىندى 3 نەگىزدىك مىندەتتى جاقسى يگەرۋ كەرەك. شينجياڭ مەديتسينا داشۋەسى نەگىزگى مەديتسينا شۋەيۋانىنىڭ يممۋنيتەت عىلىمى پروفەسسورى ديڭ جيانبيڭ مۇنان ەرەكشە شابىت الىپ بىلاي دەدى: وقىتۋشىلاردىڭ ساپاسى وقۋشىلاردىڭ تولىسۋىنا تىكە ىقپال جاسايدى، باس شۋجي شي جينپيڭنىڭ «ساياسيدا مىعىم، كاسىپتىك قابىلەتى ەرەن، ادام تاربيەلەۋ ورەسى بيىك بولۋ» دەگەن تالابىنا ساي، ءبىز نازارىمىزدى شينجياڭ قىزمەتىنىڭ باس نىساناسىنا تىعىز شوعىرلاندىرىپ، وقۋشىلاردىڭ اقاۋسىز ەسەيىپ - ەرجەتۋىنىڭ جەتەكشىسى جانە جول باستاۋشىسى بولۋعا قۇلشىنامىز. سونىمەن بىرگە شينجياڭ مەديتسينا داشۋەسى ەتيولوگيا ءپانىنىڭ كوشباسشىسى رەتىندە ۇجىمدى باستاپ، زەرتتەۋلەردى مۇقيات ورىستەتىپ، زەرتتەۋ جەتىستىكتەرىن وقىتۋ بارىسىندا پايدالانىپ، شينجياڭنىڭ مەديتسينا ىستەرىنىڭ دامۋىنا ۇلەس قوسامىن.
  شينجياڭ اۋىل شارۋاشىلىق داشۋەسى وقىتۋ باسقارماسىنىڭ باستىعى ياڭ حۇڭ بىلاي دەدى: باس شۋجي شي جينپيڭنىڭ ءسوزى بىزگە شابىت بەرىپ، ەرەكشە اسەرلەندىردى. شينجياڭ اۋىل شارۋاشىلىق داشۋەسى شينجياڭنىڭ اۋىل شارۋاشىلىق سالاسىنداعى جوعارى مەكتەپ رەتىندە، ەكونوميكانىڭ، قوعامنىڭ دامۋ قاجەتىن تياناق ەتىپ، مەملەكەتتىڭ جانە دۇنيە ءجۇزىنىڭ جوعارى وقۋ - اعارتۋىنىڭ دامۋ بەتالىسىن يگەرىپ، ماسەلەنى نىشان ەتۋدەن جازباي، پارىقتارعا تالداۋ جاساپ، باسىمدىقتاردى ساۋلەلەندىرىپ، ماماندىق نىسانالارىن مەكتەپ ءبىتىرۋدىڭ تالاپتارىندا تياناقتاندىرىپ، ساباق جۇيەسىن جانە تاربيەلەۋ بۋىندارىن زەرتتەۋدى جۇيەلى ورىستەتىپ، «جىبەك جولى ەكونوميكالىق بەلدەۋىندەگى ەرەكشەلىگى كورنەكتى، جوعارى ورەلى وسى زامانعى داشۋەنىڭ» ىشكى ءمانىن تولىق مەڭگەرىپ، كورەگەندىك، يكەمدىلىك سيپاتقا يە دارىندىلاردى تاربيەلەۋ ساپاسىن جوعارىلاتۋ قۇرىلىسى جوباسىن قالىپتاستىرۋ كەرەك.
  قاشقار داشۋەسى ماركسيزم شۋەيۋانىنىڭ 3 - جىلدىق وقۋشىسى ءماردان تۇرسىنتوقتى تەبىرەنە بىلاي دەدى: باس شۋجي سوزىندە «ماركسيزم شۋەيۋانىنىڭ سيپاتى ماركسيزم، ماركسيزم بولادى ەكەن ماركسيزمدى دارىپتەۋ كەرەك» دەدى، اسىرەسە، ماركسيزمنىڭ جەتەكشىلىك ورنىن كورنەكتى تۇردە باسا دارىپتەدى. جاستار جونىنەن العاندا، ءبىز ماركسيزمدىك جاستار كوزقاراسىن جەتەكشى ەتىپ، «ىستەي الامىن، قولىمنان كەلەدى، جارايمىن» دەگەن رۋحاني بەت - بەينەنى كورنەكتىلەندىرىپ، ۇلتتى گۇلدەندىرۋدەي داۋىرلىك بورىشتى باتىلدىقپەن ارقالاپ، جاڭا داۋىردەگى جۇڭگوشا سوتسياليستىك وسىزامانداندىرۋ قۇرىلىسى ءۇشىن ۇلەس قوسۋىمىز كەرەك.
  «سەنىمدى بەكەمدەپ، ءمورالدى سومداپ، ۋاقىتتى قاستەرلەپ، قاجىرلىلىقپەن ۇيرەنىپ، مۇراتتى، ونەرلى، جاۋاپكەرشىلىكتى ارقالاي الاتىن، سوتسياليزمنىڭ قۇرىلىسشىلارى جانە ءىزباسارلارى بولۋعا قۇلشىنۋ كەرەك». بۇل باس شۋجي شي جينپيڭنىڭ جۇڭگو ساياسي - زاڭ داشۋەسى ازاماتتىق ىستەر، ساۋدا، ەكونوميكا زاڭى شۋەيۋانىنىڭ 1502 كلاسىنداعى كوممۋنيستىك جاستار وداعى مۇشەلەرىن، جاستاردى ىنتالاندىرعانداعى شىنايى تىلەگى. ءۇرىمجى كاسىپتىك داشۋەسىنىڭ 3 - جىلدىق وقۋشىسى ءرايدىن ءالي بىلاي دەدى: جاڭا ءداۋىردىڭ جاستارى بولعان ءبىز باس شۋجيدىڭ تاپسىرماسىن ەستە بەرىك ساقتاپ، جاستىق كوكتەمنىڭ جاۋاپكەرشىلىگىن ارقالاپ، «اۋەلگى ماقساتتى ۇمىتپاي، پارتياعا ىلەسەمىن» دەگەن سەرتتى سانالى ارەكەتىمىز ارقىلى امالياتتا ايگىلەۋىمىز كەرەك. قۇلشىنا ۇيرەنىپ، وزىندىك ساپامىزدى ۇزدىكسىز جوعارىلاتىپ، قايتپاس - قاجىماس رۋح ارقىلى مۇراتقا جەتۋگە قۇلشىنىپ، جاستىق جالىنىمىزدى لاۋلاتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا جاستىق كۇشىمىزدى قوسامىز.


بەرىپ كەت ورامالىڭدى

دوستار

الىستاعى اق ەركە