جاڭا حابارلار

ەرەكشە ەگىمشىلىك ارقىلى قىستاق تۇرعىندارىنىڭ كىرىستى ارتتىرۋ جولىن كەڭەيتتى

    كەلۋ قاينارى: شينجياڭ حالىق راديو ىستانسياسى    2018-05-11 17:57:21  

ستانسيامىزدىڭ ءتىلشىسى ليۋ چياڭنىڭ حابارى: اۆتونوميالى رايوندىق ازىق-تۇلىك، ءدارى-دارمەكتەردى باقىلاپ-باسقارۋ مەكەمەسىنەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەتىمەن قىستاقتا تۇرعان قىزمەت اترەتىنىڭ جەبەۋىندە، گۇما اۋدانى سانجۋ قالاشىعى قۇمەعىل قىستاعىنىڭ تۇرعىندارى قاس بوياۋ، جىلانباس، ۋسارىمساق سياقتى ەرەكشە ەكونوميكالىق داقىلداردى ەگىپ، كىرىىسن ارتتىرۋ جولىنا ءتۇستى.
ــــ لو فاميليالى: قازىر، ۋسارىمساقتىڭ ءوسىپ-ونۋى جاقسى، از دەگەندە ءار مۋ جەردەن 800 كيلوگرام ۋسارىمساق شىعادى.
مو شۋجي: 800 كيلوگرامدى 10 يۋاننان ەسەپتەسە قانشا بولادى؟
لو: 10 يۋاننان ەسەپتەسە، 8 مىڭ يۋان، 20 يۋاننان بولسا، 16 مىڭ يۋان كىرىس كىرگىزۋگە بولادى.
مو شۋجي: بۇل نىساندى وتە دۇرىس تاڭداپسىڭدار.
5-ايدىڭ 9-كۇنى، قۇمەعىل قىستاعىنداعى 200 مۋلىق ۋسارىمساق ەگۋ بازاسىندا، قىزمەت اترەتىنىڭ ۇسىنىسىمەن كەلىپ قىستاق تۇرعىندارىنا ساباق سويلەگەن جەمسارى اۋدانىنداعى جىڭدۇڭ ۋسارىمساق ەگۋ كوپەراتيۆىنىڭ القا باستىعى لو جىڭدۇڭ ۋسارىمساقتىڭ ءوسۋ جاعدايىن قاداعالاي باقىلادى، ۇزاق جىل ۋسارىمساق ەگۋ تاجىريبەسى بار ول وسى جەردەگى ۋسارىمساقتىڭ مۋ باسىندىق ءونىم مولشەرى 800 كيلوگرامعا جەتەتىندىگىن دە تۇسپالدادى.
بيىل جىل باسىندا، اۆتونوميالى رايوندىق ازىق-تۇلىك، ءدارى-دارمەكتەردى باقىلاپ-باسقارۋ مەكەمەسىنەن « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەتىمەن قۇمەعىل قىستاعىنا بارعان قىزمەت اترەتى شينجياڭ ءايلى-شين ءدارى-دارمەك شەكتى جارنا سەرىكتەسىتگىمەن كەلىسىم جاساسىپ، قىستاقتا ۋسارىمساقتى سىناق رەتىندە ەگەدى، ءارى ءار كيلوگرامىن 20 يۋاننان ساتىپ الاتىن بولادى. سەرىكتەستىكتىڭ ساپا باس باقىلاۋشىسى ۋاڭ تاۋ بىلاي دەدى: تولىق سومالى تۇراقتى باعامەن ساتىپ الامىز، ايتقان باعامىز بازار بەتالىسىنا قاراي وزگەرمەيدى، سوندىقتان بۇقارا ۋسارىمساقتى الاڭسىز ەگەدى، ءارى ونىمدەرىنىڭ ساتىلماي قالۋىنان الاڭدامايدى، ءبىز بارلىعىن ساتىپ بەرەمىز.

