جاڭا حابارلار

قىزىلسۋ قىرعىز اۆتونوميالى وبلىسى ءىس جۇزىندىك جاعدايعا ساي كەدەيلىكتەن قۇتىلۋدان قامال الۋ شايقاسىن كۇش سالا جۇرگىزدى

    كەلۋ قاينارى: شينجياڭ حالىق راديو ىستانسياسى    2018-05-14 12:21:04  

ستانسيامىزدىڭ تىلشىلەرى ايبىنعازى راحىمان ۇلى مەن سۇن ۋيدىڭ حابارىن تىڭداڭىزدار: قىزىلسۋ قىرعىز اۆتونوميالى وبلىسى ءىسجۇزىندىك جاعدايدى تياناق ەتىپ، ديقانداردى الۋان ءتۇرلى جولمەن كاسىپتەندىرۋ، ەرەكشە ەگىنشىلىكتى دامىتۋ سياقتى تاسىلدەرمەن ەگىنشى-مالشىلاردىڭ كەدەيلىكتەن قۇتىلۋىنا كومەكتەستى.
اقتاۋ اۋدانى پيلال اۋىلىنىڭ پاراچ قىستاعىندا جاڭادان قۇرىلعان وبلىستىق «ۋييە» كيىم-كەشەك شەكتى سەرىكتەستىگىنىڭ شاعىن فابريكاسىنداعى 400 شارشى مەتردىڭ ۇستىندەگى فابريكا ۇيىندە 64 كيىم تىگۋ ماشيناسى رەتتى تىزىلگەن، قىستاق ايەلدەرى بالالار كيىمىن تىگۋمەن قاربالاس. ۇيىندە قارتايعان اكە-شەشەسى مەن بالاسىن قارايتىن نۇرگۇل مامەت ەڭ الدى بولىپ تىزىمدەلىپ، ءۇيىنىڭ قاسىنان تۇراقتى قىزمەت تاۋىپ ىستەدى. ول تىلشىگە بىلاي دەدى: پارتيا مەن ۇكىمەتتىڭ بىزگە وسىنداي تاماشا شارت-جاعداي جاراتىپ بەرگەنىنە راحمەت ايتامىز. قازىر مەن كاسىپورىندا قىزمەت ىستەپ جاتىرمىن، جىلدىق كىرىسىم ون مىڭ دا 15 مىڭ يۋانعا جەتەدى.
جىل باسىندا، قىزىلسۋ قىرعىز اۆتونوميالى وبلىستىق اۋىل شارۋاشىلىق تەحنيكاسىن جالپىلاستىرۋ ورتالىعىنىڭ اقتاۋ اۋدانى پيلال اۋىلىنىڭ پاراچ قىستاعىندا تۇراتىن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى قىزىلسۋ قىرعىز اۆتونوميالى وبلىستىق «ۋييە» كيىم-كەشەك شەكتى سەرىكتەستىگىنىڭ قارجى، جابدىق جانە تەحنيكالىق تاربيەلەۋىنەن پايدالانىپ، سىرت جەرلەرگە بارىپ جۇمىس ىستەۋگە جاعدايى كەلمەيتىن قىستاق ايەلدەرىن ءۇيىنىڭ ماڭىندا كاسىپتەندىردى. قىزىلسۋ قىرعىز اۆتونوميالى وبلىستىق اۋىل شارۋاشىلىق تەحنيكاسىن جالپىلاستىرۋ ورتالىعىنىڭ اقتاۋ اۋدانى پيلال اۋىلىنىڭ پاراچ قىستاعىندا تۇراتىن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ ورىنباسار باستىعى ياڭ لين: قىستاعىمىزدا ءالى 87 وتباسى كەدەيلىكتەن قۇتىلعان جوق، ءبىز وسى فابريكانى قۇرعاننان كەيىن، كەدەيلىكتەن قۇتىلدىرۋدان قامال الۋ شايقاسىنا تىڭ جول اشىلدى؛ كوپشىلىكتى ءۇيىنىڭ ماڭىندا كاسىپتەندىرىپ، ولاردىڭ قولدانىلمالى تەحنيكا جانە ونەر ۇيرەنىپ، كىرىستەرىن ارتتىرۋىنا مۇمكىندىك جاسادىق،-دەدى.
