جاڭا حابارلار

تاۋ قويناۋىنداعى بالالار ءۇشىن

    كەلۋ قاينارى: شينجياڭ حالىق راديو ىستانسياسى    2018-05-14 12:27:58  

ستانسيامىزدىڭ ءتىلشىسى سۇن ۋيدىڭ حابارىن تىڭداڭىزدار: اقچي اۋدانى 3-بالا باقشاسىنىڭ باستىعى گۇلزينات تۇكەن 14 جىلدان بەرى بالا تاربيەسى قىزمەتىنە بۇكىل ىنتا-پەيىلىمەن ارالاستى، ونىڭ ەڭ ۇلكەن ارمانى اناعۇرلىم كوپ بالانىڭ تاۋ قويناۋىنان شىعىپ، سىرتقى دۇنيەنى كورۋىنە كومەكتەسۋ بولدى.
2004-جىلى، قىزىلسۋ وبلىستىق پەداگوگيكا مەكتەبىنەن وقۋ تاۋىسقان گۇلزينات تۇكەن اقشي اۋداندىق بالا باقشاسىندا قىزمەت ىستەيدى، ول ساقا وقىتۋشىلاردان سابىرلىلىقپەن ۇيرەنەدى، ونىڭ ۇستىنە ءوزى ساباقتى تىنباي زەرتتەگەندىكتەن، بالا باقشاسى قىزمەتىنە تەز ارادا ۇيىرلەسىپ كەتەدى. 2013-جىلى، ول اقشي اۋداندىق 3-بالا باقشاسىنىڭ باستىعى بولادى، ونىڭ ەسىندە قالۋىنشا، بالا باقشاسىنىڭ باستىعى بولعاننان بەرى، ونىڭ بارلىق مەرەكە-مەيرام، دەمالىس كۇندەرى بالا باقشاسىندا ءوتىپتى، قاربالاس بولسادا، گۇلزينات تۇكەن وسىلاي ىستەۋ تاتيدى دەپ قارايتىنىن ايتا كەلىپ بىلاي دەدى: «بالالار ماعان كوپ كۇش-قۋات بەردى، ءبىر بالانىڭ جاقسى ۇستازعا جولىعۋى ونىڭ ومىردەگى ەڭ زور باقىتى. جاقسى ۇستاز بولۋ ءۇشىن، بالالاردى ءسۇيۋ كەرەك، سوندا عانا بالالاردىڭ جۇرەگىنەن ورىن الۋعا بولادى».

اقشي اۋداندىق 3-بالا باقشاسىندا 4 تە 6 جاس ارالعىنداعى 500 گە تارتا بالا بار، بالالاردىڭ شەكتى ساباق ۋاعىندا ورتاق قولدالىنىلاتىن ءتىلدى ويداعىداي ۇيرەنۋىنە مۇمكىندىك جاساۋ ءۇشىن، گۇلزينات تۇكەن ورتاق قولدانىلاتىن ءتىلدى وقىتۋدى بالالاردىڭ ساباقتان سىرتقى قيمىلدارىنا دەيىن ءسىڭىرىپ، تاماشا ونىمدىلىككە قول جەتكىزدى. ول بىلاي دەدى: «مەن اقشيدا تۋىپ ءوستىم، وسى جۇمىس ورنىنا شىققاننان كەيىن، بالاقايلاردىڭ ورتاق قولدالىنىلاتىن ءتىلدى جاقسى ۇيرەنىپ، تاۋ قويناۋىنان شىعىپ، بولاشاقتا قۇلاش سەرمەۋىن ءۇمىت ەتتىم».
بالا باقشاسىنداعى جاڭا وقىتۋشىلاردىڭ كوپ، تاجىريبەلەرىنىڭ كەمشىل بولۋ جاعدايىنا قاراتا، گۇلزينات تۇكەن كلاستاردى ۇنەمى ارالاپ، ءار وقىتۋشىنىڭ كاسىپتىك قابىلەتىن، وقىتۋ دەڭگەيىن مۇقيات ۇعىستى، وسى نەگىزدە، ول وقىتۋ-زەرتتەۋ تاسىلىنەن جاڭالىق اشىپ، ساتىلار بويىنشا تاربيەلەۋ، توراپ ارقىلى وقىتۋدى زەرتتەۋ، تايانىش كۇشتەردى جەتەكتەۋ سياقتى ادىستەر ارقىلى وقىتۋشىلاردىڭ وقىتۋ دەڭگەيىن ۇزدىكسىز جوعارىلاتتى. بالالاردىڭ كۇلكى ۇيىرىلگەن رياسىز جۇزىنەن ءنار العان گۇلزينات تۇكەن جاس وقىتۋشىلارعا جەتەكشىلىك ەتىپ، ولارمەن بىرگە بالا تاربيەسى ءۇشىن ۇزبەي كۇرەس جاسايتىندىعىن ايتا كەلىپ بىلاي دەدى: «باس شۋجي شي جينپيڭ، جاڭا ءداۋىر كۇرەس جاسايتىن ءداۋىر دەگەن بولاتىن. بولاشاق ساپارىمدا، مەن جالعاستى كۇرەس جاساپ، ``سۇيىسپەنشىلىگىم ارقىلى وقۋ-اعارتۋدى ءتۇسىندىرۋگە`` جالعاستى تاباندى بولىپ، بالدىرعانداردىڭ اقاۋسىز ەسەيىپ ەرجەتۋىنە، ءار توپ گۇلدىڭ قۇلپىرا اشىلۋىنا مۇمكىندىك جاسايمىن».


بەرىپ كەت ورامالىڭدى

دوستار

الىستاعى اق ەركە