قۇمەعىل قىستاعى تاۋلى رايوندا، تەڭىز دەڭگەيىنەن نەداۋىر بيىك. قىزمەت اترەتى جەرگىلىكتى ورىننىڭ توپىراعى، سۋ بايلىعى جاعدايىنا قاراي سۋىققا، قۋاڭشىلىققا ءتوزىمدى قاسبوياۋدى سىناق رەتىندە ەگۋ نىسانىن تاڭدادى. قاسبوياۋدىڭ جاپىراعىنان تارتىپ تامىر، ساباعىنا دەيىن ءدارى جاساۋعا بولادى، ونىڭ ۇستىنە، سوڭعى بىرنەشە جىلدا قاسبوياۋدىڭ سۇرانىسى وتە كۇشتى بولىپ، بازار بولاشاعى كەڭ بولعان. قىستاق تۇرعىنى تۇرىپ ءالي وتباسىنىڭ 3 مۋ جەرى بار، بىلتىر كوكونىس جانە جۇڭگوشا ءدارى ماتەريالدارىن ەگۋگە ويىسىپ، ءار مۋ جەردەن 3 مىڭ يۋان كىرىس كىرگىزگەن، بيىل ول ۋسارىمساق ەگۋگە ءبىرىنشى بولىپ تىزىمدەلگەنىن ايتا كەلىپ بىلاي دەدى: «قىزمەت اترەتى قانشالىقتى ۋسارىمساق ەكسەك، سونشاسىن ساتۋعا كەپىلدىك ەتەندىگىمىزدەن، ساتۋ جاعىنان الاڭسىز بولدىق. بيىل قىزمەت اترەتى مامانداردى الا كەلدى، ءارى ۋسارىمساق ساتىپ الاتىن كاسىپورىن ەگىس اتىزىنا بارىپ، ۋسارىمساقتى كورگەننەن كەيىن، ءوسىپ-ءونۋى وتە جاقسى ەكەن، ارام شوپتەردى وتاپ، ويداعىداي باپتاسا بولعانى، تابىس تابۋ مۇندا تۇر»،-دەدى.اۆتونوميالى رايوندىق ازىق-تۇلىك، ءدارى-دارمەكتەردى باقىلاپ-باسقارۋ مەكەمەسىنەن گۇما اۋدانى سانجۋ قالاشىعىندا تۇرعان قىزمەت اترەتىنىڭ باس جەتەكشىسى، قۇمەعىل قىستاعىنىڭ ءبىرىنشى شۋجيى مۇحامەت وسمان بىلاي دەدى: «باس شۋجي شي جينپيڭ 19-قۇرىلتايدىڭ بايانداماسىندا: اۋىل شارۋاشىلىعى، اۋىل-قىستاق، ديحاندار ماسەلەسى مەملەكەت جوسپارىنا، حالىق تۇرمىسىنا ساياتىن ءتۇبىرلى ماسەلە،-دەگەندى ايقىن اتاپ كورسەتكەن بولاتىن. ەندەشە، جوعارى قوسىمشا قۇندى نارسەلەردى قالاي ەككەن ءجون؟ بۇل ءبىزدى تولعاندىراتىن ماسەلە ەسەپتەلەدى، باستابىندا ءبىز كوكونىس جىلى شاتىرىندا ەكتىك، بۇل ونىڭ اس-سۋ قۇرىلىمىن رەتتەيدى، وسىنداي جەتەكشىلىك ەتكەننەن كەيىن، ول اناعۇرلىم جوعارى قوسىمشا قۇندى جۇڭگوشا ءدارى ماتەريالدارىن ەكتى، بيىل تاعى قاسبوياۋ، جىلانباس، شاشىراتقى جانە ۋسارىمساق ەكتىك. بيىل وسى ەرەكشە ەكونوميكالىق داقىلداردى ەگۋ ارقىلى ونىڭ كىرىسىن،ءسوزجوق، مولايتاتىندىعىمىزعا، كەدەيلىكتەن قۇتىلدىرىپ، قامال الۋ شايقاسىنىڭ جەڭىسىنە جەتەتىندىگىمىزگە سەنىمىز كامىل».


بەرىپ كەت ورامالىڭدى

دوستار

الىستاعى اق ەركە