باس شۋجي شي جينپيڭ بىلاي دەپ اتاپ كورسەتتى: «اناعۇرلىم پارمەندى شارالار قولدانىپ، قىزمەتتى ءتىپتى دە تىڭعىلىقتى ىستەپ،نازاردى كەدەيلەر شوعىرلى اۋىل-قىستاقتارعا اۋدارىپ، كاسىپتى دامىتۋ، كاسىپتەندىرۋ، نەگىزگى قۇرىلعى قۇرىلىس، الەۋمەتتىك قىزمەت وتەۋ، ەمدەۋدى قامتامسىزداندىرۋ سياقتى ماسەلەلەردى ءتۇيىندى شەشۋ كەرەك». اقتاۋ اۋدانى ەڭبەككۇش شوعىرلى كاسىپورىنداردا «باس شتاپتى، شاعىن فابريكانى، زاۆوتتى، شارۋالاردى ۇشتاستىرۋ» ۇلگىسى بويىنشا قىستاقتان زاۆود نەمەسە فابريكا قۇردى. مۇندا باس شتاپ كۇرسى اشىپ تاربيەلەۋگە، زات قاينارىنا تاپسىرىس بەرۋگە، شيكىزاتقا جاۋاپتى بولىپ، ونىمدەردى ءبىرتۇتاس جيناسا، اۋىلدىق ۇكىمەت، قىستاقتاعى قىزمەت اترەتى، قىستاق تۇرعىندار كوميتەتى جۇمىسشى-قىزمەتكەرلەردى فابريكادا جۇمىس ىستەۋگە ۇيىمداستىرىپ، ديقانداردىڭ كىرىسىن ارتتىرۋمەن بىرگە،كاسىپورىننىڭ جۇمىسشى تابۋى قيىن بولۋ ماسەلەسىن دە شەشتى. قازىرگە دەيىن، اقتاۋ اۋدانى قىستاق دارەجەلى ورىندارداعى بايلىقتى بىرىكتىرىپ، 14 «شاعىن زاۆود» قۇرىپ، 578 جۇمىسشى قابىلدادى، مۇنىڭ ىشىندە كەدەي وتباستارىنان 197 ادام بار.
سونىمەن بىرگە، قىزىلسۋ قىرعىز اۆتونوميالى وبلىسىنىڭ ەرەكشە كاسىپ ارقىلى كەدەيلىكتەن قۇتىلدىرۋ قىزمەتى دە بارىنشا ىلگەرىلەدى. اقشي اۋدانىنىڭ قۇلانسارىق اۋىلى 278 وتباسىنداعى 1063 كەدەي ەگىنشى-مالشىنى جيدە ەگۋگە ۇيىمداستىردى. اقتەكتىر قىستاعىنىڭ تۇرعىنى نۇرمامەت وتباسىنداعىلاردى ەرتىپ جيدە ەگىنشىلىك بازاسىنا ەرتەمەن كەلىپ جۇمىس ىستەدى. بىر كۇندە ولار 1500 شۇقاناق قازىپ، ءبىر ادام ورتا ەسەپپەن 500 يۋان اينالاسىندا كىرىس كىرگىزدى. ول: «پارتيا مەن ۇكىمەتتىڭ قامقورلىعىندا، كەدەيلىكتەن قۇتىلىپ باييتىنمىزعا كامىل سەنەمىز، پارتيا مەن ۇكىمەتتىڭ كوڭىل بولگەنىنە العىس ايتامىز»،-دەدى.
