جاڭا حابارلار

اسقان ءمورالدى ـــــ ۋاڭ حىبو

    كەلۋ قاينارى: شينجياڭ حالىق راديو ىستانسياسى    2018-05-11 14:02:20  
ۋاڭ حىبو، اۋەلگى اتى ۋاڭ جوحۋا، 1882-جىلى فۋجوۋدا دۇنيەگە كەلگەن، 1916-جىلى ول تيانجين-پۋكوۋ تەمىر جولىنىڭ شىعىس بولەگىندەگى پۋجىن ماشينا زاۆوتىنا ەمتيحان بەرىپ وتەدى. 1922-جىلى 6-ايدا، جۇڭگو كوممۋنيستىك پارتياسىنا كىرەدى. كوپ ۇزاماي پۋكوۋ پارتيا گرۋپپاسى قۇرىلىپ، ۋاڭ حىبو جاۋاپتىلاردىڭ ءبىرى بولادى. ونىڭ ۇيىمداستىرىپ باسشىلىق ەتۋىندە، كوپ ۇزاماي پۋكوۋ تەمىر جول جۇمىسشى ۇيىمى قۇرىلادى. ۋاڭ حىبو وزىنە قاتاڭ تالاپ قويىپ، ۇكىمەت پەن جەكەنىڭ مۇددەسىن انىق ايىرىپ، كوپشىلىكتىڭ اقشاسىن مۇلدە الباتى جۇمساماي، جۇمىسشى بۇقاراسىنىڭ سەنىمىنە يە بولادى. ونىڭ 40 جاستىق تۋعان كۇنىندە، جۇمسشى سەرىكتەرى وعان قىزىل تورعىن تارتۋ ەتىپ، ۇستىنە « اسقان ءمورالدى» دەگەن 4 ءارىپتى جازادى.
1925-جىلى 1-ايدا، ۋاڭ حىبو شاڭحايدا پارتيا 4-قۇرىلتايىنا قاتىناسىپ، ورتالىقتىڭ كانديدات اتقارۋشى مۇشەلىگىنە سايلانادى. وسى جىلى 2-ايدا، ۋاڭ حىبو جۇڭحۋا مەملەكەتتىك تەمىر جول باس جۇمىسشى ۇيىمىنىڭ باستىقتىعىنا سايلانادى. 5-ايدا، جۇڭحۋا مەملەكەتتىك باس جۇمىسشى ۇيىمىنىڭ اتقارۋشى مۇشەسىنە سايلانادى.
1927-جىلى 3-ايدا، ۋاڭ حىبو مەن جوۋىنلاي، لو ينۇڭ سياقتىلار بىرلىكتە شاڭحاي جۇمسشىلارىنىڭ ءۇشىنشى رەتكى قارۋلى كوتەرىلىسىن ۇيىمداستىرىپ، باسشىلىق ەتەدى. 5-ايدا، پارتيا 5-قۇرىلتايى پارتيا تاريحىندا تۇڭعىش رەت ورتالىق باقىلاۋ-تەكسەرۋ كوميتەتىن سايلاپ شىعىپ، ۋاڭ حىبو تۇڭعىش كەزەكتى توراعالىققا سايلانادى.
1927-جىلى «7-تامىز» ماجىلىسىندە، ۋاڭ حىبو ورتالىق كوميتەت ساياسي بيۋروسىنىڭ ۋاقىتتىق مۇشەسىنە سايلانادى، ءارى سولتۇستىك جاق مەكەمەسىنىڭ شۋجيلىعىن اتقارادى. ماجىلىستەن كەيىن، بەيجيڭگە سولتۇستىك پارتيانىڭ قىزمەتىنە باسشىلىق ەتۋگە جىبەرىلەدى، ول جۇمىسشىلار قارۋلى كوتەرىلىسىنىڭ جوسپارىن جاساپ، بەيجيڭ باس جۇمسشى ۇيىمىن قۇپيا قۇرىپ، مۇشەلەرىن دامىتادى. ساتقىننىڭ وپاسىزدىق جاساۋىنان ۋاڭ حىبو 10-ايدىڭ 18-كۇنى قولعا تۇسەدى.
1927-جىلى 11-ايدىڭ 11-كۇنى، ۋاڭ حىبونى ميلليتاريست جاڭ زولين بۇيرىق بەرىپ اتىپ ءولتىرتىپ، ول ەرلىكپەن قۇربان بولادى. سول كەزدە ول 45 جاستا ەدى.

بەرىپ كەت ورامالىڭدى

دوستار

الىستاعى اق ەركە