جاڭا حابارلار

ەشتەمەدەن تايسالماي قالانىڭ قاقپاسىنان التى رەت شىققان ـــ ءپان جۇڭرۋ

    كەلۋ قاينارى: شينجياڭ حالىق راديو ىستانسياسى    2018-05-12 20:58:00  
ءپان جۇڭرۋ 1906-جىلى حىبەيدىڭ حۋاڭبەي دەگەن جەرىندە دۇنيەگە كەلگەن. 1924-جىلى دۇڭ بەي-ۋ، چىن تانچيۋلار ۋچاڭدا اشقان ۋحان ورتا مەكتەبىنە قابىلدانىپ، ماركسيزممەن تانىستى، ءارى العاباسار وقۋشىلار قوزعالىسىنا بەلسەنە قاتىناستى.
1926-جىلى ءپان جۇڭرۋ ۋحان ورتالىق اسكەري ىستەر ساياسي مەكتەبىنە وقۋعا ءتۇستى، سول جىلى ول جۇڭگو كوممۋنيستىك پارتياسىنا مۇشە بولدى. 1927-جىلى حىبەيدىڭ حۋاڭ-ءانى قازىرگى حۇڭ-ءانعا جىبەرىلىپ، اۋداندىق قوعام حاۋىپسىزدىك مەكەمەسىنىڭ اسكەري ىستەر جاتتىقتىرۋشىسى بولىپ، قۇپيا توڭكەرىستىك قيمىلدارمەن اينالىستى. زور توڭكەرىس ساتسىزدىككە ۇشىراعاننان كەيىن، قوعام حاۋىپسىزدىك مەكەمەسىنىڭ ءىشىنارا قىزمەتكەرلەرىن باستاپ جانە قارۋ-جاراق الىپ، حۋاڭ-ءان اۋدانىنداعى ديحانداردان ۇيىمداسقان قورعاۋشىلار قوسىنىنا قوسىلىپ، ۇلكەن اترەتتىڭ باستىعى بولىپ، قوسىندى باستاپ قيمىلدى چيليپيڭ، ءشاييۇن، چىڭما سياقتى جەرلەرگە دەيىن كەڭەيتىپ، نەگىزگى جەرگىلىكتى جاساقتارمەن بىرلەسىپ، كەرتارتپا قىزىل شاشاقتى نايزالىلار ۇيىمىمەن سوعىستى.
1927-جىلى 11-ايدىڭ 13-كۇنى ءپان جۇڭرۋ ۋ گۋاڭحاۋ، داي كىمەي قاتارلى باسشىلارمەن بىرلەسىپ، حۋاڭ-ان، ماچىڭ كوتەرىلىسىن قوزعاپ، 11-ايدىڭ 14-كۇنى تاڭسارىدە، حۋاڭ-ءان اۋدان قالاشىعىن باسىپ الدى. ىلە-شالا، حۋاڭ-ءان جۇمىسشى-ديحان دەموكراتيالىق ۇكىمەتى قۇرىلدى، حۋاڭ-ان، ماچىڭ ەكى اۋدانىنداعى ديحانداردان ۇيىمداسقان قورعاۋشىلار قوسىنىن بىرىكتىرىپ، جۇڭگو جۇمىسشى-ديحان توڭكەرىستىك قوسىنىنىڭ شىعىس حىبەي ارمياسىن قۇردى، ءپان جۇڭرۋ باس قولباسشى قوسىمشا ءبىرىنشى ارميانىڭ سىليڭى بولدى.
1927-جىلى 12-ايدىڭ 5-كۇنى، گومينداڭ ارمياسىنىڭ ءبىر شىسى تۇندە حۋاڭ-ءانعا شابۋىل جاسايدى، ءپان جۇڭرۋ قالاداعى ءبىرىنشى ارميانى باستاپ جاۋعا قارسى تۇرادى، جاۋدىڭ كۇشى باسىم بولعاندىقتان، ءبىرىنشى ارميا قورشاۋدى بۇزباقشى بولادى. ءپان جۇڭرۋ ورىنباسار باس قولباسشى ۋ گۋاڭحاۋدى اسكەري ءبولىمدى باستاپ قورشاۋدى بۇزۋعا جىبەردى دە، ءوزى از اسكەردى باستاپ تورۋىلدايدى. جاڭادان قۇرىلعان توڭكەرىستىك قوسىننىڭ قارۋ-جاراعىن قورعاپ قالۋ ءۇشىن، ول ىلگەرىندى-كەيىندى التى رەت قالانىڭ قاقپاسىنا كىرىپ، جاۋىنگەرلەردى قورعاپ، ولاردىڭ قورشاۋدى بۇزۋىنا كومەكتەسەدى. ءبىراق ول جەتىنشى رەت ساپتاسىن قورعاپ قالۋعا ۇمتىلعاندا، باقىتقا قارسى قۇرساق بولىمىنە وق ءتيىپ، قان كوپ كەتىپ، نەبارى 23 جاسىندا ەرىلىكپەن قۇربان بولادى.

بەرىپ كەت ورامالىڭدى

دوستار

الىستاعى اق ەركە