اقشي اۋدانى جيدە شارۋاشىلىعىن ەرەكشە جەمىس-جيدەك كاسىبى ەتىپ، جيدە ەگىنشىلىگىن اۋماقتى وڭىرگە جالپىلاستىرىپ، جيدە شارۋاشىلىعىن جاسىل دامۋعا باستايتىن كاسىپكە اينالدىردى. بيىل اقشي اۋدانى جاپان تۇزدەگى جيدە سىندى ەرەكشە جەمىس-جيدەك كاسىبىنىڭ دارەجەسىن جوعارىلاتىپ، كاسىپ تىزبەگىن ۇزارتىپ، جيدە كاسىبىن ساپالىلاندىرىپ جانە كۇشەيتىپ، جاپان تۇزدەگى جيدە ەگىنشىلىك كولەمىن 13 مىڭ مۋعا جەتكىزۋدى، 10 مىڭ مۋلىق جيدە اعاشىنىڭ سورتىن جاقسارتۋدى جوسپارلادى. مۇنىڭ ىشىندە، تەك جيدە ەگۋ، جيدە تەرۋدىڭ وزىنەن ەگىنشى-مالشىلاردىڭ جىلىنا كىرەتىن قىسقا مەرزىمدىك كىرىسىنىڭ ءوزى 5 ميلليون يۋانعا جەتىپ وتىر. اقشي اۋدانى اۋىل شارۋاشىلىعىن كاسىپ سالالاندىرىپ دامىتۋ مەكەمەسىنىڭ باستىعى زاڭ جوۋحۇڭ: «ءار ءتۇپ جيدە اعاشىن ەگۋ اقىسىن 3 يۋاننان ەسەپتەگەندە، ءار وتباسىنىڭ ورتاشا كىرىسى 4 مىڭ يۋاننان اسادى، بۇل ورمان شارۋاشىلىعى ارقىلى قىزمەت وتەپ كەدەيلەردى سۇيەمەلدەۋدەن قامال الۋدىڭ رولىن اناعۇرلىم ويداعىداي ساۋلەلەندىردى»،-دەدى.
قىزىلسۋ قىرعىز اۆتونوميالى وبلىستىق كەدەيلەردى سۇيەمەلدەۋ كەڭسەسىنىڭ ورىنباسار مەڭگەرۋشىسى جاڭ حۇڭبيڭ بىلاي دەدى: كەدەيلەردى سۇيەمەلدەۋدەن قامال الۋدا ۋاقىت ءبىزدى كۇتىپ تۇرمايدى، ول بويكۇيەزدىكپەن تيتتەي دە وتاسا المايدى. سوندىقتان، ءبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، قاجىرلىلىقپەن قىزمەت ىستەپ، ءوز رولىمىزدى ساۋلەلەندىرىپ، جاڭا داۋىردە شۇعىلالى ناتيجە جاراتۋعا كۇش سالۋىمىز، باس شۋجي شي جينپيڭ ايتقانداي، جۇمىستى ءبىر-بىرلەپ جاقسى ىستەپ، جىلدى جىلعا جالعاپ قۇلشىنا قىزمەت ەتۋىمىز ءتيىس. بۇدان بىلايعى قىزمەت بارىسىندا، ءبىرىنشى شەپتەگى شەكارا وڭىرگە ورنالاسقان اۋىل-قالاشىقتى جانە شەكاراداعى وتباستارىن كوزدەپ، ولاردىڭ ءوندىرىسى مەن تۇرمىسىن قامتاماسىز ەتىپ، كاسىپتى بار كۇشپەن سۇيەمەلدەپ، 2018-جىلى تۇتاس وبلىس بويىنشا 45 مىڭ 325 ادامدى كەدەيلىكتەن قۇتىلدىرۋ مىندەتىن ويداعىداي ورىنداۋىمىز كەرەك.


بەرىپ كەت ورامالىڭدى

دوستار

الىستاعى اق ەركە