جاڭا حابارلار

جاي وتىنداي ءتۇسىپ كونەنىڭ تاس-تالقانىن شىعارۋدى ارمانداعان جاڭ تايلەي

    كەلۋ قاينارى: شينجياڭ حالىق راديو ىستانسياسى    2018-05-14 12:29:31  
جاڭ تايلەيدىڭ بۇرىنعى اتى جاڭ سىڭراڭ، 1898-جىلى 6-ايدا ءومىر ەسىگىن اشقان. جياڭسۋدىڭ ۋجين دەگەن جەرىنىڭ ادامى. «جاي وتىنداي ءتۇسىپ» اسپاندى تورلاعان تۇماندى ارىلتىپ، كونە قوعامدى وزگەرتۋدى ارمانداعان ول كەيىن اتىن جاڭ تايلەي دەپ وزگەرتىپ، سونى مۇرات ەتتى.
1919-جىلى 4-مامىر وتانشىلدىق قوزعالىس بۇرق ەتە تۇسەدى، جاڭ تايلەي وسى قوزعالىسقا بەلسەنە ات سالىسىپ، تيانجين رايوندىق وتانشىلدار قوزعالىسىنىڭ بەلدى مۇشەسىنىڭ ءبىرى بولادى. قوزعالىستا، جاڭ تايلەي بۇرىننان قۇرمەتتەيتىن لي داجاۋمەن حابارلاسادى، لي داجاۋدىڭ ىقپالىندا، جاڭ تايلەي ماركسيزممەن تانىسىپ، ماركسيزمدى سەنىم ەتە باستايدى. 1920-جىلى 10-ايدا، جاڭ تايلەي دىڭ جۇڭشيا سياقتىلارمەن بىرگە لي داجاۋ ۇيىمداستىرعان بەيجيڭدەگى جۇڭگو كوممۋنيستىك پارتياسىنىڭ ەرتەرەكتەگى ۇيىمىنا كىرىپ، جۇڭگو كوممۋنيستىك پارتياسىنىڭ ەڭ ەرتەدەگى مۇشەسىنىڭ ءبىرى بولادى.
1921-جىلى كوكتەمنەن باستاپ، جاڭ تايلەي ىلگەرىندى-كەيىندى سوۆەت وداعىنا قىزمەت ىستەۋگە، ۇيرەنۋگە بارىپ، كوممۋنيستىك حالىقارالىق قيىر شىعىس كەڭسەسى جۇڭگو ءبولىمىنىڭ شۋجيى مىندەتىن اتقارادى، ءارى كوممۋنيستىك حالىقارالىق قيىر شىعىس كەڭسەسىنىڭ جۇڭگوعا جىبەرگەن ۋاكىلدەرىمەن بىرگە بىرنەشە رەت لي داجاۋ، چىن دۋشيۋ سياقتىلارمەن كەزدەسىپ، جۇڭگو كوممۋنيستىك پارتياسى ۇيىمداستىرعان قيمىلدارعا قاتىناسادى.
1927-جىلى 4-ايدان 5-ايعا دەيىن، جاڭ تايلەي جۇڭگو كوممۋنيستىك پارتياسىنىڭ 5-قۇرىلتايىنا قاتىناسىپ، چىن دۋشيۋدىڭ وڭشىلدىق قاتەلگىن قاتاڭ سىن-تەزىنە الادى؛ 7-ايدا، جۇڭگو كوممۋنيستىك پارتياسى ورتالىق كوميتەتى وزگەرىس ەنگىزگەندە، ورتالىقتىڭ ۋاقىتتىق ساياسي بيۋروسىنىڭ بەس تۇراقتى مۇشەسىنىڭ ءبىرى بولادى؛ 7-تامىز ماجىلىسىنەن كەيىن، گۋاڭدۇڭعا قىزمەت ىستەۋگە جىبەرىلىپ، جۇڭگو كوممۋنيستىك پارتياسى گۋاڭدۇڭ ولكەلىك پارتكومنىڭ شۋجيى قوسىمشا گۋاڭدۇڭ ولكەلىك پارتكوم اسكەري كوميتەتىنىڭ شۋجيى، ورتالىق وڭتۇستىك مەكەمەسىنىڭ شۋجيى، قوسىمشا وڭتۇستىك مەكەمەسى اسكەري كوميتەتىنىڭ مۇشەسى بولادى.
جاڭ تايلەي گۋاڭدۇڭعا بارىسىمەن، گۋاڭجۋ قوزعالىسىنا قولباسشىلىق ەتۋ قۇرىلىمى بولعان توڭكەرىستىك اسكەري ىستەر كوميتەتىن دەرەۋ قۇرىپ، كوميتەت باستىعى بولادى. قىزمەت قاربالاس ءجۇرىلىپ جاتقاندا، كوتەرىلىس جونىندەگى قۇپيالىق اشكەرلەنىپ قالادى. جاڭ تايلەي سول كەزدە باتىل ارەكەتكە كەلگەندىكتەن، گۋاڭجۋ كوتەرىلىسىنىڭ مىلتىق داۋىسى 1927-جىلى 12-ايدىڭ 11-كۇنى تاڭەرتەڭ مەرزىمنەن بۇرىن شىعادى.
12-ايدىڭ 12-كۇنى، گۋاڭجۋ كوتەرىلىسىنىڭ ەكىنشى كۇنى، جاۋ ارمياسى كوتەرىلىسشى ارميانىڭ ماڭىزدى شەبىن باسىپ الادى، ءارى كوتەرىلىسشى ارميانىڭ باس قولباسشىلىق ورنىنا اسكەرلەرىن ءبولىپ جىبەرەدى. بۇدان حاباردار بولعان جاڭ تايلەي دەرەۋ اۆتوكولىككە وتىرىپ، الدىڭعى شەپكە سوعىسقا قولباسشىلىق ەتۋگە اتتانادى. جولدا كەلە جاتقاندا جاۋدىڭ تورۋىلداۋىنا ۇشىراعان جاڭ تايلەيعا 3 جەردەن وق ءتيىپ، قىزىل تۋ شانشىلعان اشىق اۆتوكولىك قۇلاپ، ەرلىكپەن قۇربان بولادى.

بەرىپ كەت ورامالىڭدى

دوستار

الىستاعى اق ەركە