جاڭا حابارلار

جوعارى مەكتەپتى بىتىرگەن وقۋشىلارمەن دالمە-ءدال قاتىناس ورناتىپ، كاسىپتەنۋ ورنىمەن قامدادى

    كەلۋ قاينارى: شينجياڭ حالىق راديو ىستانسياسى    2018-05-11 13:32:35  
ستانسيامىزدىڭ حابارى: جوعارى مەكتەپتى بىتىرگەن وقۋشىلاردىڭ ءتۇرلى ارنالارمەن كاسىپ كوزىن اشىپ كاسىپتەنۋىن جەبەۋ، جوعارى مەكتەپتى بىتىرگەن وقۋشىلاردىڭ ورتا-شاعىن كاسىپورىندارعا بارىپ قىزمەت ىستەۋىنە اناعۇرلىم جەتەكشىلىك ەتۋ جانە شابىتتاندىرۋ، ورتا-شاعىن كاسىپورىنداردىڭ دارىندى قۇرىلىمىن ساپالاندىرۋ، ورتا-شاعىن كاسىپورىنداردىڭ ساپالى دامۋىن ىلگەرلەتۋ ءۇشىن، جۋىردا، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى مەن وقۋ-اعارتۋ مەڭگەرمەسى رايونىمىزدىڭ «2018-جىلعى مەملەكەت بويىنشا ورتا-شاعىن كاسىپورىنداردىڭ توراپتاعى جۇز كۇندىك جوعارى مەكتەپ بىتىرگەن وقۋشىلاردى قابىلداۋ قيمىلىن» وتكىزىپ، جوعارى مەكتەپتى بىتىرگەن وقۋشىلارمەن دالمە-ءدال قاتىناس ورناتىپ، كاسىپتەنۋ ورنىمەن قامدادى.
تانىستىرۋعا قاراعاندا، جوعارى مەكتەپتى بىتىرگەن وقۋشىلار مەن كاسىپورىننىڭ قارىم-قاتىناس ورناتۋداعى تابىسقا جەتۋ مولشەرىن جوعارىلاتۋ ءۇشىن، ايماق-وبلىس-قالالاردىڭ ەكونوميكا جانە ينفورماتسيالاندىرۋ كوميتەتى جانە وقۋ-اعارتۋ مەكەمەسى جەرگىلىكتى كاسىپورىنداردى مەكتەپ اۋلاسىنا كىرۋگە ۇيىمداستىرىپ، مەكتەپ اۋلاسىندا جۇمىسقا قابىلداۋ قيمىلىن ورىستەتكەن. ايماق-وبلىس قالالاردىڭ ەكونوميكا جانە ينفورماتسيالاندرىۋ كوميتەتى جەرگىلىكتى ورىنداعى مەكتەپتەردىڭ ورنالاسۋى، جوعارى مەكتەپتى بىتىرگەن وقۋشىلاردىڭ قاينارى جانە كاسىپتەنۋ تالابى سياقتى جاعدايلارمەن بىرلەستىرىپ، ونەركاسىپ باقشا رايونىنداعى كاسىپورىندار مەن «ارناۋلى، سارا، ەرەكشە، جاڭا» كاسىپورىنداردى كورسەتىپ، ۇيلەسىمدى جۇمىس ورنىمەن قامداپ، توراپ، ناقتى ورىن، مەكتەپكە كىرۋ سياقتى توراپ جانە توراپتان تىس ءتۇرلى قىزمەتكە قابىلداۋ ۇلگىسى ارقىلى، جوعارى مەكتەپ بىتىرگەن وقۋشىلارمەن قارىم-قاتىناس ورناتۋدى جۇزەگە اسىرعان.
ايماق، وبىلىس، قالالىق ەكونوميكا جانە ينفورماتسيالاندىرۋ كوميتەتتەرى ورتا، شاعىن كاسىپورىنداردىڭ الەۋمەتتىك قىزمەت وتەۋ تەكشەسى تورابىنان پايدالانىپ، ورتا-شاعىن كاسىپورىندار ينفورماتسيا قامباسىن قۇرۋ قىزمەتىن ىلگەرىلەتتى. ايماق، وبىلىس، قالالىق وقۋ-اعارتۋ مەكەمەلەرى كاسىپتەنۋدى قاجەت ەتەتىن جوعارى مەكتەپ بىتىرگەن وقۋشىلاردىڭ ينفورماتسياسىن ءبىر جاقتىلى ەتىپ، جوعارى مەكتەپ بىتىرگەن وقۋشىلار ينفورماتسياسى قامباسىن قۇرۋدى ۇزدىكسىز جەبەيدى. ەكى جاق ساياسات جاعىنان قىزمەت وتەۋ، كاسىپ كوزىن اشۋعا قىزمەت وتەۋ، اينالىم قارجى قىزمەتىن وتەۋ، تاربيەلەۋگە قىزمەت وتەۋ سياقتى جاقتاردا ءتۇرلى قىزمەت وتەۋ بايلىعىن، ورتا، شاعىن كاسىپورىنداردىڭ، جوعارى مەكتەپ بىتىرگەن وقۋشىلار بايلىعىن بىرىكتىرەدى؛ ورتا، شاعىن كاسىپورىندار مەن جوعارى مەكتەپ بىتىرگەن وۋقشىلاردىڭ كاسىپ كوزىن اشۋ، يگىلىك جاراتۋىن ۇشتاستىرىپ قىزمەت وتەۋ تەكشەسىنەن پايدالانىپ، جوعارى مەكتەپ بىتىرگەن وقۋشىلار مەن كاسىپ كوزىن اشۋشىلارعا اناعۇرلىم قولايلى دا ءونىمدى قىزمەت وتەيدى.

بەرىپ كەت ورامالىڭدى

دوستار

الىستاعى اق ەركە